કુશલ ટંડને શિવાંગી જોશી સાથે રિલેશનશિપ કન્ફર્મ કરી, ક્યારે કરશે લગ્ન?

• કુશલ ટંડન અગાઉ પણ ગૌહર ખાન સાથેના તેના રિલેશનને લઈને ચર્ચામાં હતો. હવે તેણે કો-સ્ટાર શિવાંગી સાથેના સંબંધોને કન્ફર્મ કરી દીધા છે

19 સપ્ટેમ્બર, મુંબઈઃ બિગ બોસ 7માં અભિનેત્રી ગૌહર ખાન સાથેના પ્રેમ સંબંધને કારણે ચર્ચામાં રહેલા ટીવી અભિનેતા કુશલ ટંડન ફરી એકવાર પ્રેમમાં છે. ટીવી શો ‘બરસાતેં-મૌસમ પ્યાર કા’માં કુશલ ટંડનના તેની કો-સ્ટાર અભિનેત્રી શિવાંગી જોશી સાથેના પ્રેમ સંબંધની ચર્ચાઓ થઈ હતી. હવે તેણે શિવાંગી સાથેના સંબંધોની પુષ્ટિ કરી છે.

શિવાંગી સાથેના સંબંધો પર કરી વાત

કુશલે તેના સંબંધો વિશે ખુલીને વાત કરી હતી અને શિવાંગી સાથેના તેના લગ્નના પ્લાનિંગ વિશે પણ ખુલાસો કર્યો હતો. અભિનેતા કહે છે કે તે અત્યારે લગ્ન કરવા નથી માંગતો પરંતુ, તે પ્રેમમાં છે અને ધીમે ધીમે સંબંધોમાં આગળ વધી રહ્યો છે. તેણે વધુમાં કહ્યું કે પુત્રવધૂ માટે તેના માતા-પિતાની શોધ આખરે પૂરી થઈ ગઈ છે. તેણે કહ્યું કે મારી માતા મારા જલ્દી લગ્ન કરવા માંગે છે. જો તેને તક મળશે તો તે આજે જ મારા લગ્ન કરાવી દે. જો કે કુશલે તેના લગ્ન વિશે કોઈ સંકેત નથી આપ્યા, પરંતુ તેણે કહ્યું કે તે ગમે ત્યારે લગ્ન કરી શકે છે.

કુશલ અને શિવાની કો-સ્ટાર

કુશલ ટંડન અને શિવાંગી જોશીએ ટીવી શો ‘બરસાતેં- મૌસમ પ્યાર કા’માં સાથે કામ કર્યું હતું અને ત્યારથી લોકો માને છે કે તેઓ એકબીજાના પ્રેમમાં પડી ગયા હતા. બંનેની ઓન-સ્ક્રીન કેમેસ્ટ્રી પણ લોકોને પસંદ પડી હતી. શિવાંગી જોશી લોકપ્રિય શો ‘યે રિશ્તા ક્યા કહેલાતા હૈ’માં પણ જોવા મળી છે.

ગૌહર ખાન સાથેનું અફેર ચર્ચામાં રહ્યું હતું

કુશલની ડેટિંગ લાઈફ આ પહેલા પણ હેડલાઇન્સમાં રહી છે. ગૌહર ખાન સાથે તેના સંબંધોની ચર્ચા થઈ હતી, જેની લવ સ્ટોરી બિગ બોસ 7ના ઘરમાં શરૂ થઈ હતી. આ શોમાં બંને એકબીજાની ખૂબ જ નજીક આવી ગયા હતા. શો પછી તેઓ ગાયક રાહત ફતેહ અલી ખાન સાથે મ્યુઝિક વીડિયો ‘ઝરૂરી થા’માં જોવા મળ્યા હતા. જો કે, શોમાંથી બહાર આવ્યાના એક વર્ષમાં જ તેમનું બ્રેકઅપ થઈ ગયું

આ પણ વાંચોઃ ‘સ્ત્રી 2’ની સફળતા બાદ ‘સ્ત્રી 3’ પણ તૈયાર, શ્રદ્ધા કપૂરે આપી હિંટ