‘જવાન’એ મચાવી ધુમ, ‘પઠાણ’ અને ‘ગદર 2’ની કમાણીને મુકી દિધી પાછળ
- જવાન હિન્દી સિનેમાની એક દિવસની સૌથી વધુ કમાણી કરનારી ફિલ્મ બની ગઈ
શાહરૂખ ખાન અને નયનતારાની ફિલ્મ જવાને પહેલા જ દિવસે સાબિત કરી દીધું છે કે તેની સામે ભાગ્યે જ કોઈ ટકી શકશે. શાહરૂખ ખાનની આ ફિલ્મે રિલીઝ થતાની સાથે જ ઈતિહાસ રચી દીધો છે. ‘જવાન’ કિંગ ખાન અને મેકર્સની અપેક્ષાઓ પર ખરો ઉતર્યું છે. જન્માષ્ટમીના અવસર પર રિલીઝ થયેલી જવાનને લોકોનો અપાર પ્રેમ મળ્યો છે.
શાહરૂખ ખાનના ચાહકોની નજર ફિલ્મની પહેલા દિવસની કમાણી પર છે. જોકે, પહેલા દિવસના આંકડા શાહરૂખના ફેન્સને ડાન્સ કરી દેશે. સૂરસ્તારે ચાહકોની અપેક્ષાઓ પૂરી કરી છે. જવાને બોક્સ ઓફિસ પર ધૂમ મચાવી છે. જેની સામે કમાણીમાં પઠાણ અને ગદર 2 બંનેને પાછળ છોડી દિધા છે. પ્રાપ્ત માહિતી અનુસાર, જવાને ભારતમાં પહેલા દિવસે 75 કરોડ રૂપિયાનો શાનદાર બિઝનેસ કર્યો છે. તેમાં તમામ ભાષાઓનો સંગ્રહ સામેલ છે.
તમામ ભાષાઓમાં આટલા કરોડની કમાણી કરી
માત્ર હિન્દી ભાષાની વાત કરીએ તો શાહરૂખ ખાનના જવાને 63-65 કરોડ રૂપિયાનું કલેક્શન કર્યું છે. તમિલ ભાષાની વાત કરીએ તો ફિલ્મે અહીં 5 કરોડ રૂપિયાનો બિઝનેસ કર્યો છે અને તેલુગુ ભાષામાં પણ જવાન 5 કરોડ રૂપિયાની કમાણી કરવામાં સફળ રહી છે. મતલબ કે શાહરૂખનો જાદુ સાઉથમાં પણ જોવા મળી શકે છે.
પઠાણને પાછળ છોડી દીધો
જવાનના પહેલા દિવસના આંકડા સામે આવ્યા બાદ એ સ્પષ્ટ થઈ ગયું છે કે આ ફિલ્મે પહેલા દિવસની કમાણી મામલે શાહરૂખના પઠાણને ખૂબ પાછળ છોડી દીધા છે. પઠાણે શરૂઆતના દિવસે 55 કરોડનો બિઝનેસ કરીને નવો રેકોર્ડ બનાવ્યો હતો. પરંતુ હવે જવાને તે રેકોર્ડ તોડી નાખ્યો છે. જવાન હવે હિન્દી સિનેમાની સૌથી વધુ કમાણી કરનારી ફિલ્મ બની ગઈ છે.
આ પણ વાંચો: ગદર 2 માટે લોકોનો પ્રેમ જોઈને રડી પડ્યા સની દેઓલ
