લહેરા દો..તિરંગાના સંગે વડોદરામાં જામ્યો રાષ્ટ્રભક્તિનો જલસાગર
- શહેરના સાંસદ ડો.હેમાંગ જોષીની ઉપસ્થિતિમાં તિરંગા યાત્રા યોજાઈ
- ગૃહ રાજ્ય મંત્રી હર્ષભાઈ સંઘવીએ ફ્લેગ ઓફ કરી શહેરમાં આયોજિત તિરંગા યાત્રા અને પ્રસ્થાન કરાવ્યું
વડોદરા, 12 ઓગસ્ટ : સ્વતંત્રતા પર્વની આન, બાન અને શાનથી ઉજવણીની તૈયારીઓ વચ્ચે સોમવારની સાંજે શહેરના સાંસદ ડો.હેમાંગ જોષીની ઉપસ્થિતિમાં ગૃહ રાજ્ય મંત્રી હર્ષભાઈ સંઘવીએ ભવ્ય અતિભવ્ય એવી તિરંગા યાત્રાને પ્રસ્થાન કરાવ્યું હતું. અખંડ ભારતની એકતાના યશગાન ગાતિ આ તિરંગા યાત્રામાં શહેરના અન્ય મહા અનુભવો પણ જોડાયા હતા.
આ પ્રસંગે સાંસદ ડો.હેમાંગ જોષીએ દેશના સ્વાભિમાનના પ્રતીક સમા તિરંગાને ઘરે ઘરે લહેરાવવા અને રાષ્ટ્ર ભક્તિના રંગે રંગાવવા સૌ શહેરીજનોને અનુરોધ કર્યો હતો. દરમિયાન ભારતના શોર્ય, શાંતિ અને સમૃદ્ધિના વૈભવના ગૌરવ ગાન સાથે આયોજિત તિરંગા યાત્રાના પ્રસ્થાન પૂર્વે વકૃત્વ સ્પર્ધા તેમજ નિબંધ સ્પર્ધાના વિજેતા બાળકોને પુરસ્કાર એનાયત કરી તેમનુ સન્માન પણ કરવામાં આવ્યું હતું. મોટી સંખ્યામાં શહેરીજનોએ તિરંગા યાત્રામાં જોડાઈ અનોખી દેશદાઝના દર્શન કરાવ્યા હતા.
