અમદાવાદના રસ્તા પર જોવા મળ્યો કાર્તિક આર્યન, આ ફિલ્મના શુટિંગ માટે પહોંચ્યો ગુજરાત
બોલિવૂડ અભિનેતા કાર્તિક આર્યન તેની આગામી ફિલ્મ સત્યપ્રેમ કી કથાના શુટિંગ માટે અમદાવાદ આવ્યો હતો. તેના શહેરમાં આગમન સાથે જ તેને મળવા ખુબ મોટા પ્રમાણમાં ચાહકોની ભીડ ભેગી થઇ ગઈ હતી.
બોલિવૂડ એક્ટર કાર્તિક આર્યન ‘પ્યાર કા પંચનામા’થી લોકપ્રિય થયો છે. જોકે, ‘સોનુ કે ટીટુ કી સ્વીટી’ તથા ‘ભૂલ ભુલૈયા 2’થી ઇન્ડસ્ટ્રીમાં તે એક મોટું નામ બની ગયો છે. કાર્તિકનો ખુબ મોટો ચાહક વર્ગ છે, છતા તે ઘણો જ ડાઉન ટુ અર્થ છે.
હાલમાં કાર્તિક આર્યન અમદાવાદની પોળમાં ‘સત્યપ્રેમ કી કથા’નું શૂટિંગ કરી રહ્યો છે. કાર્તિકે પોતાના સોશ્યલ મીડિયા પર એક વિડિઓ શૅર કર્યો છે. આ વિડિઓમાં કાર્તિક અમદાવાદની પોળમાં ફરી રહ્યો છે અને ચાહકો તેના નામની બૂમ પાડીને તેની પાછળ પાછળ ચાલે છે. કાર્તિકને સિક્યોરિટી સાંભળી રહી છે.
Aapka Pyaar ❤️ pic.twitter.com/cLs42x9wd7
— Kartik Aaryan (@TheAaryanKartik) October 28, 2022
ક્યારે થશે ફિલ્મ રિલીઝ?
કાર્તિક આર્યન આગામી 15-20 દિવસ ગુજરાતમાં શૂટિંગ કરશે. કાર્તિક આર્યનની સાથે એક્ટ્રેસ કિઆરા અડવાણી પણ છે. આ ફિલ્મને સમીર ડાયરેક્ટ કરે છે. ફિલ્મનું નામ પહેલાં ‘સત્યનારાયણ કી કથા’ હતું. જોકે, ફિલ્મના નામ પર વિવાદ થતાં ફિલ્મનું નામ બદલીને ‘સત્યપ્રેમ કી કથા’ કરવામાં આવ્યું છે. આ ફિલ્મ આવતા વર્ષે 29 જૂને રિલીઝ થશે. કાર્તિક તથા કિઆરાએ આ પહેલાં ‘ભૂલ ભુલૈયા 2’માં સાથે કામ કર્યું હતું જે આ વર્ષની સુપર હિટ ફિલ્મમાંથી એક હતી.
કાર્તિકની આગામી ફિલ્મ
કાર્તિક આર્યનની ફિલ્મ ‘ફ્રેડી’ ડિજિટલ પ્લેટફોર્મ પર રિલીઝ થશે. ફિલ્મમાં અલાયા એફ તથા કાર્તિક છે. હાલમાં જ કાર્તિકે ફિલ્મનું ફર્સ્ટ પોસ્ટર રિલીઝ કર્યું હતું. ફિલ્મમાં કાર્તિકે ડેન્ટિસ્ટનો રોલ ભજવ્યો છે. આ ફિલ્મને શશાંક ઘોષે ડાયરેક્ટ કરી છે. આ ઉપરાંત કાર્તિક ‘શહઝાદા’, ‘કેપ્ટન ઇન્ડિયા’, ‘આશિકી 3’માં પણ જોવા મળશે.
આ પણ વાંચો: સરોગસી કેસમાં નયનતારા-વિગ્નેશને ક્લીન ચિટ, તમિલનાડુ સરકારે કહ્યું- ‘સરોગસીનો કાયદાનો ભંગ નથી થયો’
