‘Jawan’ આ દિવસે રિલીઝ થશે, શાહરૂખે મોશન પોસ્ટર સાથે કરી જાહેરાત

સુપરસ્ટાર શાહરૂખ ખાનની આગામી ફિલ્મ ‘જવાન‘ ને લઈને દરેક લોકો ખૂબ જ ઉત્સાહિત છે. ‘પઠાણ’ની મોટી સફળતા બાદ ફેન્સ શાહરૂખને મોટા પડદા પર જોવા માંગે છે. હાલમાં જ ફિલ્મ ‘Jawan’ની રિલીઝ ડેટ બદલવામાં આવી હતી. એ પછી હવે શાહરૂખે ફિલ્મની નવી રિલીઝ ડેટ જાહેર કરી છે.

‘Jawan’ની રિલીઝ ડેટ જાહેર

શાહરૂખ ખાન સ્ટારર ફિલ્મ ‘Jawan’નું ટીઝર ગયા વર્ષે 2 જૂને રિલીઝ થયું હતું. જેમાં ચહેરા પર પટ્ટી બાંધેલા ઘાયલ કિંગ ખાનના લુકે સનસનાટી મચાવી દીધી હતી. ત્યારથી ફેન્સ શાહરૂખ ખાનની ફિલ્મ ‘Jawan’ની આતુરતાથી રાહ જોઈ રહ્યા છે. જો કે, ‘Jawan’ 2 જૂન 2023ના રોજ રિલીઝ થવાની હતી. પરંતુ, રીસન્ટલી મેકર્સ દ્વારા ફિલ્મની રિલીઝ ડેટમાં ફેરફાર કરવામાં આવ્યો છે. આ બધા વચ્ચે શાહરૂ ખાને ‘Jawan’ની નવી રિલીઝ ડેટની જાહેરાત કરી છે. શાહરૂખ ખાને તેના ઓફિશિયલ ઈન્સ્ટાગ્રામ હેન્ડલ પર ‘Jawan’નું લેટેસ્ટ મોશન પોસ્ટર શેર કર્યું અને ફિલ્મની નવી રિલીઝ ડેટની જાહેરાત કરી

કિંગ ખાનના જણાવ્યા અનુસાર, ફિલ્મ ‘Jawan’ની હવે 2 જૂનના બદલે 7 સપ્ટેમ્બર 2023ના રોજ રિલીઝ થશે. સાથે જ ‘Jawan’નું આ લેટેસ્ટ પોસ્ટર ઘણું ખતરનાક છે, જેને જોયા બાદ આ ફિલ્મ માટે ફેન્સની એક્સાઈટમેન્ટ ઘણી વધી જશે.

શાહરૂખના ચાહકોએ રાહ જોવી પડશે

આ વર્ષની શરૂઆતમાં શાહરૂખ ખાને 4 વર્ષના લાંબા સમય બાદ ફિલ્મ ‘પઠાણ’થી કમબેક કર્યું હતું. ‘પઠાણ’ ફિલ્મે બોક્સ ઓફિસના રેકોર્ડ તોડીને બધાને ચોંકાવી દીધા હતા. હવે શાહરૂખની ‘Jawan’ માટે ચાહકોએ થોડી રાહ જોવી પડશે. સાઉથ ફિલ્મ ઈન્ડસ્ટ્રીના જાણીતા ડિરેક્ટર એટલીના ડિરેક્શનમાં બનેલી ‘Jawan’ પણ બોક્સ ઓફિસ પર ધમાલ મચાવશે તેવી ફેન્સને આશા છે..