કરીના-રણબીરે આરતી ઉતારી, સાળી-જીજા મસ્તી મુડમાં, જુઓ આદર-અલેખાના રોકાની ઈનસાઈડ તસવીરો

• સ્વર્ગસ્થ ઋષિ કપૂરની બહેન રીમા જૈનનો પુત્ર આદર-અલેખાના રોકામાં કપૂર પરિવારે સાથે મળીને ખૂબ જ મોજ મસ્તી કરી હતી, તેની તસવીરો હવે વાયરલ થઈ છે

28 નવેમ્બર, મુંબઈઃ બોલિવૂડના કપૂર પરિવારમાં અત્યારે ખુશીનો માહોલ છવાયેલો છે. સ્વર્ગસ્થ ઋષિ કપૂરની બહેન રીમા જૈનનો પુત્ર આદર જૈન ગર્લફ્રેન્ડ અલેખા અડવાણી સાથે લગ્ન કરવા જઈ રહ્યો છે. આ બંનેના રોકા થયા છે. આ ખાસ દિવસ માટે કપૂર પરિવારે તેમના મુંબઈના ઘરે રોકા સમારોહની ભવ્ય ઉજવણીનું આયોજન કર્યું હતું, જેની ઈનસાઈડ તસવીરો હવે સામે આવી છે.

     આદર જૈન અને અલેખાના રોકામાં કરીના કપૂર, કરિશ્મા કપૂર, રણબીર, સૈફ અલી ખાન, નવ્યા નવેલી નંદા અને કપૂર પરિવારના તમામ નજીકના મિત્રો હાજર રહ્યા હતા.

કરીના કપૂર તેની નવી ભાભી અલેખાને આવકારવા દંપતીની આરતી કરતી જોવા મળી હતી. તસવીરમાં આધાર અને અલેખા સોફા પર બેઠા છે અને કરીના પૂજા થાળી સાથે દંપતીની આરતી ઉતારી રહી છે.

રણબીર કપૂરે પણ તેના પિતરાઈ ભાઈને તેના નવા જીવન માટે અભિનંદન પાઠવ્યા હતા અને કપાળ પર તિલક લગાવીને આદર અને અલેખાને શુભેચ્છાઓ પાઠવી હતી.

કરિશ્મા કપૂરે પણ તેના કઝીન આદરની આરતી ઉતારી હતી અને અલેખાને તિલક કર્યા બાદ તેણે સ્મિત સાથે રોકાના અભિનંદન આપ્યા હતા. આ દરમિયાન કરિશ્મા બ્લેક અનારકલી સૂટમાં ખૂબ જ સુંદર લાગી રહી હતી.

આ ફંક્શનમાં કપૂર પરિવારના સભ્યોએ ખૂબ જ મસ્તી કરી હતી. સૈફ અલી ખાન, નવ્યા અને આદરે કરિશ્મા સાથે સેલ્ફી ક્લિક કરી. તસવીરોમાં આખો કપૂર પરિવાર એકસાથે જોઈ શકાય છે.

રોકા સેરેમનીમાં કપૂર પરિવારના નજીકના મિત્રો પણ હાજર રહ્યા હતા. આખા પરિવારે એકસાથે પોઝ આપીને આ પ્રસંગની ભવ્ય ઉજવણી કરી હતી.

HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ 

આ પણ વાંચોઃ ઐશ્વર્યા રાયે પોતાના નામમાંથી બચ્ચન સરનેમ હટાવી? દુબઈના આ વીડિયોએ સનસનાટી મચાવી