ISROનું હવે પછીનું મિશન ગગનયાન, ‘વ્યોમમિત્ર’ નામની રોબોટને મોકલશે અંતરિક્ષમાં?, જાણો શું છે આ મિશન
- ISROનું હવે પછીનું મિશન ગગનયાન
- ઓક્ટોબરમાં અવકાશયાન મોકલવામાં આવશે
ઈસરોએ ઈતિહાસ રચ્યો જ્યારે ચંદ્રયાન-3 અવકાશયાન ચંદ્રની સપાટી પર સોફ્ટ લેન્ડિંગ કર્યું. આ સાથે, ભારત ચંદ્રના અજાણ્યા દક્ષિણ ધ્રુવ ક્ષેત્રમાં પહોંચનાર પ્રથમ દેશ અને તત્કાલિન સોવિયેત યુનિયન, યુનાઇટેડ સ્ટેટ્સ અને ચીન પછી ચંદ્ર પર અવકાશયાન સફળતાપૂર્વક લેન્ડ કરનાર ચોથો દેશ બન્યો.ચંદ્રયાન-3ની સફળતાને લઈને દેશભરમાં ઉજવણીનો માહોલ છે. આ દરમિયાન ઈસરોએ હવે તેના નવા લક્ષ્ય પર ધ્યાન કેન્દ્રિત કરવાનું શરૂ કર્યું છે.
ઈસરોએ ચંદ્રયાન બાદ હવે પોતાના નવા લક્ષ્ય પર ધ્યાન કેન્દ્રિત કરવાનું શરૂ કર્યું છે. ISROનું હવે પછીનું મિશન ગગનયાન છે. કેન્દ્રીય વિજ્ઞાન અને પ્રૌદ્યોગિક મંત્રી જિતેન્દ્ર સિંહે આ મિશન પર મોટી અપડેટ આપી હતી. મંત્રી જિતેન્દ્ર સિંહે કહ્યું કે,ઓક્ટોબરના પહેલા કે બીજા સપ્તાહમાં આ મિશન હેઠળ અવકાશમાં અવકાશયાન મોકલવામાં આવશે. તેનો હેતુ એ નક્કી કરવાનો છે કે માનવસહિત મિશન સમયે આ અવકાશયાન તે જ માર્ગ પરથી પાછું આવે જ્યાંથી તે ગયું હતું. અવકાશયાનના સફળ પરીક્ષણ બાદ મહિલા રોબોટ વ્યોમમિત્રને અવકાશમાં મોકલવામાં આવશે.
ત્રણ વર્ષ પહેલા પ્રથમ વાર રજૂ કરાયું વ્યોમમિત્ર
મહિલા રોબોટ વ્યોમમિત્ર મનુષ્યની જેમ તમામ પ્રવૃત્તિઓ કરી શકશે. જો બધું બરાબર રહેશે તો અમે આગળ વધીશું અને માનવયુક્ત મિશન મોકલીશું. અવકાશયાત્રીઓને પાછા મેળવવું એ તેમને મોકલવા જેટલું જ મહત્વપૂર્ણ છે. કેન્દ્રીય મંત્રી જિતેન્દ્ર સિંહે કહ્યું કે, કોવિડ રોગચાળાને કારણે ગગનયાન પ્રોજેક્ટમાં વિલંબ થયો છે. વ્યોમમિત્રને ત્રણ વર્ષ પહેલા પ્રથમ વખત વિશ્વ સમક્ષ રજૂ કરવામાં આવ્યું હતું. તેને વિશ્વના સર્વશ્રેષ્ઠ સ્પેસ એક્સપ્લોરર હ્યુમનૉઇડ રોબોટનો ખિતાબ મળ્યો છે. વ્યોમમિત્રને બેંગ્લોરમાં રાખવામાં આવેલ છે. સંસ્કૃતમાં વ્યોમ એટલે અવકાશ અને મિત્ર એટલે મિત્ર.
મિશન ગગનયાન વિશે જાણો
- આ અંતર્ગત આ વર્ષે બે પ્રારંભિક મિશન મોકલવાના છે
- પ્રથમ મિશન સંપૂર્ણપણે માનવરહિત હશે
- તેનો હેતુ એ નક્કી કરવાનો છે કે ગગનયાન રોકેટ જે માર્ગ લે છે તે જ માર્ગેથી સુરક્ષિત રીતે પરત ફરે
- તેની સફળતા બાદ જ 2024માં માનવને અવકાશમાં મોકલવામાં આવશે
- બીજા મિશનમાં વ્યોમમિત્રા નામની મહિલા રોબોટ મોકલવામાં આવશે. વ્યોમમિત્રા અવકાશયાત્રીઓની જેમ કામ કરશે
- તે ગગનયાનના ક્રૂ મોડ્યુલને વાંચશે અને જરૂરી સૂચનાઓને સમજશે. તેમજ ગ્રાઉન્ડ સ્ટેશનમાં હાજર ટીમનો સંપર્ક કરી વાત કરશે
- આ મિશનના પરિણામો જ મનુષ્ય માટે અવકાશમાં જવાનો માર્ગ ખોલશે
- ત્રીજી ફ્લાઈટમાં બે માણસો મોકલવાના છે. આ લોકો ત્રણ દિવસ સુધી અંતરિક્ષમાં રહેશે. ગગનયાન પૃથ્વીની નીચેની કક્ષામાં 400 કિમીની ઊંચાઈએ ફરશે
- એરફોર્સના ચાર પાયલટોને તેની ટ્રેનિંગ આપવામાં આવી રહી છે
આ પણ વાંચો : ચંદ્રની સપાટીના તાપમાને વૈજ્ઞાનિકોને ચોંકાવ્યા, કહ્યું- આ અમારી અપેક્ષા કરતાં ઘણું વધારે છે
