મેલબોર્ન ટેસ્ટમાં હાર છતાં જસપ્રીત બુમરાહ ICCના સૌથી મોટા એવોર્ડ માટે નોમિનેટ, જાણો
- ઇન્ટરનેશનલ ક્રિકેટ કાઉન્સિલે ક્રિકેટર ઓફ ધ યરના નોમિની તરીકે 4 ખેલાડીઓની જાહેરાત કરી
નવી દિલ્હી, 30 ડિસેમ્બર: બોર્ડર ગાવસ્કર ટ્રોફીની ચોથી ટેસ્ટ મેચ મેલબોર્નમાં રમાઈ હતી. આ બોક્સિંગ ડે ટેસ્ટમાં ઓસ્ટ્રેલિયાએ ભારતને 184 રનથી હરાવ્યું હતું. હાર બાદ ભારતીય વાઇસ કેપ્ટન જસપ્રિત બુમરાહ માટે સારા સમાચાર આવ્યા છે. ઇન્ટરનેશનલ ક્રિકેટ કાઉન્સિલે આજે સોમવારે ક્રિકેટર ઓફ ધ યર માટે નોમિનીની જાહેરાત કરી છે. જેમાં 4 ખેલાડીઓને સ્થાન આપવામાં આવ્યું છે. આ યાદીમાં ભારતીય ફાસ્ટ બોલર જસપ્રીત બુમરાહ પણ સામેલ છે. તેમના સિવાય જો રૂટ, ટ્રેવિસ હેડ અને હેરી બ્રુકને સર ગારફિલ્ડ સોબર્સ ટ્રોફી માટે શોર્ટલિસ્ટ કરવામાં આવ્યા છે.
🏴 🇮🇳 🇦🇺 🏴
The best of the best will be vying for the coveted Sir Garfield Sobers Trophy for ICC Men’s Cricketer of the Year 🌟 #ICCAwardshttps://t.co/RJPl6McATL
— ICC (@ICC) December 30, 2024
આંતરરાષ્ટ્રીય ક્રિકેટમાં બુમરાહનું શાનદાર પ્રદર્શન
આ વર્ષે આંતરરાષ્ટ્રીય ક્રિકેટમાં બુમરાહનું પ્રદર્શન શાનદાર રહ્યું હતું. તેણે 13 ટેસ્ટ મેચ રમી અને 71 વિકેટ પોતાના નામે કરી. આ સમયગાળા દરમિયાન તેની એવરેજ 14.92 હતી. 6/45 એક ઇનિંગમાં તેનું સર્વશ્રેષ્ઠ પ્રદર્શન હતું. આટલું જ નહીં તેણે 8 T20 ઈન્ટરનેશનલ મેચમાં 15 વિકેટ ઝડપી હતી. આ ફોર્મેટમાં તેની ઈકોનોમી 4.17 હતી.
પર્થમાં રમાયેલી પ્રથમ ટેસ્ટમાં બુમરાહે ભારતીય ટીમની કમાન સંભાળી અને જીત પણ નોંધાવી હતી. બુમરાહે આ ટેસ્ટના પ્રથમ દાવમાં પોતાના પ્રદર્શન દેખાડ્યું હતું. તેણે 18 ઓવરમાં 30 રન આપીને 5 વિકેટ મેળવી હતી. આ સિવાય બુમરાહે બીજી ઇનિંગમાં 3 વિકેટ ઝડપી હતી.
આ પણ જૂઓ: મેલબોર્નમાં હાર બાદ WTC ફાઈનલનું અંતિમ ગણિત મુશ્કેલ બન્યું, હવે શ્રીલંકાના સહારે ભારત
