કર્ણાટક ચૂંટણી 2023 : કર્ણાટકમાં 224 બેઠકો ખરાખરીનો જંગ શરુ, જાણો કોને પ્રથમ મતદાન કર્યું

કર્ણાટકની તમામ 224 વિધાનસભા બેઠકો પર મતદાન શરૂ થઈ ગયું છે. CM બસવરાજ બોમાઈ, પૂર્વ CM સિદ્ધારમૈયા, કોંગ્રેસ અધ્યક્ષ ડીકે શિવકુમાર, જેડીએસ ચીફ એચડી કુમારસ્વામી જેવા ઘણા દિગ્ગજ નેતાઓ મેદાનમાં છે.

કર્ણાટકના CMએ કર્યું મતદાન

કર્ણાટકના CM બસવરાજ બોમાઈએ શિગગાંવના હાવેરીમાં મતદાન મથક નંબર-102 પર પોતાનો મત આપ્યો. પોતાનો મત આપ્યા બાદ તેમણે કહ્યું હતું કે, “હું કર્ણાટકના લોકોને તેમના મતદાનના અધિકારનો ઉપયોગ કરવા અને કર્ણાટકના ભવિષ્ય માટે 5 વર્ષ માટે મતદાન કરવાની અપીલ કરવા માંગુ છું.” મેં મતદાન કરીને લોકશાહી પ્રત્યેની મારી ફરજ બજાવી છે, આ વખતે હું રેકોર્ડ માર્જિનથી જીતીશ અને સંપૂર્ણ બહુમતી સાથે ભાજપ સરકાર બનાવશે. તે વિકાસ અને નકારાત્મક અભિયાન વચ્ચેની લડાઈ છે.

ಇಂದು ನನ್ನ ತವರು ಶಿಗ್ಗಾಂವಿಯ ಸರ್ಕಾರಿ ಶಾಲೆಯಲ್ಲಿ ಪ್ರಜಾಪ್ರಭುತ್ವದ ಹಬ್ಬದಲ್ಲಿ ಭಾಗಿಯಾಗಿ, ನನ್ನ ಕುಟುಂಬ ಸದಸ್ಯರೊಂದಿಗೆ ಮತ ಚಲಾಯಿಸಿದೆನು. ಪ್ರತಿಯೊಬ್ಬರೂ ತಪ್ಪದೇ ಮತ ಚಲಾಯಿಸಬೇಕೆಂದು ಈ ಮೂಲಕ ವಿನಂತಿಸಿಕೊಳ್ಳುತ್ತೇನೆ.
1/2 pic.twitter.com/IhUUq6F6RE

— Basavaraj S Bommai (@BSBommai) May 10, 2023

કર્ણાટકના CMએ મંદિરમાં પૂજા અર્ચના કરી હતી

કર્ણાટકના CM બસવરાજ બોમાઈએ તેમના મતવિસ્તાર શિગગાંવમાં હાવેરી ગાયત્રી દેવી મંદિરમાં પ્રાર્થના કરી હતી. તેમણે કહ્યું કે અમારી પાર્ટી, કાર્યકરો અને નેતાઓએ જે રીતે પ્રચાર કર્યો છે તેનાથી હું ખૂબ જ ખુશ છું. હું કર્ણાટકના લોકોને કર્ણાટકના વિકાસ માટે મોટી સંખ્યામાં મતદાન કરવાની અપીલ કરું છું.

લગ્નોત્સુક કન્યાએ પણ મતદાન કર્યું 

કર્ણાટક વિધાનસભાની ચૂંટણી ચાલી રહી છે. દરમિયાન, લગ્નોત્સુક કન્યાએ  ચિક્કામગાલુરુમાં માકોનાહલ્લી ખાતે મુદિગેરે મતદાન મથક પર પોતાનો મત આપવા માટે આવે છે.

ચૂંટણી લડવા પર બીએસ યેદિયુરપ્પાના પુત્રએ શું કહ્યું?

કર્ણાટકના દિગ્ગજ નેતા બીએસ યેદિયુરપ્પાના પુત્ર BY વિજયેન્દ્રએ મીડિયા સાથે શિવમોગા બેઠક પરથી તેમની ચૂંટણી લડવા વિશે વાત કરી હતી. તેમણે કહ્યું કે હું ખૂબ જ ખુશ છું કે હું જે સીટ પરથી ચૂંટણી લડી રહ્યો છું ત્યાંથી ભાજપ સતત જીતી રહ્યું છે, આ યેદિયુરપ્પા જીની સીટ છે. અમે ઓછામાં ઓછી 130 સીટો જીતીશું. લિંગાયત, એસટી, એસસી, ઓબીસી બધા અમારી સાથે છે અને બધા મળીને ભાજપને વોટ આપશે.

ભાજપ 130-135 સીટો જીતશે – યેદિયુરપ્પા

કર્ણાટકના પૂર્વ CM બી.એસ. યેદિયુરપ્પાએ પોતાનો મત આપ્યા બાદ કહ્યું કે હું કર્ણાટકના તમામ લોકોને વહેલી તકે મતદાન કરવા વિનંતી કરું છું. મને ખાતરી છે કે તેઓ ભાજપને મત આપશે. વિજયેન્દ્રને 40 હજારથી વધુ મત મળવાના છે અને ભાજપ પૂર્ણ બહુમતી સાથે જીતશે. તેમણે દાવો કર્યો હતો કે ચૂંટણીમાં ભાજપને 130-135 બેઠકો મળશે.

બીએસ યેદિયુરપ્પાએ કર્યું મતદાન

કર્ણાટકના પૂર્વ CM અને ભાજપના નેતા બીએસ યેદિયુરપ્પાએ શિવમોગાના શિકારીપુરા મતદાન મથક પર પોતાનો મત આપ્યો. આ દરમિયાન તેઓ સામાન્ય લોકોની જેમ જ મતદાન માટે લાઈનમાં ઉભા રહ્યા હતા.

નિર્મલા સીતારમણે આવું કહ્યું

કેન્દ્રીય નાણાં પ્રધાન નિર્મલા સીતારમણે પણ બેંગલુરુના વિજય નગરમાં એક મતદાન મથકની બહાર મીડિયા સાથે વાત કરી હતી. તેમણે કહ્યું કે આવનારા દિવસોમાં બેંગ્લોરનું ઈન્ફ્રાસ્ટ્રક્ચર વધુ સારું હોવું જોઈએ. કર્ણાટકમાં ઉદ્યોગોને વધુ પ્રોત્સાહન મળે છે. મેં આ માટે મત આપ્યો છે. મેં ડબલ એન્જિનવાળી સરકારને મત આપ્યો છે.

પ્રકાશ રાજે કહ્યું- સાંપ્રદાયિક રાજનીતિ વિરુદ્ધ મત આપવો જોઈએ

સાઉથના સુપર સ્ટાર પ્રકાશ રાજે પોતાનો મતદાન કર્યા બાદ  કહ્યું કે આપણે સાંપ્રદાયિક રાજનીતિ સામે વોટ આપવાનો છે. આપણે કર્ણાટકને સુંદર બનાવવાની જરૂર છે.