જય શ્રી રામ…હનુમાનજી માટે આ ફિલ્મના શોમાં બુક રખાશે સીટ

આદિપુરુષ ફિલ્મ રિલીઝ થાય તે પહેલા જ તેનો ચકચાર મચી ગયો છે.હવે આ ફિલ્મની રિલીઝ પહેલા મેકર્સે દરેક થિયેટરમાં ભગવાન હનુમાનજી માટે એક સીટ ખાલી રાખવાની જાહેરાત કરી છે પ્રભાસની ફિલ્મ આદિપુરુષની તેના ચાહકો આતુરતાથી રાહ જોઈ રહ્યા છે.રામાયણ પર આધારિત આ ફિલ્મ માટે તેને જોઈને લોકોમાં ઉત્તેજના સર્જાઈ છે.ફિલ્મનું ટ્રેલર રિલીઝ થયા બાદ તેને લઈને ઉત્તેજના વધુ વધી ગઈ છે. હવે આ ફિલ્મ સાથે જોડાયેલા વધુ એક સમાચાર સામે આવ્યા છે.વાસ્તવમાં,આ ફિલ્મના રિલીઝ સમયે નિર્માતાઓએ દરેક થિયેટરમાં ભગવાન હનુમાન માટે એક સીટ ખાલી રાખવાની જાહેરાત કરી છે.

એમના કહેવા મુજબ દરેક સિનેમા હોલમાં એક સીટ ભગવાન હનુમાનને સમર્પિત કરવામાં આવશે.નિર્માતાઓએ તેમના નિવેદનમાં કહ્યું,”જ્યાં પણ રામાયણનું પાઠ કરવામાં આવે છે,ત્યાં ભગવાન હનુમાન મુલાકાત લે છે. તે અમારી માન્યતા છે.આ માન્યતાને માન આપીને,પ્રભાસની રામ-સ્ટારર આદિપુરુષના દરેક થિયેટર સ્ક્રીનીંગમાં એક સીટ ખાલી રાખવામાં આવશે અને એ સીટ ભગવાન હનુમાન માટે રિઝર્વ રહેશે.

ઓમ રાઉત દ્વારા નિર્દેશિત ‘આદિપુરુષ’ 16 જૂને સિનેમાઘરોમાં રિલીઝ થવા જઈ રહી છે.આ ફિલ્મ પાંચ ભાષાઓમાં રિલીઝ થશે – તેલુગુ, હિન્દી, તમિલ, મલયાલમ અને કન્નડ. ફિલ્મમાં પ્રભાસ પ્રભુ શ્રી રામના રોલમાં જોવા મળશે.જ્યારે કૃતિ સેનન માતા સીતા અને સૈફ અલી ખાન રાવણના રોલમાં જોવા મળશે. આપને જણાવી દઈએ કે આ ફિલ્મને બનાવવામાં 500 કરોડથી વધુ રૂપિયાનો ઉપયોગ કરવામાં આવ્યો છે.ચાહકો આદિપુરુષ વિશે પહેલેથી જ ખૂબ જ ઉત્સાહિત છે.

આવી સ્થિતિમાં, નિર્માતાઓએ હવે આ ફિલ્મની રિલીઝ પર દરેક થિયેટરમાં ભગવાન હનુમાન માટે એક સીટ ખાલી રાખવાની જાહેરાત કરી છે. હવે આ સાથે, ચાહકોને ફિલ્મ માટે વધુ ઉત્સાહ જોવા મળી શકે છે. વાસ્તવમાં, મેકર્સ દ્વારા આ જાહેરાત ફિલ્મની રિલીઝના માત્ર 10 દિવસ પહેલા કરવામાં આવી હતી.

આ પણ વાંચો : જગતના નાથ થયા ક્વોરન્ટાઇન, જાણો વૈદ્યજીએ શું આપી ઔષધિ