સ્ત્રી 2ના કલેક્શનથી કંગના થઈ ખુશ, ફિલ્મના ડિરેક્ટર માટે કહી મોટી વાત

• અભિનેત્રી કંગના રણૌત પણ સ્ત્રી 2ના કલેક્શનથી ખુશ થઈ છે. તેણે ‘સ્ત્રી 2’ના બ્લોકબસ્ટર કલેક્શન પર ખુશી વ્યક્ત કરી છે અને ફિલ્મની સમગ્ર ટીમ અને ડિરેક્ટર અમર કૌશિકની પણ પ્રશંસા કરી છે

17 ઓગસ્ટ, મુંબઈઃ શ્રદ્ધા કપૂર અને રાજકુમાર રાવ સ્ટારર હોરર કોમેડી ફિલ્મ ‘સ્ત્રી 2‘ એ રિલીઝ થતાની સાથે જ બોક્સ ઓફિસ પર ધૂમ મચાવી દીધી છે. ફિલ્મનું એડવાન્સ બુકિંગ જબરદસ્ત હતું, ત્યાર બાદ અત્યાર સુધી ફિલ્મે બોક્સ ઓફિસ પર રૂ. 100 કરોડનો આંકડો પાર કરી લીધો છે. સેલેબ્સથી લઈને ફેન્સ સુધી દરેક ફિલ્મના વખાણ કરતા થાકતા નથી. આવી સ્થિતિમાં અભિનેત્રી કંગના રણૌત પણ સ્ત્રી 2ના કલેક્શનથી ખુશ થઈ છે અને તેણે ખુશી વ્યક્ત કરી છે.

‘સ્ત્રી 2’ના કલેક્શનથી ખુશ થઈ કંગના ખુશ

અભિનેત્રીમાંથી સાંસદ બનેલી કંગના રણૌતે સોશિયલ મીડિયા પર ‘સ્ત્રી 2’ના બ્લોકબસ્ટર કલેક્શન પર ખુશી વ્યક્ત કરી છે અને ફિલ્મની સમગ્ર ટીમ અને ડિરેક્ટર અમર કૌશિકની પણ પ્રશંસા કરી છે. શુક્રવારે ઈન્સ્ટાગ્રામ સ્ટોરી પર સ્ત્રી 2 નું પોસ્ટર શેર કરતી વખતે કંગનાએ લખ્યું છે કે ફિલ્મ સ્ત્રી 2 એ તમામ રેકોર્ડ તોડી નાખ્યા છે, સમગ્ર ટીમને અભિનંદન, પરંતુ ફિલ્મનો અસલી હીરો તેના નિર્દેશક હોય છે.

તેણે આગળ લખ્યું છે કે, ભારતમાં આપણે ફિલ્મના નિર્દેશકોના એટલા વખાણ કરતા નથી કે ફિલ્મ હિટ જાય ત્યારે તેમને ક્રેડિટ પણ આપતા નથી. તેથી જ ઘણા યુવાનો લેખક કે દિગ્દર્શક નહીં પણ અભિનેતા બનવાની ઈચ્છા રાખે છે. ફિલ્મમાં કરિયર બનાવવા ઈચ્છતા જેટલા પણ લોકો મને આજ સુધી મળ્યા છે તેઓ કાં તો અભિનેત બનવા ઈચ્છે છે અથવા તો સુપરસ્ટાર. જો બધા અભિનેતા બની જશે તો વિચારો ફિલ્મો બનાવશે કોણ?

અભિનેત્રીએ આગળ કહ્યું કે, તો પ્લીસ ફિલ્મના વખાણ કરવાની સાથે સાથે તેના નિર્દેશકોને પણ ક્રેડિટ આપો અને તેમની પ્રશંસા કરો. તેમની મહેનતની કદર કરો. તેમને પ્રોત્સાહિત કરો. ડિયર, અમર કૌશિક સર, આ ખૂબ જ જરૂરી બ્લોકબસ્ટર માટે તમારો આભાર. કંગના ઉપરાંત ફિલ્મ નિર્માતા હંસલ મહેતાએ પણ સ્ત્રી 2ની પ્રશંસા કરી છે.

આ પણ વાંચોઃ શાહરૂખ ખાન રોજ ફક્ત એક વાર જમે છે, અનેહેલ્ધી રૂટિન સાંભળીને ફેન્સ થયા હેરાન