વાહ શું વાત છે! દારૂ પીવો અને રજાઓ ગાળો, કર્મચારીઓને ખુશ કરવા કંપનીએ ગજબની ઑફર આપી

જાપાન, 12 ફેબ્રુઆરી 2025 :   એક જાપાની કંપની પોતાના કર્મચારીઓને ખુશ રાખવા માટે એક શાનદાર ઓફર આપી રહી છે. ઓસાકા સ્થિત ટ્રસ્ટ રિંગ કંપની કર્મચારીઓને દારૂ પીવા અને હેંગઓવર માટે રજા આપી રહી છે. આ કરવાનો હેતુ નવા ભરતીનો આકર્ષિત કરવાનો અને ઓફિસમાં આરામદાયક વાતાવરણ બનાવવાનો છે. મોટાભાગની કંપનીઓ પોતાના કર્મચારીઓને સારો પગાર અને વધારાનો પગાર આપે છે, પરંતુ આ જાપાની કંપનીએ પોતાના કર્મચારીઓને ખુશ કરવા માટે એક અલગ રસ્તો પસંદ કર્યો છે. કંપની કામના કલાકો દરમિયાન વિવિધ પ્રકારના પીણાં પૂરા પાડે છે. ટ્રસ્ટ રિંગ કર્મચારીઓને 2-3 કલાકની હેંગઓવર રજા પણ આપે છે.

ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં

https://chat.whatsapp.com/K2iNelyylPD9ZoDNpMuN9o

કંપનીના સીઈઓ શું કહે છે?
મોટી કંપનીઓની તુલનામાં તેના મર્યાદિત બજેટને ધ્યાનમાં રાખીને, ટ્રસ્ટ રિંગના સીઈઓએ જણાવ્યું હતું કે કંપની એક અનોખું અને આનંદપ્રદ વાતાવરણ બનાવવા પર ધ્યાન કેન્દ્રિત કરી રહી છે. સીઈઓએ કહ્યું કે, અમે પગાર માટે સ્પર્ધા કરી શકતા નથી, પરંતુ અમે એક મનોરંજક અને આરામદાયક વાતાવરણ પૂરું પાડી શકીએ છીએ જે લોકોને અમારી સાથે રહેવા માટે પ્રેરિત કરે. કંપનીના સીઈઓ પણ પોતાના કર્મચારીઓ સાથે દારૂ પીવે છે. તે પોતે પણ કંપનીઓમાં નવા કર્મચારીઓનો પરિચય કરાવે છે.

ઓવરટાઇમ વળતર પણ
કંપનીનો શરૂઆતનો પગાર લગભગ 1 લાખ 27 હજાર રૂપિયા છે. કર્મચારીઓને 20 કલાકના ઓવરટાઇમ માટે પણ વળતર આપવામાં આવે છે. આ રીતની ફલેક્સિબિલિટી દરેક કર્મચારીઓનું સપનું હોય છે.

આ પણ વાંચો : પોલીસને ધમકી આપનારા આપના ધારાસભ્ય ખુદ ગાયબ થયાં, શોધવા માટે પોલીસે અનેક રાજ્યોમાં દરોડા પાડ્યા