રણવીરે કરણ જોહરને કેમ કહ્યો ‘ઠરકી અંકલ’ ! શું કહ્યું દિપીકાએ ?
કોફી વિથ કરણની સીઝન 8 આ અઠવાડિયાથી શરૂ થવા જઈ રહી છે. કરણ જોહર ફરી એકવાર ગોસિપ કિંગ બનવા જઈ રહ્યો છે. આ સિઝનના શોના પહેલા ગેસ્ટ રણવીર સિંહ અને દીપિકા પાદુકોણ છે. સોશિયલ મીડિયા પર એક પ્રોમો લીક થયો છે જેમાં કરણ જોહર તેની સામે બેઠેલા કપલ સાથે ચેટ કરતો જોવા મળે છે.
Deepika Padukone and Ranveer Singh on Koffee With Karan pic.twitter.com/mwHUwTLBdN
— elitestanning (@elitestanning) October 22, 2023
પ્રોમોની શરૂઆતમાં જ કરણ જણાવે છે કે રણવીર અને દીપિકા પહેલીવાર સાથે જોવા મળી રહ્યા છે. આ પછી જ્યારે કરણ જોહર બંનેના વખાણ કરે છે તો રણવીર તેને ઠરકી અંકલ કહીને બોલાવે છે. પછી કરણ કહે છે, “હું તમારી સાથે પછી વાત કરીશ.” બીજી જ ક્ષણે, તે જોઈ શકાય છે કે કરણ કહે છે કે બંનેએ કોઈને જાણ કર્યા વગર સગાઈ કરી લીધી હતી. આના પર રણવીરે જવાબ આપ્યો કે તેણે વર્ષ 2015માં દીપિકાને પ્રપોઝ કર્યું હતું.
પ્રોમોમાં દીપિકાને સવાલો પણ પૂછવામાં આવ્યા છે. તેને પૂછવામાં આવ્યું કે રણવીર સિવાય તેની કોની સાથે સારી કેમેસ્ટ્રી છે. દીપિકા અહીં પોતાની આગામી ફિલ્મ ‘ફાઈટર’નું પ્રમોશન કરતાં જરાય શરમાતી નથી અને તરત જ રિતિક રોશનનું નામ લે છે. કારણ કે બંને ફાઈટર ફિલ્મમાં લીડ એક્ટર છે.
કોફી વિથ કરણ સીઝન 8માં રણવીર-દીપિકા ઉપરાંત અન્ય ઘણા મહેમાનોના નામ પણ સામે આવ્યા છે. જેમ કે- સની દેઓલ અને બોબી દેઓલ, સુહાના ખાન અને ખુશી કપૂર, ઝીનત અમાન અને નીતુ કપૂર, સિદ્ધાર્થ અને કિયારા. કરણ જોહરનો આ શો ડિઝની પ્લસ હોટસ્ટાર પર 26 ઓક્ટોબર, 2023 થી શરૂ થઈ રહ્યો છે અને ચાહકો ફરી એકવાર ઘણી ગપસપ સાંભળવા માટે તૈયાર છે.
