રક્ષાબંધનના મુહૂર્ત જાણો, આર્થિક સમૃદ્ધિ માટે બહેનને રાશિ અનુસાર આપો ગિફ્ટ

• રક્ષાબંધનના દિવસે ભાઈઓ બહેનોને ગિફ્ટ આપે તો તેમનો ભાગ્યોદય થાય છે. એવું કહેવાય છે કે રાશિ અનુસાર ગિફ્ટ આપવાથી ભાઈ બહેન બંને આર્થિક રીતે સમૃદ્ધ બને છે

HD ન્યુઝ ડેસ્કઃ આ વર્ષે શ્રાવણી પૂર્ણિમા 19 ઓગસ્ટ, 2024ના દિવસે સોમવારના રોજ ઉજવવામાં આવશે. શ્રાવણી પૂર્ણિમા પર શોભન યોગ, સિદ્ધિ ઔદાયિક યોગ રહેશે. આ ઉપરાંત સૂર્ય અને શનિ સ્વગૃહી, બુધાદિત્ય, ગજ કેસરી, શશ, લક્ષ્મી નારાયણ યોગે રક્ષાબંધનના તહેવારને ખાસ બનાવી દીધો છે. પૂર્ણિમા તિથિ 18 ઓગસ્ટ 2024 ને રવિવારે રાત્રે 2:21 થી શરૂ થશે. જે સોમવાર, 19 ઓગસ્ટ, 2024 ના રોજ રાત્રે 12:28 સુધી રહેશે. આમ, પૂર્ણિમા તિથિ સૂર્યોદયથી રાત્રે 12:28 સુધી રહેશે.

આ કારણે રક્ષાબંધનનું પવિત્ર કાર્ય પૂર્ણિમાના દિવસે કરવામાં આવે છે જ્યારે ભદ્રા ન હોય, પરંતુ આ વર્ષે ભદ્રાની છાયા સૂર્યોદયથી લઈને બપોરે 1:25 વાગ્યા સુધી રહેશે. આ કારણે રક્ષાબંધન પર સવારથી 1:25 વાગ્યા સુધી રાખડી બાંધવામાં નહીં આવે. આ પછી ભદ્રા સમાપ્ત થશે અને શુભ મુહૂર્ત મળશે. બપોરે 1:40 થી સાંજે 6:25 સુધી ભાઈના હાથે રક્ષા બાંધવાથી શ્રેષ્ઠ અને શુભ ફળ મળશે. આ ઉપરાંત તમે સાંજે 6:25 થી 7:40 સુધીના સમયે પણ રાખડી બાંધી શકશો.

શ્રાવણ માસના શુક્લ પક્ષની પૂર્ણિમાના દિવસે ભાઈઓએ બહેનોને ગિફ્ટ આપવાથી સુખ સમૃદ્ધિમાં વધારો થાય છે. એવું કહેવાય છે કે રાશિ અનુસાર ગિફ્ટ આપવામાં આવે તો ભાઈ બહેન બંને આર્થિક રીતે સમૃદ્ધ બને છે.

મેષ

ચાંદીના વાસણો, ઈલેક્ટ્રોનિક વસ્તુઓ, કેસરી, ગુલાબી, લાલ અને ક્રીમ રંગના કપડાં.

વૃષભ

કપડાં, ઝવેરાત, મીઠાઈઓ, વાદળી અને લીલા રંગના કપડાં.

મિથુન

સોનાના દાગીના અથવા રોકડ, લીલા, પીળા અને ક્રીમ રંગના કપડાં.

કર્ક

ચાંદીના ઘરેણાં, ઘરગથ્થુ ઈલેક્ટ્રોનિક સામાન, ક્રીમ, લાલ અને પીળા રંગના કપડાં.

સિંહ

તાંબાના વાસણો, લાલ, કેસરી અને લીલા રંગના કપડાં

કન્યા

ભગવાન ગણેશની મૂર્તિ અથવા સોનાના આભૂષણો, લીલા, ક્રીમ અને પીળા રંગના કપડાં.

તુલા

કપડાં, કોસ્મેટિક્સ અથવા સુશોભનની વસ્તુઓ, ક્રીમ, વાદળી અને લીલા તેમજ કેસરી રંગના કપડાં.

વૃશ્ચિક

ઈલેક્ટ્રોનિક ઉપકરણો, સોનાના આભૂષણો, લાલ, પીળા અને કેસરી લાલ રંગના કપડાં.

ધન

સોનાના ઘરેણાં અથવા રોકડ, પીળા, લાલ અને લીલા રંગના કપડાં.

મકર

કપડાં, વાહન અથવા રોકડ, વાદળી, ક્રીમ અને લીલા રંગના કપડાં.

કુંભ

સૌંદર્ય પ્રસાધનો, ફૂટવેર, વાદળી અને ક્રીમ રંગના કપડાં.

મીન

સોનાના આભૂષણો, ચાંદીના વાસણો, પીળા અને લાલ રંગના કપડાં.

આ પણ વાંચોઃ રક્ષાબંધન પર ફરી ભદ્રાની છાયા, જાણો ક્યારે બાંધશો ભાઈના હાથમાં રાખડી?