Infosysના નારાયણ મૂર્તિએ જ્યારે ટિકિટ વિના મુસાફરી કરી હતી, જાણો શું થયું હતું?

નવી દિલ્હી, 11 જાન્યુઆરી: ઈન્ફોસિસના સ્થાપક નારાયણ મૂર્તિએ એક ઈન્ટરવ્યુમાં પત્ની સુધા મૂર્તિ સાથે વિતાવેલી કેટલીક પળોને યાદ કરી. જો કે આ કારણે તે ફરી એકવાર ઈન્ટરનેટ પર ટ્રોલ થઈ રહ્યા છે. વાસ્તવમાં, નારાયણ મૂર્તિએ એક ઈન્ટરવ્યુમાં કહ્યું હતું કે યુવાનીમાં તેઓ સુધા મૂર્તિને મૂકવા માટે રેલવે સ્ટેશન ગયા હતા. તે સમયે તેમણે સુધા મૂર્તિને સાથ આપવા માટે ટિકિટ વિના ટ્રેનમાં 11 કલાકની મુસાફરી કરી હતી. તેમણે કહ્યું કે હું તે સમયે પ્રેમમાં હતો. જો કે આ પછી નેટીઝન્સ ફરી એકવાર નારાયણ મૂર્તિને 11 કલાકની મુસાફરી કરવા માટે ટ્રોલ કરી રહ્યા છે.

ઈન્ફોસિસના સ્થાપક ફરી એકવાર ટ્રોલ થયા

એક યુઝર્સે કટાક્ષ કરતાં લખ્યું કે, આ તો રેલવે અને બિલિંગ કલાકોની ખોટ છે.. તબ 70 અવર્સ કા રૂલ નહીં થા ક્યા??? અન્ય એક યુઝર્સે મજાક ઉડાવતાં લખ્યું કે, શું તેમણે તે અઠવાડિયામાં 70 કલાકનું કામ કર્યું હશે. જ્યારે અન્ય એક યુઝર્સે રમતિયાળ રીતે ચીડવ્યું કે, તે અઠવાડિયે 70માંથી 59 કલાક કામ માટે ફાળવ્યા હશે. એટલે એ વીક કંપની પર ફાઈનાન્શિયલ સ્ટ્રેસ ઊભું થયું હશે.જ્યારથી નારાયણ મૂર્તિએ યુવા વ્યાવસાયિકોને 70-કલાકના કાર્ય સપ્તાહને સ્વીકારવા માટે પ્રોત્સાહિત કર્યા છે, ત્યારથી નેટિઝન્સ તેમને ટ્રોલ કરી રહ્યા છે.

નારાયણ મૂર્તિએ 70 કલાક કામ કરવાના નિવેદનનો બચાવ કર્યો

ઇન્ફોસિસના સ્થાપક નારાયણ મૂર્તિએ એક ઇન્ટરવ્યુમાં અઠવાડિયામાં 70 કલાક કામ કરવાના તેમના નિવેદનનો બચાવ કર્યો છે. ઈન્ફોસીસના સ્થાપક નારાયણ મૂર્તિએ કહ્યું છે કે તેઓ પોતે કર્યા વિના લોકોને આવી સલાહ આપી ન હોત. આ દરમિયાન સુધા મૂર્તિએ નારાયણ મૂર્તિના અઠવાડિયામાં 70 કલાક કામ કરવાના નિવેદન પર પણ પોતાનો અભિપ્રાય વ્યક્ત કર્યો હતો. સુધા મૂર્તિએ કહ્યું કે નારાયણ મૂર્તિ પોતે અઠવાડિયામાં 90 કલાકથી વધુ કામ કરે છે. તે વાસ્તવિક મહેનતમાં વિશ્વાસ રાખે છે. તેણે પોતાનું જીવન આ જ રીતે જીવ્યું છે.

શું હતું નારાયણ મૂર્તિનું નિવેદન

વર્ષ 2023માં ઈન્ફોસિસના સ્થાપકે એક પોડકાસ્ટ પર કહ્યું હતું કે ભારતની કાર્ય ઉત્પાદકતા વિશ્વમાં સૌથી ઓછી છે અને ચીન જેવા દેશો સાથે સ્પર્ધા કરવા માટે ભારતના યુવાનોએ વધારાના કલાકો કામ કરવું પડશે. તેમણે કહ્યું કે દેશના યુવાનોએ અઠવાડિયામાં 70 કલાક કામ કરવું જોઈએ. જાપાન અને જર્મનીએ આ કર્યું. આ નિવેદન બાદ વૈશ્વિક સ્તરે ચર્ચા થવા લાગી હતી.

આ પણ વાંચો: યુવાનોએ અઠવાડિયામાં કેટલા કલાક કામ કરવું જોઇએ? નારાયણ મૂર્તિના નિવેદનથી દેશમાં છેડાઈ ચર્ચા