ગુજરાત પંચાયત સેવા પસંદગી બોર્ડ દ્વારા જુનિયર ક્લાર્ક પરીક્ષાની પ્રોવિઝનલ આન્સર કી 2023 જાહેર કરવામાં આવી છે. જુનિયર ક્લાર્ક પરીક્ષા માટે ઉપસ્થિત ઉમેદવારો હવે બોર્ડની સત્તાવાર વેબસાઇટ – gpssb.gujarat.gov.in પરથી આન્સર કી ડાઉનલોડ કરી શકશે. ગુજરાત પંચાયત સેવા પસંદગી બોર્ડે 9 એપ્રિલ, 2023 ના રોજ જુનિયર ક્લાર્ક ભરતી પરીક્ષાનું આયોજન કર્યું હતું. પરીક્ષા બપોરે 12:30 થી 1:30 PM સુધી યોજાઈ હતી. તેના માટેની આન્સર કી ઉમેદવારો માટે જાહેર કરવામાં આવી છે. જુનિયર ક્લાર્ક ભરતી પરીક્ષા માટે આન્સર કી કેવી રીતે ડાઉનલોડ કરવી તે જાણવા માટે ઉમેદવારો નીચે શેર કરેલી પ્રક્રિયાનો સંદર્ભ લઈ શકે છે.
આ પણ વાંચો : મોરબી ઝૂલતો પુલ : છેવટે ગુજરાત સરકારે મોરબી નગરપાલિકાને સુપરસીડ કરી
જુનિયર ક્લાર્ક પરીક્ષાની પ્રોવિઝનલ આન્સર કી વેબસાઈટ પર મૂકવામાં આવેલ છે.
— Hasmukh Patel (@Hasmukhpatelips) April 11, 2023
જુનિયર ક્લાર્ક પ્રોવિઝનલ આન્સર કી 2023 – કેવી રીતે ડાઉનલોડ કરવી
- બોર્ડની સત્તાવાર વેબસાઇટની મુલાકાત લો – gpssb.gujarat.gov.in
- હોમપેજ પર, પ્રોવિઝનલ આન્સર કી – જુનિયર ક્લાર્ક માટે આપેલી લિંક પર ક્લિક કરો
- એક નવું પેજ ખુલશે અને તમારી જવાબ કી સ્ક્રીન પર પ્રદર્શિત થશે
પ્રોવિઝનલ આન્સર કી પછી, ગુજરાત પંચાયત સેવા પસંદગી બોર્ડ ભરતી પરીક્ષા માટે અંતિમ આન્સર કી જાહેર કરશે. એકવાર અંતિમ આન્સર કી જાહેર થઈ જાય પછી, ઉમેદવારો માટે પરિણામો પણ જાહેર કરવામાં આવશે. પંચાયત સેવા પસંદગી બોર્ડે એપ્રિલ 2023 માં કુલ 1,181 જગ્યાઓ માટે જુનિયર ક્લાર્કની ભરતી પરીક્ષા યોજી હતી.
