કૃતિ ખરબંદા પહોંચી સાસરે અને પહેલી રસોઈમાં બનાવ્યો હલવો

મુંબઈ, 19 માર્ચ : કૃતિ ખરબંદા અને પુલકિત સમ્રાટે તાજેતરમાં જ લગ્ન કર્યા અને તેમના સંબંધોને એક નવું નામ આપ્યું છે. તેમના લગ્ન સમારોહ ગુડગાંવમાં યોજાયો હતો, જ્યાં ફક્ત નજીકના લોકો જ હાજર હતા. જ્યારે તેઓ મુંબઈ પાછા ફર્યા, ત્યારે કૃતિનું તેના સાસરિયાના ઘરે ઢોલ-નગારા સાથે ઉષ્માભર્યું સ્વાગત કરવામાં આવ્યું હતું. કૃતિએ પહેલી રસોઈમાં અભિનેત્રીએ હલવો બનાવીને તેના સાસરિયાઓને ખવડાવ્યો હતો. તસવીરો શેર કરીને તેણે જણાવ્યું કે તેના દાદીએ તેની રેસિપીને મંજૂરી આપી છે.

દાદીને હલવો પસંદ આવ્યો

આજે મંગળવારે કૃતિએ હલવો બનાવવા અંગે પોતાની ખુશી વ્યક્ત કરી હતી. તેણે ઈન્સ્ટાગ્રામ સ્ટોરી પર ઘણી તસવીરો શેર કરી છે. પોસ્ટ કરેલી ત્રણ તસવીરોમાંથી પ્રથમમાં હલવાની ડીસ દેખાય છે. આ સાથે તેણે લખ્યું, ‘મેરી પેહલી રસોઈ.’ બીજી તસવીરમાં લાલ સલવાર સૂટ પહેરેલી કૃતિ રસોડામાં હલવો સજાવતી જોવા મળે છે. પછીની તસવીરમાં, તે પુલકિતના દાદીને ગળે લગાવે છે અને તેમના આશીર્વાદ લે છે. તેણે કેપ્શનમાં લખ્યું, ‘દાદીએ મંજૂરી આપી દીધી.’

5 વર્ષ સુધી એક-બીજાને ડેટ કર્યા

કૃતિ અને પુલકિતે 15 માર્ચે સાત ફેરા લીધા હતા. બંને એકબીજાને પાંચ વર્ષથી ડેટ કરી રહ્યાં હતાં. તેઓએ થોડા મહિના પહેલા ગુપ્ત રીતે સગાઈ કરી લીધી હતી. કૃતિ સાથે પુલકિતના આ બીજા લગ્ન છે. તેના પહેલા લગ્ન 2014માં સલમાન ખાનની નજીકની બહેન શ્વેતા રોહિરા સાથે થયા હતા. માત્ર એક વર્ષ પછી તેમના છૂટાછેડા થઈ ગયા. 2019માં, ફિલ્મ ‘પાગલપંતી’ના સેટ પર પુલકિત અને કૃતિ વચ્ચે નિકટતા વધી હતી. ટૂંક સમયમાં જ બંને એકબીજાને ડેટ કરવા લાગ્યા. તેઓએ લાંબા સમય સુધી તેમના સંબંધોને છુપાવ્યા પરંતુ પછી સોશિયલ મીડિયા પર આ વાતને શેર કરી હતી.

આ પણ વાંચો : પતિ બની ગયો મગરનો કોળિયો, પેટમાં ફસાઈ ગયા 3 દાંત, પછી પત્નીની લાકડીએ કર્યો ચમત્કાર!