કોલકાતા: પીડિત મહિલા ડોક્ટરના માતા-પિતાએ વ્યક્ત કર્યું પોતાનું દર્દ, લોકોને કરી આ વિનંતી

• કોલકાતામાં 8 અને 9 ઓગસ્ટની મધ્યરાત્રિએ એક મહિલા ડૉક્ટર પર દુષ્કર્મ અને તેમની હત્યાને પગલે દેશમાં પીડા અને ગુસ્સો છે, ત્યારે માતાપિતાએ લોકોને ખાસ વિનંતી કરી છે

કોલકાતા, 17 ઓગસ્ટ: કોલકાતાના 31 વર્ષીય ડોક્ટર પર બળાત્કાર અને હત્યાના મામલામાં પીડિતાના માતા-પિતાનું દર્દ ફરી એકવાર છલકાયું છે. લેડી ડૉક્ટરના પિતાએ લોકોને અપીલ કરી છે કે તેઓ તેમની ‘દીકરીનું નામ’ લેવાનું ટાળે. તેમણે વધુમાં કહ્યું છે કે લોકોએ તેની પુત્રીના ‘વિકૃત શરીર’ની તસવીરો શેર ન કરવી જોઈએ. તેમણે લોકોને ખોટી માહિતી ફેલાવવાનું ટાળવાનું પણ કહ્યું છે.

8 અને 9 ઓગસ્ટની તે રાત્રે પોતાનો જીવ ગુમાવનાર તાલીમાર્થી ડોક્ટરની કથિત તસવીરો અને નામ સોશિયલ મીડિયા પર લોકો ફેલાવી રહ્યા છે. નિયમો અનુસાર પીડિતાની તસવીર અને નામ ગુપ્ત રાખવું જોઈએ, પરંતુ લોકો પીડિતાની તસવીરો મેસેજ સાથે શેર કરી રહ્યા છે જેથી દોષિતોને વહેલી તકે સજા થાય. સ્વાભાવિક છે કે આ તસવીરો જોઈને માતા-પિતાનું દર્દ વધી રહ્યું છે. લેડી ડોક્ટરના માતા-પિતાએ તેમની પુત્રીને ન્યાય મેળવવા માટે વિશ્વભરમાં થયેલા વિરોધ અને રિક્લેમ ધ નાઈટ ઈવેન્ટના પ્રતિભાવમાં જણાવ્યું હતું કે, અમે એક દીકરી ગુમાવી છે પરંતુ અમે લાખો દીકરીઓ મેળવી છે. ટાઈમ્સ ઓફ ઈન્ડિયાના અહેવાલ મુજબ પિતાએ તેમની પુત્રીના ‘વિકૃત શરીર’ની તસવીરો શેર ન કરવા કહ્યું હતું.

આ સાથે માતા-પિતાએ પણ સીબીઆઈની તપાસની પદ્ધતિ પર પોતાનો વાંધો નોંધાવ્યો હતો અને કહ્યું છે કે અમારી પાસેથી તમામ પુરાવા અને દસ્તાવેજો લઈ લેવામાં આવ્યા છે પરંતુ અમને એમ પણ કહેવામાં આવ્યું છે કે આ સમગ્ર કેસમાં મુખ્ય આરોપી સંજય રોય આમાં સામેલ ન પણ હોઈ શકે.

સીબીઆઈએ આ સમગ્ર મામલે તપાસ તેજ કરી છે. તે આરજી કાર મેડિકલ હોસ્પિટલના સીસીટીવી ફૂટેજને સ્કેન કરી રહી છે. આ ફૂટેજમાં જોવા મળી રહ્યું છે કે રેપ અને હત્યાનો મુખ્ય આરોપી સંજય રોય 35 મિનિટ પછી સેમિનાર હોલમાંથી બહાર આવ્યો હતો.

આ પણ વાંચો: ‘મહિલા ડોકટરના માતા-પિતાને કોણે કહ્યું કે તે આત્મહત્યા છે?’ સ્મૃતિ ઈરાનીએ મમતા સરકાર પર ઉઠાવ્યા પ્રશ્નો