હસન, 23 જૂન : કર્ણાટક સેક્સ સ્કેન્ડલમાં સંડોવાયેલા પ્રજ્વલ રેવન્નાના ભાઈ સૂરજ રેવન્નાની પણ હસન પોલીસે ધરપકડ કરી છે. સૂરજ પર JDS કાર્યકર સાથે સૃષ્ટિ વિરૂદ્ધનું કૃત્ય કરવાનો આરોપ છે. કર્ણાટકમાં પોલીસે શનિવારે JDS MLC સૂરજ રેવન્ના વિરુદ્ધ 27 વર્ષીય યુવા પાર્ટી કાર્યકર પર કથિત રીતે જાતીય શોષણ કરવાનો કેસ નોંધ્યો છે. સૂરજ રેવન્નાના નજીકના સહયોગીએ કથિત પીડિત સામે ખંડણીનો કેસ દાખલ કર્યાના એક દિવસ બાદ આ મામલો સામે આવ્યો છે.
મળતી માહિતી મુજબ, હોલેનરસીપુરા ગ્રામીણ પોલીસે શનિવારે IPC કલમ 377 (અકુદરતી જાતીય સંભોગ), 342 (કેદ), 506 (શાંતિનો ભંગ કરવા માટે ઇરાદાપૂર્વક અપમાન) અને 34 (સામાન્ય હેતુ) હેઠળ જાતીય હુમલાનો કેસ નોંધ્યો હતો. પોલીસે આ કેસમાં સૂરજ રેવન્ના અને શિવકુમાર બંનેને આરોપી બનાવ્યા છે. કેસ નોંધતા પહેલા પીડિતાએ રાજ્યના ગૃહમંત્રી અને પોલીસ મહાનિર્દેશકને લેખિત ફરિયાદ કરી હતી.
એફઆઈઆર મુજબ, પીડિત કથિત રીતે 16 જૂનના રોજ સાંજે 6.15 વાગ્યે હાસન જિલ્લાના હોલેનારસીપુરા સ્થિત ફાર્મહાઉસમાં સૂરજ રેવન્નાને મળવા ગઈ હતી. ફરિયાદીએ આરોપ લગાવ્યો છે કે MLCએ તેના કપડાં કાઢીને તેની સાથે જાતીય સતામણી કરી હતી અને જો તેણી આ અંગે કોઈને વાત કરશે તો તેના પરિવારને મારી નાખવાની ધમકી આપી હતી. ફરિયાદીએ એવો પણ આક્ષેપ કર્યો હતો કે સૂરજ રેવન્નાએ તેને નોકરી અપાવવા અને રાજકારણમાં લાવવાનું આશ્વાસન આપ્યું હતું.
પીડિતાએ પોલીસને આપેલી પોતાની ફરિયાદમાં કહ્યું, ‘મેં શિવકુમાર (સૂરજ રેવન્નાના સહયોગી)ને ઘટના વિશે જાણ કરી અને કહ્યું કે હું ન્યાય માટે લડીશ. બાદમાં શિવકુમારે મોઢું ન ખોલવાના બદલામાં મને 2 કરોડ રૂપિયાની ઓફર કરી હતી. મારો જીવ જોખમમાં છે એવા ડરથી હું બેંગલુરુ આવી. હું મારા આરોપોના સમર્થનમાં પુરાવા આપવા તૈયાર છું. શિવકુમારે આરોપ લગાવ્યો હતો કે વ્યક્તિ (કથિત પીડિતા)એ ખોટા આરોપો લગાવ્યા હતા. તેના બદલે તે પૈસા પડાવી રહ્યો છે. તેણે 5 કરોડ રૂપિયાની માંગણી કરી અને બાદમાં 2 કરોડ રૂપિયામાં સમાધાન કર્યું.
શિવકુમારની ફરિયાદના આધારે પોલીસે શુક્રવારે કથિત પીડિતા વિરુદ્ધ IPC કલમ 384 (ખંડણી), 506 (ગુનાહિત ધમકી) અને 34 (ષડયંત્રમાં અન્યોની ભાગીદારી) હેઠળ કેસ નોંધ્યો હતો. સૂરજ અને પ્રજ્વલ જેડીએસ ધારાસભ્ય એચડી રેવન્ના અને ભવાની રેવન્નાના પુત્રો છે. એચડી રેવન્ના અને તેની પત્ની ભવાની પર પ્રજ્વલની કથિત જાતીય શોષણ પીડિતામાંથી એકનું અપહરણ કરવાનો આરોપ છે.
