જોશીમઠ મામલો: સુપ્રીમ કોર્ટે તાત્કાલિક સુનાવણીનો ઈનકાર કર્યો, કોર્ટે કહ્યું- દરેક કેસમાં અહીં આવવું જરૂરી નથી

સુપ્રીમ કોર્ટે જોશીમઠ કેસ પર તાત્કાલિક સુનાવણી કરવાનો ઇનકાર કર્યો છે. સુપ્રીમ કોર્ટે હવે આ અંગે સુનાવણી માટે આગામી તારીખ 16 જાન્યુઆરી આપી છે. આ દરમિયાન સુપ્રીમ કોર્ટે કહ્યું કે દરેક કેસમાં સુપ્રીમ કોર્ટમાં આવવાની જરૂર નથી. લોકતાંત્રિક રીતે ચૂંટાયેલી સંસ્થાઓ આના પર કામ કરી રહી છે. ચીફ જસ્ટિસ ડીવાય ચંદ્રચુડ અને જસ્ટિસ પીએસ નરસિમ્હાની બેંચ આ મામલાની સુનાવણી કરી રહી છે.

#WATCH | Joshimath, Uttarakhand: People break down as they leave their homes that have been marked unsafe by the district administration and vacate the areas affected by the Joshimath land subsidence. pic.twitter.com/hr7ZRHCyZK

— ANI UP/Uttarakhand (@ANINewsUP) January 10, 2023

અરજદારે જોશીમઠ સંકટને રાષ્ટ્રીય આપત્તિ જાહેર કરવાની માંગ કરી હતી

જણાવી દઈએ કે અરજદાર સ્વામી અવિમુક્તેશ્વરાનંદ સરસ્વતીએ સુપ્રીમ કોર્ટમાં અપીલ કરતા કહ્યું કે આ મામલામાં તાત્કાલિક સુનાવણીની જરૂર છે અને આ સંકટને રાષ્ટ્રીય આપત્તિ તરીકે જાહેર કરવું જોઈએ. જેના પર ચીફ જસ્ટિસ ડીવાય ચંદ્રચુડ અને જસ્ટિસ પીએસ નરસિમ્હાની બેન્ચે મંગળવાર એટલે કે આજની તારીખ આપી હતી, પરંતુ હવે કોર્ટે તાત્કાલિક સુનાવણી કરવાનો ઇનકાર કરી દીધો છે.

Sinking Joshimath: Locals in tears as they leave homes marked for demolition

Read @ANI Story | https://t.co/w7ZYft8Muc#Joshimath #Chamoli #Uttarakhand #JoshimathDemolition pic.twitter.com/EQC8odNKg7

— ANI Digital (@ani_digital) January 10, 2023

અરજદારે આ દલીલ કરી હતી

અરજદારે કહ્યું કે જોશીમઠમાં આજે જે કંઈ થઈ રહ્યું છે તે ખાણકામ, મોટા પ્રોજેક્ટના નિર્માણ અને તેના માટે બ્લાસ્ટિંગને કારણે થઈ રહ્યું છે. આ મોટી દુર્ઘટનાની નિશાની છે. કહેવાય છે કે શહેરમાં લાંબા સમયથી ભૂસ્ખલનની ઘટનાઓ બની રહી છે. લોકો આ અંગે અવાજ ઉઠાવી રહ્યા છે પરંતુ સરકાર દ્વારા તેને ગંભીરતાથી લેવામાં આવી નથી. આજે એક ઐતિહાસિક, પૌરાણિક અને સાંસ્કૃતિક શહેર અને ત્યાં રહેતા લોકો આનો માર સહન કરી રહ્યા છે.

જોશીમઠ શહેરમાં અસુરક્ષિત ઈમારતોની સંખ્યા સતત વધી રહી છે

જોશીમઠ શહેરમાં અસુરક્ષિત ઈમારતોની સંખ્યા સતત વધી રહી છે. અત્યાર સુધીમાં કુલ 678 ઈમારતોની ઓળખ કરવામાં આવી છે. સીબીઆરઆઈની ટીમે સોમવારે મલેરી ઇન અને માઉન્ટ વ્યૂ હોટલનો સર્વે કર્યો હતો. આજથી આ બંને હોટલમાંથી બિલ્ડીંગો તોડવાની કામગીરી શરૂ થશે. આ હોટલોને ભારે નુકસાન થયું છે.

આ પણ વાંચો : ઉત્તરાખંડ બ્રેકિંગ: રાજ્યપાલે મહિલાઓ માટે 30 ટકા હોરિઝોન્ટલ રિઝર્વેશન બિલને મંજૂરી આપી