બહેન કવિતાની ધરપકડ પર કેટીઆર ED અધિકારીઓ પર ભડક્યા

હૈદરાબાદ (તેલંગાણા), 15 માર્ચ: એન્ફોર્સમેન્ટ ડિરેક્ટોરેટ (ED) એ દિલ્હી લિકર પોલિસી કેસ સંબંધિત મની લોન્ડરિંગ કેસમાં ભારત રાષ્ટ્ર સમિતિ (BRS) નેતા કે. હૈદરાબાદમાં તેના પરિસરમાં દરોડા પાડ્યા બાદ કવિતાની ધરપકડ કરવામાં આવી છે. આ દરમિયાન તેમના ભાઈ અને BRSના વરિષ્ઠ નેતા કેટી રામારાવે હંગામો મચાવ્યો હતો. સામે આવેલા વીડિયોમાં રામારાવ ED અધિકારીઓ સાથે ઉગ્ર દલીલ કરતા જોવા મળે છે.

વીડિયોમાં કે કવિતાના હૈદરાબાદ સ્થિત ઘરના અંદરનો છે. રામા રાવ વીડિયોમાં દાવો કરી રહ્યા છે કે, એજન્સીના અધિકારીઓ પાસે કવિતાને દિલ્હી લઈ જવા માટે જરૂરી ટ્રાન્ઝિટ વૉરન્ટ નથી. કેટીઆર EDના અધિકારીઓને પૂછ્યું કે, મેડમ ભાનુ પ્રિયા મીનાનું કહેવું છે કે, તેમની તપાસ પૂરી થઈ ગઈ છે અને ધરપકડ વૉરન્ટ જારી કરાયું છે, પરંતુ તેમની પાસે ટ્રાન્ઝિટ વૉરન્ટ નથી. અને હવે તે કહે છે કે પરિવાર અંદર આવી શકશે નહીં? તો તમે તેને મેજિસ્ટ્રેટ સમક્ષ રજૂ કરી શકતા નથી. તમે કેસ કેવી રીતે કરી શકો?

આ દરમિયાન કેટી રામારાવ અને ED અધિકારીઓ વચ્ચે ઉગ્ર બોલાચાલી થઈ હતી. કેટી રામારાવે આ સમગ્ર પ્રક્રિયાને સુપ્રીમ કોર્ટના આદેશોનું ઉલ્લંઘન ગણાવ્યું હતું અને ચેતવણી આપી હતી કે તમારી મુશ્કેલીઓ વધી શકે છે. જેના પર એજન્સીના અધિકારીઓ જવાબ આપ્યા કે, તમારી પાસે કાયદાકીય માર્ગ છે.

કવિતા આજે રાઉઝ રેવન્યુ કોર્ટમાં રજૂ થશે

EDએ દાવો કર્યો છે કે, કવિતા એ ‘સાઉથ ગ્રુપ’નો ભાગ છે જેણે દિલ્હીની શાસક આમ આદમી પાર્ટીને હવે બંધ થયેલી લિકર એક્સાઇઝ પોલિસી હેઠળ દારૂના લાયસન્સ માટે લાંચ આપી હતી. ‘સાઉથ ગ્રુપ’ પર 100 કરોડની લાંચ આપવાનો આરોપ છે. EDનો દાવો છે કે આ નાણાંનો AAP દ્વારા ચૂંટણી પ્રચાર માટે ઉપયોગ કરવામાં આવ્યો હતો. કવિતાને આજે સવારે 10:30 વાગ્યે રાઉઝ રેવન્યુ કોર્ટમાં રજૂ કરવામાં આવશે.

આ પણ વાંચો: EDએ KCRની પુત્રી કવિતાની કરી ધરપકડ, દિલ્હી લઇ જવાશે