જલંધર પશ્ચિમ/ ભાજપ છોડીને AAPમાં જોડાયેલા મોહિન્દર ભગતનો વિજય, 37000થી વધુ મતોના માર્જિનથી BJPના ઉમેદવારની હાર
જલંધર, 13 જુલાઈ : પંજાબની જલંધર પશ્ચિમ વિધાનસભા બેઠક પર 10 જુલાઈના રોજ યોજાયેલી પેટાચૂંટણી માટે મતોની ગણતરી શનિવારે પૂર્ણ થઈ હતી, જેમાં આમ આદમી પાર્ટીએ ભારે જીત નોંધાવી છે. AAPએ અહીંથી મોહિન્દર ભગતને મેદાનમાં ઉતાર્યા હતા. તેમણે બીજેપીની શીતલ અંગુરાલને 37000થી વધુ મતોના માર્જિનથી હરાવ્યા. ભગતને 55246 વોટ મળ્યા, જ્યારે અંગુરાલને 17921 વોટ મળ્યા. કોંગ્રેસ ત્રીજા ક્રમે રહી અને તેના ઉમેદવાર સુરિન્દર કૌરને માત્ર 16757 મત મળ્યા. તાજેતરમાં પૂર્ણ થયેલી લોકસભા ચૂંટણીમાં કોંગ્રેસને આ બેઠક પર લીડ મળી હતી, પરંતુ પેટાચૂંટણીમાં તેને હારનો સામનો કરવો પડ્યો હતો.
શીતલ અંગુરાલ અગાઉ આ બેઠક પરથી આમ આદમી પાર્ટીના ધારાસભ્ય હતા. તેમણે વિધાનસભાના સભ્યપદેથી રાજીનામું આપ્યું હતું અને ભાજપમાં જોડાયા હતા, જેના કારણે જલંધર પશ્ચિમ બેઠક માટે પેટાચૂંટણી યોજાઇ હતી. પરંતુ તેઓ ભાજપની તરફેણમાં મત ટ્રાન્સફર કરવામાં નિષ્ફળ ગયા હતા. કોંગ્રેસના ઉમેદવાર સુરિન્દર કૌર જલંધરના ભૂતપૂર્વ વરિષ્ઠ ડેપ્યુટી મેયર છે અને પાંચ વખત કાઉન્સિલર રહી ચૂક્યા છે. પરંતુ તેમને ત્રીજા સ્થાનથી સંતોષ માનવો પડ્યો હતો. જ્યારે મોહિન્દર ભગત એપ્રિલ 2023માં ભાજપ છોડીને AAPમાં જોડાયા હતા. તેમના પિતા આ વિધાનસભા ક્ષેત્રમાંથી ત્રણ વખત ભાજપના ધારાસભ્ય રહી ચૂક્યા છે અને 2007-2017 સુધી કેબિનેટ મંત્રી હતા.
મોહિન્દર ભગત જલંધર પશ્ચિમ બેઠક પર જીત્યા કે તરત જ ચંદીગઢ AAP કાર્યાલયમાં ઉજવણી શરૂ થઈ ગઈ. આમ આદમી પાર્ટીએ પોસ્ટ પર
જલંધર પશ્ચિમ વિધાનસભા બેઠક પર યોજાયેલી પેટાચૂંટણીમાં કુલ 15 ઉમેદવારોએ ચૂંટણી લડી હતી. પેટાચૂંટણી માટે 10 જુલાઈના રોજ મતદાન થયું હતું અને 54.98 ટકા મતદાન થયું હતું. જલંધર પશ્ચિમ (અનામત) વિધાનસભા મતવિસ્તાર દોઆબા ક્ષેત્રમાં આવે છે. આ બેઠક પર દલિત વસ્તી બહુમતીમાં છે. અહીં પેટાચૂંટણીમાં લોકસભા ચૂંટણી કરતાં લગભગ 9 ટકા ઓછું અને 2022ની વિધાનસભા ચૂંટણી કરતાં 12.31 ટકા ઓછું મતદાન થયું હતું. SAD તરફથી સુરજીત કૌરે અહીંથી ચૂંટણી લડી હતી. 2022ની પંજાબ વિધાનસભા ચૂંટણીમાં, AAPની શીતલ અંગુરાલે કોંગ્રેસના સુશીલ કુમાર રિંકુને 4,253 મતોના માર્જિનથી હરાવ્યા હતા. ચૂંટણીમાં કુલ 116,247 મત પડ્યા હતા, જેમાંથી AAPને 39,213 મત મળ્યા હતા, જે કુલ પડેલા મતોના 33.73% હતા.
Jalandhar West में चल गई झाड़ू🧹✌️
Jalandhar West की जनता ने AAP के उम्मीदवार @mohinderbhagat_ को भारी मतों से विजयी बना कर मुख्यमंत्री @BhagwantMann जी के विकास कार्यों पर मोहर लगा दी है।
जालंधर वेस्ट की जनता को दिल से शुक्रिया और AAP के सभी नेताओं व कर्मठ कार्यकर्ताओं को… pic.twitter.com/xNFzNiWFNE
— AAP (@AamAadmiParty) July 13, 2024
પેટાચૂંટણીના પરિણામો દર્શાવે છે કે જલંધર પશ્ચિમના લોકોએ ઉમેદવારોને બદલે પાર્ટીને પોતાની પ્રથમ પસંદગી બનાવી છે. કદાચ એટલે જ આમ આદમી પાર્ટીએ સતત બીજી વખત આ સીટ જીતી. અન્યથા, તાજેતરમાં પૂર્ણ થયેલી લોકસભા ચૂંટણીમાં, જનતાએ જલંધર સંસદીય બેઠકના આ વિધાનસભા ક્ષેત્રમાં કોંગ્રેસના ઉમેદવાર ચરણજીત સિંહ ચન્નીને લીડ આપી હતી. 2024ની લોકસભા ચૂંટણીમાં, જલંધર લોકસભા મતવિસ્તારના જલંધર પશ્ચિમ વિધાનસભા ક્ષેત્રમાં, ચરણજીત સિંહ ચન્ની 1,557 મતોથી આગળ હતા, જે આ વિધાનસભા મતવિસ્તારમાં થયેલા કુલ મતોના 1.41% હતા. જલંધર લોકસભા સીટ પર ચરણજીત સિંહ ચન્ની (કોંગ્રેસ) જીત્યા હતા.
આ પણ વાંચો: અંતે અનંત-રાધિકા સાત જન્મના બંધનમાં બંધાયા, જૂઓ વિડીયો
