સ્ટાર કિડ્સને નિશાન પર લેનાર કંગનાના સૂર શાહરૂખના દિકરા માટે બદલાઈ ગયા!
- સ્ટાર કિડ્સને નિશાન બનાવનાર અભિનેત્રી કંગના રનૌતના સૂર શાહરૂખના દિકરા માટે બદલાઈ ગયા છે અને કંગનાએ તેને અભિનંદન આપ્યા છે
20 નવેમ્બર, મુંબઈઃ બોલિવૂડ બાદશાહ શાહરૂખ ખાનનો પુત્ર આર્યન ખાન ઈન્ડસ્ટ્રીમાં ડેબ્યુ કરવા જઈ રહ્યો છે. શાહરૂખે 19 નવેમ્બરે આર્યનના બોલિવૂડ ડેબ્યુની જાહેરાત કરી છે. આર્યન ખાન ઈન્ડસ્ટ્રીમાં એક્ટર તરીકે નહીં, પરંતુ ડિરેક્ટર તરીકે ડેબ્યૂ કરશે. જ્યાં એક તરફ ફિલ્મ ઈન્ડસ્ટ્રીના ઘણા સ્ટાર્સ શાહરૂખ અને તેના પુત્રને અભિનંદન આપી રહ્યા છે તો બીજી તરફ સ્ટાર કિડ્સને નિશાન બનાવનાર અભિનેત્રી કંગના રનૌતના સૂર શાહરૂખના દિકરા માટે બદલાઈ ગયા છે.
કંગનાએ આર્યન માટે લખી પોસ્ટ
ઉલ્લેખનીય છે કે, આર્યન ખાને નેટફ્લિક્સ માટે એક વેબ સીરિઝ ડિરેક્ટ કરી છે, તે વર્ષ 2025માં આવશે અને આ ઈન્ડસ્ટ્રીમાં તેની ડેબ્યૂ હશે. એક્ટ્રેસ અને સાંસદ કંગનાએ પહેલીવાર ડિરેક્ટર તરીકે ડેબ્યુ કરવા બદલ આર્યનના વખાણ કર્યા છે, જો કે કંગનાને બોલિવૂડના સ્ટાર કિડ્સ બિલકુલ પસંદ નથી, પરંતુ શાહરૂખ ખાનના પુત્રના ડેબ્યુ માટે તેના સુર થોડા બદલાયા છે. કંગનાએ આર્યન ખાન માટે લખ્યું છે તે આ સારી વાત છે કે ફિલ્મી બેકગ્રાઉન્ડમાંથી આવતા બાળકો ફક્ત મેકઅપ કરવા, વજન ઘટાડવા, સજવા સંવરવા અને ખુદને અભિનેતા સમજવાની ચાહતથી આગળ વધી રહ્યા છે.
કંગનાએ આગળ લખ્યું છે કે ‘આપણે સામૂહિક રીતે ભારતીય સિનેમાના માપદંડોથી આગળ આવવું પડશે. જેમની પાસે સંસાધનો છે, તેઓ હંમેશા સરળ રસ્તો પસંદ કરે છે. અમારે કેમેરા પાછળ વધુ લોકોની જરૂર છે. એ સારી વાત છે કે આર્યન એ માર્ગ પર આવી રહ્યો છે જે બહુ ઓછા લોકો પસંદ કરે છે. એક લેખક અને ફિલ્મ મેકરના રૂપમાં તેના ડેબ્યુની અમે આતુરતાથી રાહ જોઈ રહ્યા છીએ.
It’s a special day when a new story is being presented for the audience. Today is even more special as @RedChilliesEnt and Aryan Khan embark on their journey to showcase their new series on @NetflixIndia . Here’s to untamed story telling….controlled chaos…gutsy scenes and lots… pic.twitter.com/8v0eBzRZ6S
— Shah Rukh Khan (@iamsrk) November 19, 2024
2025માં આવશે આર્યનની સીરીઝ
આર્યન ખાન દિગ્દર્શિત ડેબ્યુની વાત કરીએ તો તેની નેટફ્લિક્સ સીરીઝ 2025માં રીલીઝ થશે. તે શાહરૂખ ખાનના પ્રોડક્શન હાઉસ રેડ ચિલીઝ એન્ટરટેઈનમેન્ટ અને નેટફ્લિક્સ દ્વારા સંયુક્ત રીતે પ્રોડ્યુસ કરવામાં આવી છે. તેનું નિર્માણ ગૌરી ખાને કર્યું છે. હાલમાં, આ પ્રોજેક્ટ વિશે વધુ માહિતી બહાર આવી નથી, પરંતુ મેકર્સ ટૂંક સમયમાં તેના વિશે ખુલાસો કરશે.
આ પણ વાંચોઃ મતદાન કરવા ગયેલા અક્ષય કુમારને વૃદ્ધ દ્વારા રોકવામાં આવ્યો, જૂઓ શું કરી ફરિયાદ
આ પણ વાંચોઃ સંગીતકાર એ.આર.રહેમાન પત્ની સાયરા બાનુથી તલાક લેશે, 29 વર્ષ પછી થશે અલગ
HD ન્યુઝના વોટ્સએપ ગ્રુપમાં જોડાવા માટે ક્લિક કરોઃ
