₹50,97,15,00,00ના લગ્ન; એમેઝોનના માલિક Jeff Bezos બીજીવાર દુલ્હા બનશે, જાણો કોણ છે દુલ્હન
અમેરિકા, 22 ડિસેમ્બર 2024 : એમેઝોનના માલિક જેફ બેઝોસ (jeff-bezos) બીજા લગ્ન કરવા જઈ રહ્યા છે. વિશ્વના સૌથી અમીર લોકોમાંથી એક જેફ બેઝોસ તેની લાંબા ગાળાની ગર્લફ્રેન્ડ લોરેન સાંચેઝ સાથે લગ્ન કરશે. તેમના લગ્નના કાર્યો ક્રિસમસથી શરૂ થશે અને તેમના ભવ્ય લગ્નની ઉજવણી 28મી ડિસેમ્બરે જોવા મળશે.
લગ્ન ક્યારે થશે
ન્યૂયોર્ક પોસ્ટ અનુસાર, જેફ બેઝોસ અને લોરેન સાંચેઝ અમેરિકાના કોલોરાડોમાં લગ્ન કરશે. તેમના લગ્નની ભવ્ય ઉજવણી એસ્પેન શહેરમાં થવા જઈ રહી છે. બંને આવતા શનિવારે એટલે કે 28 ડિસેમ્બરે લગ્નના બંધનમાં બંધાશે. જો કે લગ્નની તારીખોની હજુ સુધી કોઈ સત્તાવાર જાહેરાત કરવામાં આવી નથી.
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
https://chat.whatsapp.com/K2iNelyylPD9ZoDNpMuN9o
કેક પેરિસથી આવશે
જેફ બેઝોસની ટીમે આ લગ્ન માટે પાર્ટી આયોજકો સાથે નોન-ડિસ્કલોઝર કરાર પર હસ્તાક્ષર કર્યા છે. જો રિપોર્ટ્સનું માનીએ તો આ લગ્નમાં આકર્ષણ વધારવા માટે દુનિયાના અલગ-અલગ ખૂણેથી ઘણી ખાસ વસ્તુઓ લાવવામાં આવી છે. બંને કપલની સૌથી ફેવરિટ કેક ફ્રાન્સની રાજધાની પેરિસથી આવશે. ન્યૂયોર્કથી કપલના હેર સ્ટાઈલિશને બોલાવવામાં આવ્યા છે. લગ્ન દરમિયાન આ કપલ તેમના મનપસંદ ગીતો પર ડાન્સ પણ કરતા જોવા મળશે.
View this post on Instagram
લગ્નમાં 600 મિલિયન ડોલરનો ખર્ચ થશે
મીડિયા રિપોર્ટ્સ અનુસાર જેફ બેઝોસે પોતાના લગ્ન માટે એસ્પેનમાં એક આલીશાન હોટેલ બુક કરાવી છે. આ હોટલમાં 180 મહેમાનો માટે રહેવાની વ્યવસ્થા છે. આ લગ્નમાં 600 મિલિયન ડોલર એટલે કે 5 હજાર કરોડ રૂપિયાથી વધુનો ખર્ચ થવાનો અંદાજ છે. આ ભવ્ય લગ્ન સમારોહમાં બિલ ગેટ્સ, લિયોનાર્ડો ડી કેપ્રિયો, જોર્ડનની રાણી રાનિયા સહિત ઘણી મોટી હસ્તીઓ ભાગ લઈ શકે છે.
લોરેન સાંચેઝ કોણ છે?
જેફ બેઝોસની મંગેતર લોરેન સાંચેઝ એક પ્રખ્યાત પત્રકાર, જાણીતી હોસ્ટ અને હેલિકોપ્ટર પાયલટ છે. બંને છેલ્લા 8 વર્ષથી એકબીજાને ડેટ કરી રહ્યા છે. 2018 માં, જેફ બેઝોસે તેની પ્રથમ પત્ની મેકેન્ઝી સ્કોટ સાથે છૂટાછેડા લીધા હતા. આ પછી જ બેઝોસે લોરેન્સ સાથેના સંબંધોની જાહેરાત કરી. આ કપલે 2023માં ઈટાલીમાં સગાઈ કરી હતી. હવે જેફ બેઝોસ અને લોરેન્સના લગ્ન વર્ષના સૌથી ખાસ લગ્નોમાંથી એક બનવા જઈ રહ્યા છે.
આ પણ વાંચો : Champions Trophy 2025 અને ભારત પ્રવાસ માટે ઈંગ્લેન્ડની ટીમની જાહેરાત
