અમિતાભ બચ્ચનના ઘરની બહાર ‘જલસો’, ફેન્સની સાથે બીગ બીએ કરી ઉજવણી…

છેલ્લા પાંચ દાયકાથી પોતાની ફિલ્મો દ્વારા લોકોના દિલ પર રાજ કરી રહેલા અમિતાભ બચ્ચન આજે 80 વર્ષના થઈ ગયા છે. આ અવસર પર તેમના ચાહકો દ્વારા તેમને વિવિધ રીતે શુભેચ્છાઓ પાઠવામાં આવી રહી છે. ત્યારે બીગ બી પણ તેમના ચાહકોને શુભેચ્છા બદલ આભાર કહેવામાં માટે એવું સરપ્રાઈઝ આપ્યું જેની કદાચ તેમને અપેક્ષા પણ નહીં હોય.

અમિતાભ બચ્ચન તેમના જન્મદિવસ પર તેમના ચાહકોને મળ્યા હતા. જેનો વીડિયો સોશિયલ મીડિયા પર ખૂબ જ વાયરલ થઈ રહ્યો છે. હિન્દી સિનેમાના મેગાસુપરસ્ટાર અમિતાભ બચ્ચનના 80માં જન્મદિવસના ખાસ અવસર પર તેમના જુહુના બંગલા જલસાની બહાર ચાહકોની ભીડ ઉમટી પડી હતી. તમામ ફેન્સ પોતાના ફેવરિટ સુપરસ્ટારને અભિનંદન પાઠવા પહોંચી ગયા હતા. આવી સ્થિતિમાં બિગ બીએ તેમને નિરાશ ન કરતા તેઓ બંગલા બહાર આવ્યા હતા અને ચાહકોનું અભિવાદન ઝીલ્યુ હતું.

બિગ બી મોડી રાત્રે ચાહકોને મળ્યા

અમિતાભ બચ્ચન પોતાના તમામ ચાહકોને મળવા બંગલામાંથી બહાર આવ્યા અને તરત જ ત્યાં એકઠા થયેલા તેમના તમામ ચાહકોની ખુશીની કોઈ સીમા રહી નહોતી. દરેકે પોતપોતાની શૈલીમાં તેમને 80મા જન્મદિવસની ખૂબ જ ઉત્સાહભેર શુભેચ્છા પાઠવી હતી. અમિતાભ બચ્ચને પણ પોતાના ચાહકોનો એટલી જ લાગણી સાથે આભાર માન્યો હતો. આ પ્રસંગે ચાહકોએ તેમના બંગલાની બહાર જન્મદિવસની કેક પણ કાપી હતી.

આ પણ વાંચો : ઓસ્કારમાં મોકલવામાં આવેલી ભારતીય ફિલ્મ રિલીઝ થાય તે પહેલાં જ 15 વર્ષના એક્ટરનું કેન્સરથી મોત

શ્વેતા પણ કેમેરામાં થઈ કેદ 

અમિતાભ પોતાના ચાહકોને મળવા થોડીવાર માટે બંગલામાંથી બહાર આવ્યા ત્યારે તેમની સાથે તેમની પુત્રી શ્વેતા બચ્ચન પણ જોવા મળી હતી, જે તેમના પિતાને જન્મદિવસની શુભેચ્છા આપવા આવેલા ચાહકોની ભીડ જોઈને આશ્ચર્યચકિત થઈ ગઈ હતી. અમિતાભ અને શ્વેતા ઉપરાંત આ પ્રસંગે બિગ બીની પૌત્રી નવ્યા નવેલી પણ જોવા મળી હતી.