KTM 250 Dukeની કિંમતમાં થયો ભારે ઘટાડો, આટલી ઓછી કિંમતમાં મળશે શાનદાર ફીચર્સ

નવી દિલ્હી, 2 ડિસેમ્બર, શું તમે બાઇક ખરીદવાનું વિચારી રહ્યા છો તો આ સમાચાર તમારા માટે જ છે કારણ કે, પ્રીમિયમ અને સ્પોર્ટ્સ બાઇક ઉત્પાદક KTM ઇન્ડિયાએ તેની પરફોર્મન્સ બાઇક KTM 250 Dukeની કિંમતમાં ભારે ઘટાડો જોવા મળી રહ્યો છે. આ કપાત બાદ હવે આ મોટરસાઇકલ ખરીદવા માટે ચાહકો ઘણા ખુશ છે. સ્ટોક ક્લિયર કરવા માટે, KTM આ બાઇક પર બમ્પર ડિસ્કાઉન્ટ આપી રહી છે. નોંધનીય બાબત એ છે કે આ મર્યાદિત સમયગાળાની ઓફર છે, જે ફક્ત 31 ડિસેમ્બર સુધી જ માન્ય છે. આ બાઇક ત્રણ કલર ઓપ્શનમાં ઉપલબ્ધ છે.

KTM, ભારતમાં વિશ્વની સૌથી મોટી અને સૌથી ઝડપથી વિકસતી પ્રીમિયમ યુરોપિયન બ્રાન્ડ, KTM 250 DUKE, ભારતમાં સૌથી વધુ વેચાતી 250cc મોટરસાઇકલ માટે વર્ષના અંતમાં આકર્ષક ઑફરની જાહેરાત કરી છે. બાઇક KTM 250 Dukeની કિંમતમાં 20,000 રૂપિયાનો ઘટાડો કર્યો છે. આ કપાત બાદ હવે આ મોટરસાઇકલની કિંમત 2.25 લાખ રૂપિયા (એક્સ-શોરૂમ, દિલ્હી) થઇ ગઇ છે. KTM 250 DUKEમાં રાઈડ મોડ સ્ટ્રીટ અને ટ્રેક મોડ આપવામાં આવ્યા છે. તેમાં નવું LED હેડલેમ્પ સેટઅપ, નેવિગેશન અને બ્લૂટૂથ કનેક્ટિવિટીથી સજ્જ નવું 5-ઇંચ કલર TFT ડિસ્પ્લે હશે.

ફેરફારો સાથે નવી Duke 250 લોન્ચ કરવામાં આવી

નવી KTM Duke 250 ને ડ્યુક 390 પાસેથી ઉધાર લીધેલ બૂમરેંગ આકારની LED DRL સાથે હેડલાઇટ મળે છે, જે આગળનો દેખાવ વધુ આક્રમક બનાવે છે. આ સિવાય ડાબા હેન્ડલબાર પર નવું સ્વીચગિયર અને 4-વે મેનુ સ્વિચ છે. લેટેસ્ટ બાઇકની ડિઝાઇન હાલના મોડલ જેવી જ છે, જે ઘણા કટ અને ક્રિઝ સાથે શાર્પ અને સ્પોર્ટી લુક આપે છે અને તેને એબોની બ્લેક કલર ઓપ્શનમાં આપવામાં આવ્યું છે. તેમાં એકદમ નવો LED હેડલેમ્પ, બ્લૂટૂથ કનેક્ટિવિટી અને નેવિગેશન સાથે 5-ઇંચ કલર TFT ડિસ્પ્લે, 2 રાઇડ મોડ્સ: સ્ટ્રીટ, ટ્રેક (સ્ક્રીન સાથે લેપ ટાઇમર), ડ્યુઅલ-ડાયમેન્શનલ ક્વિકશિફ્ટર+, પાવરફુલ 250cc એન્જિન મળે છે.

આ પણ વાંચો..1 વર્ષમાં 180% રિટર્ન, Google માટે કામ કરતી કંપનીએ રોકાણકારોને બનાવ્યા માલામાલ