જમ્મુ-કાશ્મીરના કિશ્તવાડમાં એક ભયાનક માર્ગ અકસ્માતની ઘટના બની છે. જેમાં 7 લોકોના મોત અને ગંભીર રીતે ઘાયલ થયાના સમાચાર છે. પ્રાપ્ત માહિતી અનુસાર ડાચન વિસ્તારમાં ડાંગદુરુ પાવર પ્રોજેક્ટમાં પ્રોજેક્ટના કામદારોને લઈ જતી વખતે એક ક્રુઝર વાહન અકસ્માતનો ભોગ બન્યો હતો.
કિશ્તવાડમાં ભયાનક માર્ગ અકસ્માત
કિશ્તવાડ જિલ્લામાં ડાંગદુરુ પાવર પ્રોજેક્ટનું એક ક્રુઝર વાહન માર્ગ અકસ્માતનો ભોગ બન્યું છે. આ અકસ્માતમાં 7 લોકોના મોત થયા છે, જ્યારે અનેક ગંભીર રીતે ઘાયલ થયો છે. કિશ્તવાડ પોલીસે ઘાયલ વ્યક્તિને હોસ્પિટલમાં દાખલ કર્યો છે અને ઘટનાસ્થળે બચાવ કામગીરી ચાલી રહી છે.
Just now spoke to DC Kishtwar Dr Devansh Yadav about the unfortunate road accident at Dangduru Dam site. 7 persons dead, 1 critically injured. Injured being shifted to District Hospital Kishtwar or GMC Doda as per requirement. All possible help, as required, will be provided:… pic.twitter.com/qVow1x4F0u
— ANI (@ANI) May 24, 2023
અકસ્માતમાં 7 લોકોના મોત અનેક ઘાયલ
પોલીસ પાસેથી મળેલી માહિતી અનુસાર, ડાંગદુરુ પાવર પ્રોજેક્ટ (દાચન વિસ્તાર) પાસે એક ક્રુઝર વાહનનો અકસ્માત થયો હતો. જેમાં 7 લોકોના મોત થયા હતા, જ્યારે એક ઘાયલ થયો હતો.આ વાહનમાં મજૂરો હતા, જેઓ કામ માટે પ્રોજેક્ટ સાઈટ પર જઈ રહ્યા હતા. કામદારોને બિલકુલ ખ્યાલ નહીં હોય કે તેઓ આજે ઘરે પાછા નહીં ફરે. અકસ્માત સાથે જોડાયેલી તસવીરો સામે આવી છે, જેમાં જોઈ શકાય છે કે વાહન ખરાબ રીતે ક્ષતિગ્રસ્ત થયું છે.જ્યાં અકસ્માત થયો ત્યાં લોકોના ટોળા ઉમટી પડ્યા છે અને પોલીસ આ મામલે તપાસ કરી રહી છે.
કેન્દ્રીય મંત્રી ડૉ.જિતેન્દ્ર સિંહે ટ્વીટ કરી આપી માહિતી
આ ઘટનાને લઈને કેન્દ્રીય મંત્રી ડૉ.જિતેન્દ્ર સિંહે ટ્વીટ કર્યું છે. તેમણે લખ્યું કે, હમણાં જ ડીસી કિશ્તવાડ ડૉ. દેવાંશ યાદવને ડાંગદુરુ ડેમ સાઇટ પર દુર્ભાગ્યપૂર્ણ માર્ગ અકસ્માતની જાણ થઈ છે. આ ઘટનામાં 7 લોકોના મોત થયા હતા જ્યારે 12થી વધુ લોકો ગંભીર રીતે ઘાયલ થયા હતા. ઘાયલોને જરૂરિયાત મુજબ જિલ્લા હોસ્પિટલ કિશ્તવાડ અથવા જીએમસી ડોડામાં ખસેડવામાં આવી રહ્યા છે. જરૂરિયાત મુજબ તમામ શક્ય મદદ કરશે.
આ પણ વાંચો : નવા સંસદ ભવનનાં ઉદ્ઘાટન પર રાજકારણ ગરમાયું, વિરોધી પક્ષોએ કરી બહિષ્કારની જાહેરાત
