કર્ણાટક વિધાનસભા 2023 : ભાજપ ફાયરબ્રાન્ડ યુવા નેતાને સ્ટાર પ્રચારકમાં સ્થાન નહી, કોંગ્રેસે ‘નફરતી ચિન્ટુ’ કહ્યું
- બેંગલુરુ દક્ષિણ તેજસ્વી સુર્યાનો મતવિસ્તાર છે
- તેજસ્વી મજબૂત હિન્દુત્વની રાજનીતિ માટે જાણીતા
- સચિન પાયલટને પણ સ્ટાર પ્રચારકમાં સ્થાન નહી
ભાજપ ફાયરબ્રાન્ડ યુવા નેતા તરીકે જાણીતા અને દક્ષિણ બેંગલુરુના સાંસદ તેજસ્વી સૂર્યાનું નામ કર્ણાટક વિધાનસભા ચૂંટણી 2023માં ભાજપના સ્ટાર પ્રચારકોની યાદીમાં નથી. તેજસ્વી સુર્યા RSSના સ્વયંસેવક અને ભાજપના રાષ્ટ્રીય યુવા મોરચાના પ્રમુખ છે, જે મજબૂત હિન્દુત્વની રાજનીતિ માટે જાણીતા છે. તેજસ્વી સુર્યાને ત્રિપુરામાં પાર્ટીના સ્ટાર પ્રચારક માનવામાં આવે છે.
હાલમાં તેજસ્વી સુર્યા પાર્ટીના અન્ય કામોમાં વ્યસ્ત
હાલમાં તેજસ્વી સુર્યા નંદિની સ્ટોરમાં જવા બદલ રાહુલ ગાંધીની ટીકા કરવા અને સુદાનમાં કન્નડની સુરક્ષાનો મુદ્દો ઉઠાવવા માટે પૂર્વ મુખ્યમંત્રી સિદ્ધારમૈયા પર પ્રહાર કરવા માટે ચર્ચામાં છે. આ વખતે ભાજપના સ્ટાર પ્રચારકની યાદીમાં PM મોદી, જેપી નડ્ડા, રાજનાથ સિંહ, અમિત શાહ, નીતિન ગડકરી, હિમંતા બિસ્વા સરમા, દેવેન્દ્ર ફડણવીસ, સ્મૃતિ ઈરાની, નિર્મલા સીતારમણનો સમાવેશ થાય છે.
આ પણ વાંચો : કર્ણાટક : વિધાનસભા ચૂંટણીમાં ભાજપના ધારાસભ્યોને ટિકિટની લાલચ આપી ખરીદવાના પ્રયાસનો આરોપ
કોંગ્રેસે તેજસ્વી સુર્યાને ‘નફરતી ચિન્ટુ’ કહ્યો
તેજસ્વી સુર્યાને ‘નફરતી ચિન્ટુ’ ગણાવતા કોંગ્રેસે કહ્યું કે તેમના રાજ્યમાં પણ કોઈ તેમની ચિંતા કરતું નથી અને હવે તેમને ઊંચા ઘોડા પરથી નીચે ઉતરવાનો સમય આવી ગયો છે. હકીકતમાં, તેજસ્વી સૂર્યા તાજેતરમાં ઇન્ડિગોની ફ્લાઇટની ઇમરજન્સી એક્ઝિટને ભૂલથી ખોલ્યા પછી એક વિવાદમાં ફસાઈ ગયો હતો. જેના કારણે વિમાનના મુસાફરોને વિલંબનો સામનો કરવો પડ્યો હતો. તે ઈન્ડિગોની ફ્લાઈટમાં મુસાફરી કરી રહ્યો હતો. ઘટનાના અઠવાડિયા પછી આ મુદ્દે ખુલાસો થયો હતો.
આ પણ વાંચો : કર્ણાટક વિધાનસભામાં સાવરકરની તસવીર લગાડવામાં આવતા બબાલ, ધરણાં પર બેઠા કોંગ્રેસના નેતા
તેજસ્વી સુર્યાનો મતવિસ્તાર
તેજસ્વી સુર્યા 28 વર્ષની વયે લોકસભાના સાંસદ બન્યા હતા. 2019માં તેજસ્વી પૂર્વ મંત્રી અનંત કુમારની પત્નીના સ્થાને, બેંગલુરુ દક્ષિણ મતવિસ્તારનું પ્રતિનિધિત્વ કરવા માટે ચૂંટાયા હતા. અગાઉ, અનંત કુમારે 1996 થી 2018 માં તેમના મૃત્યુ સુધી લોકસભા મતવિસ્તારનું પ્રતિનિધિત્વ કર્યું હતું. બીજી તરફ રાજસ્થાનમાં સત્તા માટે લડી રહેલા કોંગ્રેસના યુવા નેતા સચિન પાયલટને પણ પાર્ટીએ સ્ટાર પ્રચારક બનાવ્યા નથી.
