સર્વપિતૃ અમાસનું મહત્ત્વ જાણો, પિતૃઓને આ રીતે આપો વિદાય

• 14 ઓક્ટોબર 2023ના રોજ આસો મહિનાની અમાસ
• સર્વપિતૃ અમાસ પર વર્ષનું બીજું સૂર્યગ્રહણ
• શ્રાદ્ધ પક્ષના છેલ્લા દિવસનું આ છે મહત્ત્વ
• આસો અમાસ પર આ રીતે કરો પિતૃઓને વિદાય

14 ઓક્ટોબર, 2023 અને શનિવારના રોજ સર્વ પિતૃ અમાસ છે. આસો માસના કૃષ્ણ પક્ષની અમાસને સર્વ પિતૃ અમાસ,  પિતૃ વિસર્જનની અમાસ કે મહાલય અમાસ પણ કહેવાય છે. શનિવારે આવતી આ તિથિને કારણે આ તિથિને શનિશ્વરી અમાસ પણ કહેવાય છે. આ તિથિએ શ્રાદ્ધપક્ષ સમાપ્ત થાય છે અને પિતૃગૃહમાંથી આવેલા પૂર્વજો પરત ફરે છે. આ દિવસે પિતૃઓનું શ્રાદ્ધ કરવામાં આવે છે. શારદીય નવરાત્રિ સર્વ પિતૃ અમાસના બીજા દિવસથી શરૂ થાય છે અને આગામી નવ દિવસ સુધી દેવી દુર્ગાની પૂજા કરવામાં આવે છે. સર્વ પિતૃ અમાસનું મહત્ત્વ જાણો.

સર્વ પિતૃ અમાસ પર વર્ષનું બીજું સૂર્યગ્રહણ

આસો અમાસના રોજ છેલ્લું શ્રાદ્ધ હોય છે. આ દિવસે બ્રાહ્મણ ભોજન અને પિતૃઓના નામે કરેલા દાનથી પિતૃઓના આશીર્વાદ મળે છે અને પિતૃ દોષથી પણ મુક્તિ મળે છે. આ દિવસે, શ્રાદ્ધ એવા પૂર્વજો માટે કરવામાં આવે છે જેમની તારીખો ભૂલાઇ ગઈ હોય અથવા જેમનું શ્રાદ્ધ સમગ્ર પિતૃ પક્ષ દરમિયાન ચૂકાઇ ગયું હોય. આ ઉપરાંત વર્ષનું બીજું સૂર્યગ્રહણ પણ આ શુભ દિવસે થવાનું છે. આસો અમાવસ્યાના દિવસે તમામ પિતૃઓનું શ્રાદ્ધ કરી શકાય છે, તેથી આ તિથિને સર્વપિતૃ અમાસ કહેવામાં આવે છે.

આસો અમાસનું મહત્ત્વ

પિતૃપક્ષમાં આ અમાસ આવતી હોવાથી આસોની અમાસનું મહત્ત્વ અનેકગણું વધી જાય છે. આ દિવસે પિતૃઓના આત્માની શાંતિ માટે પવિત્ર નદીઓમાં સ્નાન, દાન, શ્રાદ્ધ, તર્પણ વગેરે કાર્યો કરવામાં આવે છે. આ અમાસે પિતૃઓ તેમના પરિવારના સભ્યોને આશીર્વાદ આપે છે અને પિતૃઓના ઋણમાંથી પણ મુક્તિ મળે છે. આ અમાસ 14 ઓક્ટોબર શનિવારના રોજ આવી રહી છે, તેથી તેને શનિશ્વરી અમાસ પણ કહેવામાં આવે છે. આ દિવસે પિતૃઓનું શ્રાદ્ધ અને તર્પણ કર્યા બાદ શનિદેવની પૂજા કરવાથી શનિદેવના આશીર્વાદ મળે છે અને શનિદેવની મહાદશાના અશુભ પ્રભાવો ઓછા થાય છે. આ તિથિના બીજા દિવસથી શારદીય નવરાત્રિ શરૂ થાય છે, જેમાં માતા દુર્ગાની નવ શક્તિઓની પૂજા કરવામાં આવે છે.

સર્વ પિતૃ અમાસનું ક્યારે છે?

અમાસ તિથિનો પ્રારંભઃ 13 ઓક્ટોબર, રાત્રે 9.51 વાગ્યાથી.

અમાસની તિથિ સમાપનઃ 14 ઓક્ટોબર, રાત્રે 11.25 વાગ્યે.

ઉદયા તિથિને ધ્યાનમાં લેતા, આસો અમાસની તારીખ 14 ઓક્ટોબર, શનિવારના રોજ માન્ય રહેશે .

પિતૃઓને આ રીતે કરજો વિદાય

આસો અમાસના દિવસે પવિત્ર નદીઓમાં સ્નાન કરવાનું વિશેષ મહત્ત્વ છે. સ્નાન કર્યા પછી સૂર્યદેવને જળ અર્પિત કરો અને પિતૃઓને અર્પણ કરો. આ દિવસે સાંજે દીવો પ્રગટાવો અને મુખ્ય દ્વાર પર પુરી, શાક અને અન્ય મીઠાઈઓ રાખો. આ એટલા માટે કરવામાં આવે છે જેથી પૂર્વજો ભૂખ્યા ન રહે અને દીવાનો પ્રકાશ તેમને જવાનો રસ્તો બતાવે. જો તમે સમગ્ર પિતૃ પક્ષ દરમિયાન તમારા પૂર્વજોનું શ્રાદ્ધ ન કર્યું હોય અથવા તિથિ યાદ ન હોય તો તમે આ દિવસે શ્રાદ્ધ અને તર્પણ કરી શકો છો. આ ઉપરાંત ભુલાઈ ગયેલા પૂર્વજોના નામ પર પણ શ્રાદ્ધ કરી શકાય છે.

આ પણ વાંચોઃ ખાલિસ્તાનીઓએ હદ વટાવી, તિરંગો સળગાવી- ગૌમુત્ર છાંટ્યું