કામરા વધુ બેફામ થયો, હવે નાણામંત્રી નિર્મલા સિતારમણ વિશે આવું કહ્યું

નવી દિલ્હી, 26 માર્ચ : સ્ટેન્ડ અપ કોમેડિયન કુણાલ કામરાએ હવે કેન્દ્રીય નાણામંત્રી નિર્મલા સીતારમણ પર નિશાન સાધ્યું છે. તેણે બુધવારે એક વીડિયો શેર કર્યો, જેમાં તે એક ગીત દ્વારા નાણાં મંત્રીને ‘નિર્મલા તાઈ’ કહીને નીતિઓ પર સવાલ ઉઠાવી રહ્યા છે. ખાસ વાત એ છે કે મહારાષ્ટ્રના નાયબ મુખ્યમંત્રી એકનાથ શિંદે પર કરેલી ટિપ્પણીને લઈને વિવાદ વધુ ઘેરો બન્યો હતો.

લગભગ દોઢ મિનિટના આ વીડિયોમાં કામરાએ મજાકમાં કહ્યું, ‘તમારા ટેક્સના પૈસા વેડફાઈ રહ્યા છે. સરકાર આ રસ્તાઓને નષ્ટ કરવા આવી છે. તેમના મગજમાં સતત મેટ્રો જ ઘૂમી રહી છે, તે ટ્રાફિક વધારવા આવી છે, તે પુલ તોડવા આવી છે. આને સરમુખત્યારશાહી કહેવાય. તેણે વધુમાં કહ્યું કે, ‘… દેશમાં આટલી મોંઘવારી સરકાર સાથે આવી. દીદી સાડી લઈને લોકોના પૈસા લૂંટવા આવી. તે પગારની ચોરી કરવા આવી. આ મધ્યમ વર્ગને દબાવવા માટે આવી. તે પોપકોર્ન ખવડાવવા આવી. આ નિર્મલા તાઈ કહેવાય.

એકનાથ શિંદે વિરૂદ્ધ ટિપ્પણી કરી

મુંબઈમાં ડેપ્યુટી સીએમ શિંદે પર કરેલી ટિપ્પણીના સંદર્ભમાં પોલીસ દ્વારા કામરાને ફરીથી સમન્સ મોકલવામાં આવ્યા છે. આ પહેલા પણ મંગળવારે તેમને નોટિસ આપવામાં આવી હતી. તેણે રવિવારે આયોજિત એક કાર્યક્રમમાં નામ લીધા વિના ‘દેશદ્રોહી’, ‘થાને કા રિક્ષા’ જેવી ટિપ્પણીઓ કરી હતી. શિવસેના દ્વારા પણ તેમને ધમકી આપવામાં આવી રહી છે. આ કાર્યક્રમ બાદ શિવસેનાના કાર્યકરોએ હેબિટેટ સ્ટુડિયોમાં તોડફોડ કરી હતી. ડેપ્યુટી સીએમ શિંદેએ કહ્યું હતું કે, ‘અભિવ્યક્તિની સ્વતંત્રતા છે, પરંતુ તેની એક મર્યાદા હોવી જોઈએ.’

આ પણ વાંચો :- ગુજરાતઃ 10 રૂપિયાની લાલચના ચક્કરમાં 40 વિદ્યાર્થીઓએ હાથ પર બ્લેડના કાપા માર્યા