પેટ ફૂલવું, ભૂખ ન લાગવી, થાક લાગવો, આ સંકેતો દર્શાવે છે કે તમારું પેટ ખરાબ છે

કેહવાય છે કે માણસના હ્રદય સુધીનો માર્ગ પેટમાંથી પસાર થાય છે. તેમજ આપણા બધાના સ્વાસ્થ્યનો એકમાત્ર રસ્તો પેટ જ છે. જો આપણે આપણા પેટને સ્વસ્થ ખોરાક આપીએ તો તે આપણા શરીરને સ્વસ્થ રાખે છે. પરંતુ આજની ભાગદોડ ભરેલી જીંદગીમાં આપણે બધાને હેલ્ધી ડાયટને બદલે બહારનું તળેલું ફાસ્ટ ફૂડ ખાવાની આદત પડી ગઈ છે, જેના કારણે આપણા પેટને નુકસાન પહોચાડી રહ્યા છે. આવી સ્થિતિમાં, જો તમે પણ અત્યાર સુધી તમારા પેટના સ્વાસ્થ્ય પર ધ્યાન નથી આપી રહ્યા તો સાવધાન થઈ જાવ. આ સમાચાર દ્વારા, તમને કેટલાક એવા લક્ષણો વિશે જણાવીશું જેના દ્વારા તમે તમારા પેટના સ્વાસ્થ્યનો અંદાજ લગાવી શકો છો.

સ્વસ્થ રહેવા માટે મેટાબોલિક અગ્નિનુ બરાબર કામ કરવું જરુરી છે. આ મેટાબોલિક અગ્નિ ખોરાકને પચાવવા અને તેના પોષક તત્વોને શરીરના બાકીના ભાગમાં પહોચાડવામાં મદદ કરે છે. તેમજ તે અગ્નિ ખોરાકને ઊર્જામાં રૂપાંતરિત કરે છે. અસંતુલિત અગ્નિનો સામાન્ય રીતે અર્થ થાય છે તમારુ ખરાબ પેટ ખરાબ છે જેને બીજા શબ્દોમાં આપણે કહીએ છીએ કે પાંચન શક્તિ નબળી પડી ગઈ છે. આનાથી ભૂખ ન લાગવી, થાક લાગવો, ભારેપણું અને સુસ્તી લાગે છે. આ સિવાય આયુર્વેદમાં ગેસ, કબજિયાત, શુષ્ક ત્વચા, અનિદ્રા, પેઢાં નબળાં પડવા, સ્નાયુઓમાં ખેંચાણ એ આંતરડાના નબળા સ્વાસ્થ્યના સંકેતો છે. જેમાં સંકેતો વિશે આપણે જોણીશું.

ભૂખ ન લાગવી:

દરેક વખતે ભોજન અને તેની યોગ્ય માત્રા આગને બળ આપે છે. એકવાર જમ્યા પછી તેને પચવા માટે સમય આપો. ભોજન વચ્ચેનો અંતરાલ ખૂબ જ મહત્વપૂર્ણ છે. આ સાથે તમારા આહારમાં સંતુલન રાખવું પણ જરૂરી છે. ન તો ઓછું કે ન વધારે, પરંતુ આપણે બધાએ જરૂરી માત્રામાં ખાવું જોઈએ.

એસિડિટી, ગેસ જેવી પેટફૂલવાની સમસ્યાઓ:

જો તમને એસિડિટી, ગેસ, પેટનું ફૂલવું, દુખાવો, ખેંચાણ, વારંવાર ઓડકાર અને પેટ ફૂલવું જેવી સમસ્યાઓનો અનુભવ થાય છે, તો તે પણ આંતરડાના નબળા સ્વાસ્થ્યની નિશાની છે.

કબજિયાત:

કબજિયાત અથવા ઝાડા પેટના ખરાબ સ્વાસ્થ્યને સૂચવે છે. વધુ સારું રહેશે જો તમે તમારા આહારમાં ફાઈબરથી ભરપૂર વસ્તુઓનો સમાવેશ કરો. જો તમને કબજિયાત હોય, તો પુષ્કળ શાકભાજી, ફળો, આખા અનાજનો સમાવેશ કરો. પરંતુ ઝાડા દરમિયાન કેળા, ચોખા અને સફરજનનું સેવન કરવું શ્રેષ્ઠ છે. આ ખાદ્યપદાર્થો હળવા હોવાથી, તેઓ પેટને ખરાબ કરતા નથી. આ ઉપરાંત, તેઓ પેટમાં ખોરાક બંધનકર્તા તરીકે પણ કાર્ય કરે છે. જો તમને પણ આમાંના કોઈપણ લક્ષણો દેખાઈ રહ્યા છે, તો તેને અવગણશો નહીં અને તરત જ ડૉક્ટરનો સંપર્ક કરો.

