કાર્તિક આર્યનએ ભૂલ ભુલૈયા 3 ની કરી જાહેરાત, જાણો ક્યારે થશે રિલીઝ
કાર્તિક આર્યનના ચાહકો ભૂલ ભુલૈયા 2 ને ખૂબ પસંદ કરી છે. આ ફિલ્મની જોરદાર સફળતા બાદ ફિલ્મના નિર્માતાઓએ તેના ત્રીજા ભાગની જાહેરાત કરી છે. ભૂલ ભૂલૈયા 3 નું ટીઝર રિલીઝ થઈ ગયું છે. અભિનેતા કાર્તિક આર્યનએ રૂહ બાબાનો લુક રિલીઝ કરતી વખતે ફિલ્મનું એક નાનું ટીઝર ચાહકો સાથે શેર કર્યું છે. સાથે જ તેને આ ફિલ્મને લઈને જાહેરાત પણ કરી છે.
કાર્તિક આર્યનએ ‘ભૂલ ભૂલૈયા 3’ની કરી જાહેરાત
કાર્તિક આર્યનએ તેના ચાહકોને મોટું સરપ્રાઈઝ આપ્યું છે. આખરે તેને ‘ભૂલ ભૂલૈયા 3’ની જાહેરાત કરી દીધી છે. રૂહ બાબા અને મંજુલિકાના જોડાણ ફરી એકવાર પ્રેક્ષકોને મંત્રમુગ્ધ કરશે. પરંતુ આગળના ભાગ કરતા આ વખતે હોરર સીન ખરેખર અદ્ભુત હશે. આવું રુહબાબાએ જાહેરાત કરતા જણાવ્યું છે.
કાર્તીક આર્યને રુહબાબાનો લુક અને ટીઝર કર્યું શેર
તાજેતરમાં જ કાર્તિક આર્યને રુહબાબાનો લુક સોશિયલ મીડિયા પર શેયર કર્યો છે. સાથે જ તેને આ ફિલ્મનું નાનું ટીઝર પણ ચાહકો સાથે શેયર કર્યું છે. ટીઝર શરૂ થાય છે,મંજુલિકાના પાયલની છન છનથી અને બેકગ્રાઉન્ડમાં એ જ દરવાજો દેખાય છે, જેના પર રૂહ બાબાએ તેને તાળું મારી દીધું છે, જેથી મંજુલિકાની આત્મા બહાર ન નીકળી શકે. આ સાથે કાર્તિક આર્યન કહે છે કે તમને શું લાગ્યું કે સ્ટોરી પૂરી થઈ ગઈ? દરવાજા એટલા માટે જ બંધ થાય છે કે તેને ફરીથી ખોલી શકાય. અને ત્યાર બાદ ફરી શરુ થાય છે. આ ફિલ્મનું સોન્ગ…’અમી જે તોમા’…..
View this post on Instagram
ફિલ્મ 2024ની દિવાળી પર રિલીઝ થશે
કાર્તિક આર્યનની પોસ્ટ અનુસાર, આ ફિલ્મ 2024ની દિવાળીની આસપાસ રિલીઝ થશે. પાછલી ફિલ્મની જેમ તેનું પણ નિર્દેશન અનીસ બઝમી કરી રહ્યા છે. ત્યારે ફિલ્મનું નિર્માણ ટી-સીરીઝના બેનર હેઠળ થઈ રહ્યું છે.
ચાહકોમાં ફિલ્મને લઈને ભારે ઉત્સુકતા
આ ફિલ્મને અનીસ બઝમી ડાયરેક્ટ કરવાના છે. ટી-સિરીઝ અને ગુલશન કુમાર આ ફિલ્મનું પ્રોડક્શન સંભાળી રહ્યા છે. કાર્તિક આર્યનની ફિલ્મની જાહેરાતથી જ ચાહકો ખૂબ જ ઉત્સાહિત થઈ ગયા છે. જો કે, હજુ સુધી એ જાણી શકાયું નથી કે આ વખતની ‘ભૂલ ભૂલૈયા’.માં તબ્બુ ભૂમિકા ભજવશે કે નહી કારણ કે અગાઉની ફિલ્મમાં તબ્બુનો ડબલ રોલ હતો.
‘ભૂલ ભુલૈયા 2’ એ કર્યુ હતુ શઆનદાર પર્ફોમન્સ
હવે વાત કરીએ ફિલ્મ ‘ભૂલ ભુલૈયા 2’ના પરફોર્મન્સની તો આ ફિલ્મે શાનદાર પ્રદર્શન કર્યું હતું. બોક્સ ઓફિસ પર આ ફિલ્મના અનેક રેકોર્ડ બ્રેક કર્યા હતા. ભૂલ ભુલૈયા 2 એ 2022 ની સૌથી વધુ કમાણી કરનાર હિન્દી ફિલ્મોમાંની એક હતી.આ ફિલ્મે બોક્સ ઓફિસ પર 250 કરોડથી વધુની કમાણી કરી હતી. કાર્તીક આર્યનની આ એક પહેલી ફિમ્લ હતી જે આટલી સુપરહિટ થઈ હતી.
આ પણ વાંચો : કિંગખાનની પત્ની વિરુદ્ધ FIR ! જાણો કેમ થઈ ફરિયાદ અને છે શું મામલો
