વિવાદિત ફિલ્મ ‘પઠાણ’ના ટ્રેલરને લઈને જ્હોન અબ્રાહમે આપી પ્રતિક્રિયા
આજકાલ ફિલ્મ ‘પઠાણ’ ઘણી ચર્ચામાં જોવા મળી રહી છે, અગાઉ ફિલ્મ ‘બેશરમ રંગ’ અને ‘ઝૂમે જો પઠાણ’ના બે ગીતોને કારણે વિવાદોમાં ભરાઈ હતી, અને દેશની ઘણી જગ્યાએ આ ફિલ્મ બોયકોટની માંગ ઉઠી હતી, જોકે ત્યાર પછી પણ ફિલ્મના નિર્માતાઓએ ફિલ્મનું ટ્રેલર થોડા દિવસ પહેલાં જ રિલીઝ કર્યુ હતું અને એ ટ્રેલરને દર્શકોનો ઘણો પ્રેમ મળી રહ્યો હોવાના સમાચાર સામે આવ્યાં છે.
આ પણ વાંચો : એક્શન અને કોમેડીથી ભરપૂર કાર્તિક આર્યનની ફિલ્મ ‘શહેજાદા’નું ટ્રેલર થયું રિલીઝ !
ફિલ્મ 25મી જાન્યુઆરીએ થશે રિલીઝ
ઉલ્લેખનીય છે કે શાહરૂખ ખાન, દીપિકા પાદુકોણ અને જ્હોન અબ્રાહમની ફિલ્મ પઠાણ 25 જાન્યુઆરીએ રિલીઝ થઈ રહી છે. ફિલ્મનું ટ્રેલર પણ રિલીઝ થયા બાદ દર્શકોમાં ખૂબ જ લોકપ્રિય બની થઈ છે. જેને લઈને જ્હોન અબ્રાહમે ‘પઠાણ’ના ટ્રેલરને મળેલા પ્રતિસાદ માટે ચાહકોનો આભાર માન્યો છે અને ઘણી વાતો પણ લખી છે. જ્હોન અબ્રાહમ ફિલ્મ ‘પઠાણ’માં શાહરૂખ ખાનના હોશ ઉડાડતો જોવા મળે છે.
જ્હોન અબ્રાહમે આપી પ્રતિક્રિયા
જ્હોન અબ્રાહમે તેની ઇન્સ્ટાગ્રામ સ્ટોરી પર ‘પઠાણ’ના ટ્રેલર માટે ચાહકોનો આભાર માન્યો છે અને ફિલ્મ વિશે ઘણી વાતો પણ કહી છે, ‘મેં સિનેમામાં ઘણા વર્ષો વિતાવ્યા છે, પરંતુ હવેની ક્ષણ મારા માટે ખૂબ જ ખાસ છે. ‘પઠાણ’ના ટ્રેલરને તમે આટલો પ્રેમ આપી રહ્યા છો તે જોઈને સારું થયું. આ ફિલ્મ બનાવવા માટે ઘણી મહેનત કરવામાં આવી છે. આ એક મોટી ફિલ્મ છે. આદિ (આદિત્ય ચોપરા) એ હંમેશા મને મારી શ્રેષ્ઠ ભૂમિકાઓમાંથી એક આપ્યો છે અને સિદ્ધાર્થ આનંદે મારી સાથે અને ફિલ્મ સાથે શું કર્યું છે તે જોવા માટે હું રાહ જોઈ શકતો નથી. હું ‘પઠાણ’ વિશે ઘણું કહેવા માંગુ છું, પરંતુ ચાલો 25 જાન્યુઆરી સુધી રાહ જુઓ. મોટા પડદાના મનોરંજન માટે તૈયાર રહો. ટ્રેલરને આટલો પ્રેમ આપવા બદલ ફરી એકવાર તમારો આભાર.