જીભ પર સફેદ કોટિંગ:

શું તમારી જીભ પર લાંબા સમયથી સફેદ કોટિંગ છે, જો તમારો જવાબ હા છે, તો તેનો અર્થ એ છે કે તમારું પેટ તમને ફરિયાદ કરી રહ્યું છે. સફેદ જીભ એ ચેતવણીનો સંકેત છે કે તમારી પાચન તંત્ર પર દબાણ છે. જ્યારે તમારી જીભ પર ભારે થર હોય છે, ત્યારે તે સફેદ દેખાવા લાગે છે. જો તમારી પાચન તંત્ર પર દબાણ છે તો તેનો અર્થ એ છે કે તમારી પાચન તંત્ર યોગ્ય રીતે કામ કરી રહ્યું નથી. પરિણામે, પેટ આથો અને બેક્ટેરિયલ ચેપથી ઘેરાયેલું હોય છે.

આ પણ વાંચો: પાકિસ્તાનના પૂર્વ વડાપ્રધાન ઈમરાન ખાને કર્યા પીએમ મોદીના વખાણ, પ્રશંસામાં કહ્યુ…

તો આ રીતે રાખો પેટની સંભાળ :

આયુર્વેદ નિષ્ણાતો કહે છે કે એકંદર સ્વાસ્થ્ય માટે, સ્વસ્થ પેટ હોવું જરૂરી છે અને તે ત્યારે જ સ્વસ્થ રહેશે જ્યારે તમારો ખોરાક સ્વસ્થ હશે. જો તમે અહીં આપેલી ટિપ્સને ફોલો કરો છો, તો તમે પણ તમારા પેટની સંભાળ રાખી શકો છો અને તેને બીમારીઓથી બચાવી શકો છો.

જ્યારે તમને ખરેખર ભૂખ લાગે ત્યારે જ ખોરાક લો. ભૂખ લાગવાનો અર્થ એ છે કે તમે છેલ્લે જે ખોરાક ખાધો હતો તે સંપૂર્ણ રીતે પચી ગયો છે. કેટલીકવાર આપણે ભૂલથી માનીએ છીએ કે આપણે ભૂખ્યા છીએ જ્યારે વાસ્તવમાં આપણે ફક્ત તે જ અનુભવીએ છીએ. ક્યારેક આપણું ગળું સુકાઈ જાય છે અને આપણને એવું લાગે છે કે આપણું પેટ ખાલી છે. આ સ્થિતિમાં, જો તમે પાણી પીઓ છો, તો તમારામાં ભૂખની લાગણી તરત જ સમાપ્ત થઈ જાય છે. આપણે બધાએ શાંતિથી અને આરામથી ખોરાક લેવો જોઈએ. તેમજ જે ખોરાક લો તેને બરોબર ચાવીને ખાવો જોઈએ.

 શરીરની જરૂરિયાત મુજબનું ભોજન લો. ન વધારે કે ન ઓછું તમારા શરીરને ખબર છે કે તમારે કેટલું ભોજન લેવું. બીજાનું જોઈને કે લોકોનું અનુકરણ કરીને વધુ કે ઓછો ખોરાક ન ખાવો. પેટ ભરાઈ ગયા પછી ખાશો નહીં. શરીરને સ્વસ્થ રાખવા માટે જરૂરી છે કે તમે હેલ્ધી ફૂડ ખાઓ અને તેનું યોગ્ય માત્રામાં સેવન કરો. પરંતુ તેની સાથે એ પણ જરૂરી છે કે તમે તાજો જ તૈયાર કરેલો ખોરાક ખાઓ. તાજો ખોરાક ખાવાથી તમારા આંતરડાનું સ્વાસ્થ્ય ખૂબ સારું રહે છે. તમારા ભોજનનો સમય મર્યાદિત કરો. હેલ્ધી ખાવાની સાથે તેને સમયસર ખાવું પણ ખૂબ જરૂરી છે.