જ્હાનવી કપૂરે માતા શ્રીદેવીના જન્મદિન પર તિરુપતિના કર્યા દર્શન, ખુશીએ શેર કરી ખાસ તસવીર
- શ્રીદેવીના નિધન બાદ પુત્રી જ્હાન્વી કપૂરે પોતાની માતાની પરંપરા ચાલુ રાખી અને તેના બતાવેલા આ રસ્તા પર ચાલી રહી છે
મુંબઈ, 13 ઑગસ્ટ: બૉલીવુડ અભિનેત્રી જ્હાન્વી કપૂરની તિરુપતિ બાલાજી મંદિર પ્રત્યેની આસ્થા કોઈનાથી છૂપી નથી. તેણીના જીવનના દરેક સારા પ્રસંગોએ તિરુપતિ બાલાજી મંદિર પ્રત્યે તેણીનો આદર અને ભક્તિ બતાવવામાં તે ક્યારેય નિષ્ફળ જતી નથી. તે ઘણી વખત મંદિરની મુલાકાત પણ લઈ ચુકી છે. જ્હાન્વી કપૂરે એ પણ ખુલાસો કર્યો હતો કે, તેની માતા અને દિવંગત અભિનેત્રી શ્રીદેવી દરેક જન્મદિવસ પર આંધ્ર પ્રદેશના આ પ્રખ્યાત મંદિરમાં જતી હતી. શ્રીદેવીના નિધન બાદ જ્હાન્વી કપૂરે આ પરંપરા ચાલુ રાખી છે. તે તેની માતાના બતાવેલા આ માર્ગ પર ચાલી રહી છે. આજે મંગળવારે શ્રીદેવીનો જન્મદિવસ છે અને આ ખાસ અવસર પર તે મંદિર પહોંચી હતી અને ઈન્સ્ટાગ્રામ પર તસવીરો પણ શેર કરી હતી. જ્યારે તેણી બહેન ખુશી કપૂરે પણ માતાને યાદ કરીને ખાસ તસવીર શેર કરી હતી.
View this post on Instagram
જ્હાન્વીએ તિરુપતિ બાલાજીના દર્શન કર્યા
જાન્હવી કપૂરે આજે મંગળવારે તિરુપતિ બાલાજી મંદિરના દર્શન કર્યા હતા અને ઇન્સ્ટાગ્રામ પર ત્રણ તસવીરો પણ શેર કરી હતી. પ્રથમ ફોટામાં મંદિરની પ્રખ્યાત સીડીઓ જોઈ શકાય છે. બીજી તસવીર જ્હાનવી કપૂરના બાળપણના દિવસોની છે જે તેમની સ્વર્ગસ્થ માતા શ્રીદેવી સાથે છે. ત્રીજી તસવીરમાં તેણે પોતાનો ટ્રેડિશનલ લુક શેર કર્યો છે, જેમાં તે આંધ્ર પ્રદેશની સ્ટાઇલના આઉટફિટમાં જોવા મળી રહી છે. અભિનેત્રીએ પીળી કાંજીવરમ સાડી પહેરી છે અને તેની સાથે ગજરા-સોનાના દાગીના પણ પહેર્યા છે. અભિનેત્રીએ આ ખાસ દિવસ માટે ખૂબ જ ઓછો મેકઅપ કર્યો છે. આ તસવીરો શેર કરતી વખતે તેણે પ્રેમાળ કેપ્શન લખ્યું, ‘હેપ્પી બર્થ ડે મમ્મા. હું તને પ્રેમ કરું છું.’
ખુશી કપૂરે પણ ખાસ તસવીર શેર કરી
જ્હાન્વી કપૂર સિવાય ખુશી કપૂરે પણ માતા શ્રીદેવી સાથેના બાળપણનો ફોટો ઈન્સ્ટાગ્રામ સ્ટોરી પર શેર કર્યો છે, જેમાં જ્હાનવી પણ જોવા મળી રહી છે. જોકે ખુશીએ આ ફોટો પર કોઈ કેપ્શન નથી લખ્યું. ખુશીના આ ફોટાને ચાહકો ખૂબ પસંદ કરી રહ્યા છે.
જ્હાન્વી કપૂરનું વર્ક ફ્રન્ટ
વર્ક ફ્રન્ટ વિશે વાત કરવામાં આવે તો, જ્હાન્વી કપૂર ટૂંક સમયમાં જુનિયર NTRની ‘દેવરા – પાર્ટ વન’ અને રામ ચરણ સાથેની અનટાઈટલ્ડ ફિલ્મમાં જોવા મળશે. ‘દેવરા-પાર્ટ વન’ને લઈને લોકોમાં ભારે ઉત્સાહ જોવા મળી રહ્યો છે. આ ફિલ્મ અને BTSના ગીતો સોશિયલ મીડિયા પર ધૂમ મચાવી રહ્યા છે. વરુણ ધવનની સાથે ધર્મા પ્રોડક્શનની ‘સની સંસ્કારી કી તુલસી કુમારી’ પણ જ્હાન્વી કપૂર પાસે છે. જ્હાન્વી કપૂર છેલ્લે ફિલ્મ ‘મિસ્ટર એન્ડ મિસિસ માહી’માં જોવા મળી હતી. આ ફિલ્મમાં તેની રાજકુમાર રાવ સાથેની જોડીને ખૂબ પસંદ કરવામાં આવી હતી. આ પછી તે ગુલશન દેવૈયા સાથેની ફિલ્મ ‘ઉલ્ઝ’ને લઈને ચર્ચામાં છે. 2 ઓગસ્ટના રોજ રીલિઝ થયેલી આ ફિલ્મ સિનેમાઘરોમાં ખાસ કમાલ કરી શકી નથી.
આ પણ જૂઓ: શાહરુખ ખાન પહેલી વાર પોતાના બાળકો સાથે કરશે ડેબ્યૂ, જાણો ફિલ્મનું ના
