જેપી નડ્ડાની દિલ્હીથી ચોરાયેલી ફોર્ચ્યુનર કાર બનારસમાંથી મળી, 2ની કરાઈ ધરપકડ

નવી દિલ્હી, 07 એપ્રિલ: ભારતીય જનતા પાર્ટી (BJP)ના રાષ્ટ્રીય અધ્યક્ષ જેપી નડ્ડાની કાર બનારસમાંથી મળી આવી છે. ફોર્ચ્યુનર કાર 19 માર્ચે દિલ્હીના ગોવિંદપુરી વિસ્તારમાંથી ચોરાઈ હતી. પોલીસે બડકલના રહેવાસી શાહિદ અને શિવાંગ ત્રિપાઠીની ધરપકડ કરી હતી. આરોપીઓ ક્રેટાથી કાર ચોરી કરવા આવ્યા હતા. તેને બડકલ લઈ ગયા બાદ તેમણે કારની નંબર પ્લેટ બદલી નાખી. પછી તેઓ અલીગઢ, લખીમપુર ખેરી, બરેલી, સીતાપુર અને લખનૌ થઈને બનારસ પહોંચ્યા. કારને નાગાલેન્ડ મોકલવાની યોજના બનાવી રહ્યા હતા. માંગણી પર કાર ચોરાઈ હતી.

મળતી માહિતી મુજબ આ કાર બીજેપી અધ્યક્ષ જેપી નડ્ડાની પત્નીની છે. ડ્રાઇવરે કાર ગોવિંદપુરીના સર્વિસ સેન્ટરમાં આપી હતી અને તે પોતાના ઘરે જમવા આવ્યો હતો, ત્યારે ચોરી થઇ હતી. માહિતી મળતાની સાથે જ દિલ્હી પોલીસે સીસીટીવી ફૂટેજ સ્કેન કર્યું અને કાર ગુરુગ્રામ તરફ જતી જોવા મળી.

ડ્રાઈવરની ફરિયાદના આધારે FIR દાખલ કરાઈ

જેપી નડ્ડાની પત્નીની કારનો નંબર હિમાચલનો છે. ઉલ્લેખનીય છે કે જેપી નડ્ડા મૂળ હિમાચલ પ્રદેશના છે. કારનો ચાલક સર્વિસ સેન્ટરમાં કાર પાર્ક કરીને તેના ઘરે જમવા ગયો હતો, પરંતુ જ્યારે તે પરત આવ્યો ત્યારે કાર ગાયબ હતી. આ મામલો હાઈપ્રોફાઈલ વ્યક્તિ સાથે સંબંધિત હોવાથી દિલ્હી પોલીસ તરત જ એક્શનમાં આવી ગઈ હતી. ડ્રાઈવર જોગીન્દરની ફરિયાદ પર આ કેસમાં એફઆઈઆર નોંધવામાં આવી હતી.

દિલ્હી-એનસીઆરમાં વાહન ચોરીના કેસ

હકીકતમાં, રાષ્ટ્રીય રાજધાની દિલ્હીમાં વાહન ચોરીની ઘટનાઓ સામાન્ય બાબત બની ગઈ છે. થોડા સમય પહેલા, વાહન ચોરી અંગેના અહેવાલમાં જણાવવામાં આવ્યું હતું કે દિલ્હી-એનસીઆરમાં દર 14 મિનિટે એક વાહન ચોરી થાય છે. એ જ રીતે, ACKO, એક વીમા એજન્સીએ પણ થોડા દિવસો પહેલા વાહન ચોરીની ઘટનાઓ પર આધારિત તેની ‘થેફ્ટ એન્ડ ધ સિટી 2024’ની બીજી આવૃત્તિ બહાર પાડી, જેમાં જણાવાયું હતું કે ભારતમાં વાહન ચોરીના બનાવો 2022 અને 2023 વચ્ચે 2.5%  ગણો વધારો થયો છે.

આ પણ વાંચો: અમદાવાદ શહેરમાં મોબાઇલ ચોરોથી સાવધાન, 3 માસમાં 1 હજાર મોબાઈલ ફોન ચોરાયા