કર્ણાટક: રામ મંદિર આંદોલનની હિંસા પર ફાઈલ ખુલી, 31 આરોપીઓની ધરપકડ શરૂ
02 જાન્યુઆરી 2024: 22 જાન્યુઆરી 2024ના દિવસે અયોધ્યામાં રામલલાની પ્રાણ પ્રતિષ્ઠા થશે. દરમિયાન કર્ણાટકમાં મંદિર આંદોલન સાથે જોડાયેલા લોકોની ધરપકડ પણ શરૂ થઈ ગઈ છે. કર્ણાટક પોલીસે 31 વર્ષ બાદ મંદિર આંદોલન દરમિયાન થયેલી હિંસાની ફાઈલ ખોલી છે. આ ફાઇલમાં 300થી વધુ લોકોના નામ છે. જેમાંથી સોમવારે બે લોકોની ધરપકડ પણ કરવામાં આવી હતી. બાકીની ધરપકડ કરવા માટે વિશેષ ટીમો બનાવવામાં આવી છે.
વર્ષ 1992માં અયોધ્યામાં રામ મંદિર માટે મોટું આંદોલન થયું હતું. આ આંદોલન અંતર્ગત દેશભરમાં હિંસક ઘટનાઓ બની હતી. ઘણા રાજ્યોમાં રામ મંદિર સમર્થકો વિરુદ્ધ કેસ પણ દાખલ કરવામાં આવ્યા હતા. કર્ણાટકમાં જ ઘણી જગ્યાએ હિંસક ઘટનાઓ બની હતી. જેમાં 300 થી વધુ લોકો નોમિનેટ થયા હતા. હવે કર્ણાટક પોલીસે તે 31 વર્ષ જૂની ફાઈલો ખોલી છે. આ સાથે તમામ આરોપીઓને પકડવા માટે વિશેષ ટીમો બનાવવામાં આવી છે.
