‘જવાન’ના ડાયરેક્ટર એટલીએ શાહરુખ બાદ સલમાન સાથે મિલાવ્યો હાથ, કમલ હાસનનો સાથ!

• શાહરૂખ ખાને 4 વર્ષના લાંબા બ્રેક બાદ ગયા વર્ષે એટલીની ફિલ્મ ‘પઠાણ’થી પુનરાગમન કર્યું

મુંબઈ, 03 સપ્ટેમ્બર: બોલિવૂડ સુપરસ્ટાર શાહરૂખ ખાને 4 વર્ષના લાંબા બ્રેક બાદ ગયા વર્ષે ફિલ્મ ‘પઠાણ’થી પુનરાગમન કર્યું છે અને આ બ્લોકબસ્ટર ફિલ્મથી બતાવ્યું કે, તેના સ્ટારડમનું સ્તર ક્યારેય ઓછું થવાનું નથી, પરંતુ સાઉથ ડાયરેક્ટર એટલી સાથેની તેની ફિલ્મ ‘જવાન’એ એવો ધમાકો કર્યો જે ‘પઠાણ’ કરતા પણ મોટો હતો. શાહરૂખની જવાન 2023ની સૌથી મોટી ભારતીય ફિલ્મ તો બની જ પરંતુ તમામ રેકોર્ડ તોડીને નવા રેકોર્ડ બનાવ્યા. ત્યારે ડાયરેક્ટર એટલીએ શાહરુખ ખાન બાદ હવે સલમાન ખાન સાથે હાથ મિલાવ્યો છે. આ નવા પ્રોજેક્ટમાં કમલ હાસન પણ સામેલ છે. આ પ્રોજેક્ટમાં વધુ મોટો ધડાકો થવાની શક્યતા છે.

સલમાન ખાનને મળ્યો એટલીનો સાથ

બોલિવૂડ સુપરસ્ટાર સલમાન ખાન એક સમયે એવો અભિનેતા રહ્યો છે જેણે પોતાની દરેક ફિલ્મથી ઈન્ડસ્ટ્રીને નવા ઓપનિંગ રેકોર્ડ્સ આપ્યા છે. પરંતુ લોકડાઉનથી તેમનો સમય થોડો નીરસ થઈ રહ્યો છે. તેની ‘કિસી કા ભાઈ કિસી કી જાન’ અને ‘ટાઈગર 3’ જેવી મોટી ફિલ્મો અપેક્ષા મુજબ કામ કરી શકી નથી.પરંતુ હવે સલમાન ખાનને તે સંભવિત પ્રોજેક્ટ મળ્યો છે જે ફરી એકવાર લોકોને તેના સુપરસ્ટારડમનો મહિમા બતાવી શકે છે.

‘જવાન’ના દિગ્દર્શક એટલી હવે સલમાન ખાન સાથે પોતાની આગામી ફિલ્મ કરવા જઈ રહ્યા છે. આ કોલેબોરેશનની પુષ્ટિ કરતા, પીપિંગ મૂનના એક અહેવાલમાં કહેવામાં આવ્યું છે કે, ‘સલમાન અને એટલી ગયા વર્ષથી જ આ કોલેબોરેશન અંગે ચર્ચા કરી રહ્યા હતા. પરંતુ મામલો ઝડપથી આગળ વધ્યો જ્યારે એટલીએ તેને બે હીરોવાળી ફિલ્મનો વિચાર રજૂ કર્યો. સલમાનને સ્ટોરીની આઉટલાઇન ગમતી હતી અને તેમણે એટલીને ચર્ચા આગળ વધારતા પહેલા પૂરી સ્ક્રિપ્ટ લખવા કહ્યું હતું. રિપોર્ટમાં કહેવામાં આવ્યું છે કે, થોડા અઠવાડિયા પહેલા જ એટલીએ સલમાનને સ્ક્રિપ્ટનું નરેશન આપ્યું હતું અને તેને તે એટલું પસંદ આવી કે તેણે તરત જ તેની મંજૂરી આપી દીધી.

સલમાનની ફિલ્મમાં ડબલ ધમાકો 

મળતી માહિતી મુજબ, આ ડબલ હીરો પ્રોજેક્ટમાં સલમાનની સાથે અન્ય હીરો તમિલ સિનેમાના આઇકોન કમલ હાસન હશે. આ પ્રોજેક્ટ પર પ્રી-પ્રોડક્શન શરૂ કરતા પહેલા એટલી કમલ હાસનની મંજૂરીની રાહ જોઈ રહ્યા છે. સલમાન પોતે આ પ્રોજેક્ટમાં જોડાવા માટે હાસન સાથે વાત કરી રહ્યો છે અને ટૂંક સમયમાં જ એટલી બંને કલાકારોને જોઈન્ટ નરેશન આપી શકે છે.

સલમાન ખાનની વાત કરવામાં આવે તો હાલમાં તેણે તેની આગામી ફિલ્મ ‘સિકંદર’ પર કામ શરૂ કરી દીધું છે. ફિલ્મને લઈને હજુ સુધી સત્તાવાર જાહેરાત કરવામાં આવી નથી, પરંતુ સલમાને એક ફોટોમાં ચાહકોને તેના નવા સેટની ઝલક બતાવી છે. ‘સિકંદર’માં સલમાનના દિગ્દર્શક એ. આર. મુરુગાદોસ, જેમણે આમિર ખાનને ‘ગજની’ જેવી મોટી હિટ ફિલ્મ આપી હતી.

આ પણ જૂઓ: કંગના રનૌતની ફિલ્મ ‘ઇમરજન્સી’ના સમર્થનમાં આવ્યા મનોજ મુન્તાશીર, કહ્યું: છોડો આ મહાનતાનો ઢોંગ