ફિલ્મના પ્રમોશન માટે તાજમહેલ પહોંચ્યા કાર્તિક અને કૃતિ, શાનદાર પોઝ સાથેના ફોટો આવ્યા સામે

કાર્તિક આર્યન અને કૃતિ સેનન આ દિવસોમાં તેમની આગામી ફિલ્મ ‘શહેજાદા’ને લઈને ચર્ચામાં છે. આ દિવસોમાં બંને સ્ટાર્સ તેમની ‘શહેજાદા’ ફિલ્મનું પ્રમોશન કરતા જોવા મળી રહ્યા છે. કૃતિ અને કાર્તિક ફિલ્મના પ્રમોશન માટે આજે આગ્રા પહોંચી ગયા છે.

તાજમહેલની મુલાકાતના ફોટો કર્યા શેર

કૃતિ સેનન અને કાર્તિક આર્યન આજે આગ્રાની મુલાકાતે પહોંચ્યા હતા. અને તેમને તાજમહેલની મુલાકાત લીધી હતી. અને તેમણે મસ્તી મજાક કરતા વીડિયો સોશિયલ મીડિયામાં મૂક્યા હતા. આ બંન્નેની કેમેસ્ટ્રી લોકોને ખૂબ પસંદ આવી રહી છે.

તાજમહેલની સામે ઉભા રહીને આપ્યા શાનદાર પોઝ

કાર્તિક આર્યને તાજમહેલની મૂલાકાતની એક તસવીર પોતાના ઈન્સ્ટાગ્રામ એકાઉન્ટ પર પણ શેર કરી છે. આ ફોટોમાં ફ્લોરલ વન પીસ અને વ્હાઈટ બ્લેઝરમાં કૃતિ સેનન અદભૂત લાગી રહી હતી. અહી તેણે તાજમહેલની સામે ઉભા રહીને ઘણા શાનદાર પોઝ પણ આપ્યા હતા. જેના ફોટો ચાહકોને ખૂબ પસંદ આવી રહ્યા છે. આ ફોટોના કેપ્શનમાં કાર્તિકે લખ્યુ કે – ‘શહેજાદા, તાજ અને મુમતાજ’ આ સાથે કાર્તિકે એક હાર્ટ ઈમોજી પણ મૂક્યું છે.

17 ફેબ્રુઆરીએ રિલીઝ થશે ફિલ્મ

તમને જણાવી દઈએ કે કાર્તિક અને કૃતિ આગ્રાના સિકંદરા સ્થિત અમર ઉજાલા ઓફિસમાં તેમની આગામી ફિલ્મ ‘શહેજાદા’નું પ્રમોશનકરી રહ્યા છે. તમને જણાવી દઈએ કે રોહિત ધવન દ્વારા નિર્દેશિત ‘શહેજાદા’ 17 ફેબ્રુઆરીએ રિલીઝ થશે. આ ફિલ્મ સાઉથ સુપરસ્ટાર અલ્લુ અર્જુનની ફિલ્મ અલા વૈકુંઠપ્રેમુલુની બોલિવૂડ રિમેક છે.

આ પણ વાંચો : આ ફેમસ ટીવી એક્ટ્રેસની કારને નડ્યો અકસ્માત, બસે મારી જોરદાર ટક્કર