Amazon સેલમાંથી ખરીદી કરતા રાખો સાવચેતી, સાયબર ફ્રોડ થઈ ગયું છે સક્રિય

નવી દિલ્હી, 18 જુલાઇ, એમેઝોન પ્રાઇમ ડે સેલ ટૂંક સમયમાં શરૂ થવા જઈ રહ્યું છે. ત્યારે એમેઝોન પ્રાઇમ ડે સેલના બહાને સાયબર ફ્રોડ કરનારા લોકો સાથે છેતરપિંડી કરવાની પણ તૈયારી કરી રહ્યા છે. એમેઝોન જેવાં નામો ધરાવતી બીજી ઘણી સાઇટ્સ છે, જે યુઝર્સને છેતરવા અને તેમની ડિટેલ્સ ચોરી કરવા માટે બનાવવામાં આવી છે. આ સાયબર છેતરપિંડી કરનારાઓ તમારી જીવનભરની બચત ચોરી શકે છે. આજે અમે તમને કેટલીક એવી વેબસાઈટનાં નામ જણાવવા જઈ રહ્યા છીએ, જેમાં એમેઝોનના નામનો ઉપયોગ કરવામાં આવ્યો છે. આ વેબસાઇટ્સ તમારી સાથે છેતરપિંડી કરી શકે છે.

ઈકોમર્સ પ્લેટફોર્મ એમેઝોન એક મોટા સેલનું આયોજન કરવા જઈ રહ્યું છે. આ સેલનું નામ Amazon Prime Day Sale છે અને તે વર્ષમાં એકવાર આવે છે. આ સેલ 20મી જુલાઈથી શરૂ થશે. આ સેલને લઈને ઘણા લોકોએ પોતાનું શોપિંગ લિસ્ટ તૈયાર કર્યું છે અને આ દરમિયાન સાયબર ફ્રોડ પણ ખૂબ સક્રિય થઈ ગયા છે. આવી સ્થિતિમાં, સાયબર ગુનેગારો પણ આ તકનો ગેરલાભ લેવા માંગે છે અને આ દરમિયાન તેઓ નિર્દોષ લોકોને લૂંટવા માટે વિવિધ યુક્તિઓનો ઉપયોગ કરે છે. નિર્દોષ લોકોને છેતરવા માટે, સાયબર ગુનેગારો પહેલા તેમની વિગતો ચોરી કરે છે અને પછી તેમના બેંક ખાતા વગેરે ખાલી કરે છે. માહિતીની ચોરી કરવા માટે તેઓ નકલી ઈમેલ અને નકલી વેબસાઈટ વગેરે બનાવે છે અને સામાન્ય લોકોને શિકાર બનાવે છે.

25 વેબસાઈટને ક્લિક કરવાથી બચવું

સાયબર સિક્યોરિટી માટે સોફ્ટવેર ડેવલપ કરતી પેઢી ચેકપોઇન્ટે અહેવાલ આપ્યો છે કે એમેઝોન બ્રાન્ડ નામનો ઉપયોગ કરીને સાયબર હુમલાઓ અચાનક વધી ગયા છે. આ સાથે સિક્યોરિટી સોલ્યુશન વેબસાઈટે આવી 25 વેબસાઈટ જાહેર કરી છે, જેને ક્લિક કરવાથી બચવું જોઈએ. આ પ્રકારના સાયબર છેતરપિંડીથી બચવા માટે, વેબસાઈટ ડેવલપ કરતી વખતે હંમેશા તેના URL ને કાળજીપૂર્વક વાંચો. તમારા Amazon અથવા કોઈપણ ઑનલાઇન એકાઉન્ટ માટે હંમેશા મજબૂત પાસવર્ડનો ઉપયોગ કરો અને સમય સમય પર તેને બદલો.

નકલી વેબસાઇટ્સની યાદીઃ સાવધાન
– amazon-onboarding[.]com
* amazonmxc[.]shop
* amazonindo[.]com
* amazonhafs[.]buzz
* usps-amazon-us[.]top
* amazon-entrega[.]info
* amazon-vip[.]xyz
* paqueta-amazon[.]com
* connect-amazon[.]com
* user-amazon-id[.]com
* amazon762[.]cc
* amazoneuroslr[.]com
* amazonw-dwfawpapf[.]top
* amazonprimevidéo[.]com
* shopamazon2[.]com
* microsoft-amazon[.]shop
* amazonapp[.]nl
* shopamazon3[.]com
* amazon-billing[.]top
* amazonshop1[.]com
* fedexamazonus[.]top
* amazonupdator[.]com
* amazon-in[.]net
* espaces-amazon-fr[.]com
* usiamazon[.]com

આ સાથે જ મહત્વની વાત એ છે કે કોઈપણ લિંક પર ક્લિક કરતા પહેલા અથવા એટેચમેન્ટ ડાઉનલોડ કરતા પહેલા સોર્સ સાચો છે કે નહીં તે તપાસો. લોકોને લૂંટવા માટે સાયબર ગુનેગારો વારંવાર મેસેજ વગેરેનો ઉપયોગ કરે છે. આ મેસેજ ફોન પર ઈમેલ, વોટ્સએપ, ટેલિગ્રામ અને અન્ય સોશિયલ મીડિયા પ્લેટફોર્મ દ્વારા આવી શકે છે. આવા સંદેશામાં ભારે ડિસ્કાઉન્ટ વગેરેની માહિતી હોય છે. આવા મેસેજમાં એક લિંક છે, જે વાસ્તવમાં ખતરનાક લિંક છે. તમારે આના પર ક્લિક કરવાનું ટાળવું જોઈએ, તે તમારી મહત્વપૂર્ણ વિગતો ચોરી શકે છે.

આ પણ વાંચો..દેશમાં રોજગાર મેળવવા માટે યોગ્યતાનો અભાવ! આ સેક્ટરમાં 18 લાખ નોકરીઓ ખાલી