‘કલ્કી 2898 AD’ ફિલ્મ બે અલગ અલગ OTT પ્લેટફોર્મ પર થશે રિલીઝ, હિન્દીમાં ક્યાં જોવી? જાણો
- અમિતાભ બચ્ચન, પ્રભાસ, કમલ હાસન અને દીપિકા પાદુકોણની આ પૌરાણિક અને સાયન્સ ફિક્શન ફિલ્મને દર્શકોએ ખૂબ પસંદ કરી
મુંબઈ, 17 ઓગસ્ટ: કલ્કી 2898 AD ફિલ્મ, જે 27 જૂને વિશ્વભરના થિયેટરોમાં લાગી હતી, તે હવે OTT પર રિલીઝ થવા જઈ રહી છે. અમિતાભ બચ્ચન, પ્રભાસ, કમલ હાસન અને દીપિકા પાદુકોણની આ પૌરાણિક અને સાયન્સ ફિક્શન ફિલ્મને દર્શકોએ ખૂબ પસંદ કરી હતી અને તેને કમાણીના મામલે ઐતિહાસિક પરફોર્મન્સ આપ્યું હતું. ત્યારે હવે ફિલ્મના ડાયરેક્ટર નાગ અશ્વિનની આ બ્લોકબસ્ટર ફિલ્મ કલ્કી 2898 એડી સિનેમાઘરોમાં ધમાલ મચાવ્યા બાદ ઓટીટીને હિટ કરવા માટે તૈયાર છે, પરંતુ આ મામલે નિર્માતાઓએ એક નવું પગલું ભર્યું છે અને કલ્કીને બે અલગ અલગ OTT પ્લેટફોર્મ પર રિલીઝ કરવાનો નિર્ણય લીધો છે.
કલ્કિ હિન્દીમાં કયા પ્લેટફોર્મ પર થશે રિલીઝ?
મુખ્યત્વે તેલુગુ ફિલ્મ હોવાને કારણે, દિગ્દર્શક નાગ અશ્વિનની કલ્કી 2898 AD હિન્દી, તમિલ, તેલુગુ, મલયાલમ અને કન્નડ ભાષાઓમાં રિલીઝ થઈ હતી. આવી સ્થિતિમાં, નિર્માતાઓ દ્વારા આજે શનિવારે આ ફિલ્મની હિન્દી OTT રિલીઝની જાહેરાત કરવામાં આવી છે.
વીકએન્ડને વધુ રોમાંચક બનાવવા માટે, કલ્કીની OTT રિલીઝની જાહેરાતે ચાહકોની ઉત્તેજના વધારી દીધી છે. જો કલ્કીની હિન્દી OTT રિલીઝ પર નજર નાખવામાં આવે, તો આ ફિલ્મ 22 ઓગસ્ટના રોજ OTT પ્લેટફોર્મ Netflix પર હિન્દી ભાષામાં સ્ટ્રીમ થશે. આ માહિતી નેટફ્લિક્સ ઇન્ડિયાએ ફિલ્મનું હિન્દી ટ્રેલર રિલીઝ કરીને આપી છે. તો હવે 22મી ઓગસ્ટે પ્રભાસની કલ્કી 2898 AD હિન્દીમાં જોવા માટે તૈયાર રહો.
આ OTT પ્લેટફોર્મ પર પણ રિલીઝ કરવામાં આવશે
નેટફ્લિક્સ ઉપરાંત, એમેઝોન પ્રાઇમ વીડિયોએ કલ્કી 2898 ADના OTT રિલીઝ માટે 22 ઓગસ્ટનો સ્લોટ બુક કર્યો છે. હિન્દી ઉપરાંત, કલ્કીને તમિલ, તેલુગુ, કન્નડ અને મલયાલમ ભાષાઓમાં પ્રાઇમ વીડિયો પર ઓનલાઈન રિલીઝ કરવામાં આવશે.
View this post on Instagram
ઉલ્લેખનીય છે કે, બોક્સ ઓફિસ પર હિન્દી ભાષામાં કલ્કી 2898 ADનું નેટ કલેક્શન 291.50 કરોડ રહ્યું છે, જ્યારે આ ફિલ્મની વર્લ્ડવાઈડ કમાણી 1200 કરોડની આસપાસ રહી છે.
આ પણ જૂઓ: સ્ત્રી 2એ બીજા દિવસે રચ્યો ઇતિહાસ: 100 કરોડનો આંકડો પાર કરનારી ચોથી સૌથી ઝડપી ફિલ્મ બની
