દુર્ગા પંડાલમાં બુટ-ચપ્પલ પહેરીને આવેલા લોકો પર ભડકી કાજોલ, વ્યક્ત કર્યો ગુસ્સો; જૂઓ વીડિયો
- કાજોલ તેની બહેન તનિષા અને આલિયા ભટ્ટ સાથે દુર્ગા પૂજામાં વ્યસ્ત જોવા મળી
મુંબઈ, 12 ઓકટોબર: બોલિવૂડ અભિનેત્રી કાજોલે ખૂબ જ ધામધૂમથી દુર્ગા પૂજાની ઉજવણી કરી હતી. આ દરમિયાન કાજોલનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તે દુર્ગા પંડાલમાં જોવા મળી રહી છે. હંમેશા હસતી રહેતી કાજોલ વીડિયોમાં ખૂબ જ ગુસ્સામાં જોવા મળે છે. હાલમાં જ કાજોલ તેના પરિવાર સાથે સાંતાક્રુઝમાં નોર્થ બોમ્બે સર્બોજનિન દુર્ગા પંડાલ પહોંચી હતી. આ દરમિયાન કંઈક એવું થયું કે અભિનેત્રી ગુસ્સે થઈ ગઈ અને તેણે માઈક લઈને પોતાનો ગુસ્સો વ્યક્ત કર્યો.
જૂઓ આ વીડિયો
View this post on Instagram
કાજોલનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં તે માઈક લઈને દુર્ગા પંડાલમાં પોતાની નારાજગી વ્યક્ત કરતી જોવા મળી રહી છે.હકીકતમાં થયું એવું કે, કેટલાક લોકો બુટ અને ચપ્પલ પહેરીને દુર્ગા પંડાલમાં પ્રવેશ્યા. આ જોઈને કાજોલ ગુસ્સે થઈ ગઈ અને પછી શું, તેમણે માઈક લઈને પંડાલમાં ચંપલ પહેરીને આવેલા લોકોને ચંપલ ઉતારવા કહ્યું. આ સમગ્ર ઘટના કેમેરામાં કેદ થઈ હતી, જે હવે વાયરલ થઈ રહી છે.
કાજોલે ભક્તોને અપીલ કરી
સેલિબ્રિટી પાપારાઝી વરિન્દર ચાવલાએ કાજોલનો આ વીડિયો શેર કર્યો છે, જેમાં કાજોલ કહી રહી છે, ‘હેલો, એક બાજુ જાઓ, તમે જૂતા પહેર્યા છે. મહેરબાની કરીને અહીં પગરખાં ન પહેરો. જેઓએ પણ પગરખાં પહેર્યા છે, કૃપા કરીને એક બાજુ ચાલ્યા જાય. કૃપા કરીને તમે બધા માન-સન્માન જાળવી રાખો, અહીં પૂજા થઈ રહી છે. તમારો ખૂબ ખૂબ આભાર.’ આ પછી, પાછળ ઉભેલા લોકોને સંબોધિત કરતી વખતે, એક યુઝરે લખ્યું કે, ‘કૃપા કરીને તમારી જાતને બેરિકેડ પર ન ધકેલી દો, તેનાથી તમને જ નુકસાન થશે.’
કાજોલના વીડિયો પર લોકોની પ્રતિક્રિયા
કાજોલના આ વીડિયો પર ઘણા યુઝર્સ પણ રિએક્શન આપી રહ્યા છે. ઘણા યુઝર્સે આ વીડિયો પર પ્રતિક્રિયા આપી હતી અને કાજોલ સાથે સહમત થતા જોવા મળ્યા હતા. એક યુઝરે કાજોલના વીડિયો પર પ્રતિક્રિયા આપતા લખ્યું કે, ‘તે સાચું કહે છે, આપણે મંદિરની અંદર અને દેવી-દેવતાઓની મૂર્તિઓ પાસે જૂતા અને ચપ્પલ ન પહેરવા જોઈએ.‘ બીજાએ લખ્યું કે, ‘ખૂબ સારું, લોકોએ સંસ્કૃતિનું સન્માન કરવું જોઈએ.‘ અન્ય એકે લખ્યું કે, ‘તે સાચું કહે છે, કોઈએ જૂતા અને ચપ્પલ પહેરીને પૂજામાં ન જવું જોઈએ.‘
આ પણ જૂઓ: AR રહેમાને કમલા હેરિસ માટે બનાવ્યો 30 મિનિટનો વીડિયો, જાણો શું આપ્યો મેસેજ
