ખેલ ખેલ મેં ફિલ્મનું ટ્રેલર રીલીઝ, અક્ષય-ફરદીનની ગેમમાં ખુલશે મિત્રોના રાઝ

• અક્ષયના તેના ચાહકો માટે ખેલ ખેલ મેં નામની બીજી ફિલ્મ લાવી રહ્યો છે. તેના ગીતો અને ટીઝર થોડા દિવસો પહેલા જ રીલીઝ થયા હતા. હવે તેનું ઓફિશિયલ ટ્રેલર રીલીઝ થયું છે

2 ઓગસ્ટ, મુંબઈઃ છેલ્લા કેટલાક સમયથી અક્ષય કુમારની ફિલ્મો કમાલ કરી શકી નથી. તેની ફિલ્મો બેક ટુ બેક ફ્લોપ થઈ રહી છે. આ વર્ષે અભિનેતાની મોટા બજેટની ફિલ્મ ‘બડે મિયાં છોટે મિયાં’ બોક્સ ઓફિસ પર સારું પ્રદર્શન ન કરી શકી. જ્યારે તેની તાજેતરમાં રીલીઝ થયેલી ‘સરફિરા’ પણ ખરાબ રીતે પિટાઈ ગઈ હતી.

અક્ષયના ફેન્સ હંમેશા તેની ફિલ્મોની રાહ જોતા હોય છે. આવી સ્થિતિમાં, અભિનેતા તેના ચાહકો માટે ખેલ ખેલ મેં નામની બીજી ફિલ્મ લાવી રહ્યો છે. તેના ગીતો અને ટીઝર થોડા દિવસો પહેલા જ રીલીઝ કરવામાં આવ્યા હતા. હવે આજે તેનું ઓફિશિયલ ટ્રેલર રીલીઝ કરવામાં આવ્યું છે.

ખેલ ખેલ મેનું ટ્રેલર રીલીઝ

શુક્રવારે ફિલ્મનું મજેદાર ટ્રેલર રીલીઝ થયું છે. વાર્તા છ મિત્રોની આસપાસ ફરે છે, જેઓ એક રાતે પાર્ટીમાં બેસીને એન્જોય કરે છે. પાર્ટીની વચ્ચે મહિલાઓ એક ગેમ રમવાનું આયોજન કરે છે, જેમાં દરેક વ્યક્તિએ પોતાનો મોબાઈલ ટેબલ પર સામે રાખવાનો હોય છે. જો તેની પર કોઈ કોલ કે મેસેજ આવે તો તે જાહેરમાં બતાવવામાં આવે છે.

આ રમતમાં દરેકના કોઈક ને કોઈક રહસ્યો જાહેર થતા જોવા મળશે. દરેક વ્યક્તિના રાઝ પરથી પરદો ઊંચકાશે અને તેમાં હાસ્યની છોળો ઉડશે. એકંદરે સ્ટોરી કંઈક અંશે તાજી અને યુવા પેઢી માટે અપીલિંગ પણ છે.

ક્યારે રીલીઝ થશે ફિલ્મ?

ફિલ્મમાં અક્ષય કુમાર ઉપરાંત તાપસી પન્નુ, વાણી કપૂર, એમી વિર્ક, ફરદીન ખાન, આદિત્ય સીલ, પ્રજ્ઞા જયસ્વાલ મુખ્ય ભૂમિકામાં જોવા મળશે. આ ફિલ્મ 15 ઓગસ્ટ 2024ના રોજ થિયેટરમાં રીલીઝ થશે.

આ પણ વાંચોઃ રેખાએ વરસાવ્યો જાન્હવી કપૂર પર પ્રેમ, ફેન્સને યાદ આવી શ્રીદેવી