ભારતે અંતરિક્ષમાં ઈતિહાસ રચી દીધો: ISROના SpaDeX એ પુરી કરી ડોકિંગ પ્રોસેસ, દુનિયાનો ચોથો દેશ બન્યો
HD ન્યૂઝ ડેસ્ક : ભારતે અંતરિક્ષમાં નવો કીર્તિમાન સ્થાપિત કર્યો છે.ISROના સ્પૈડેક્સ મિશને ઐતિહાસિક ડોકિંગ સફળતા પ્રાપ્ત કરી છે. ઈસરોએ પહેલી વાર પૃથ્વીની કક્ષામાં બે વાર ઉપગ્રહ સફળતાપૂર્વક સ્થાપિત કર્યા. તેની સાથે જ ભારતે આ ઉપલબ્ધિ પ્રાપ્ત કરનારા અમેરિકા, રશિયા, ચીન બાદ ચોથો દેશ બની ગયો છે. આ વાસ્તવમાં ભારત માટે ગર્વની ક્ષણ છે. પીએમ મોદીએ આ ઐતિહાસિક ઉપલબ્ધિ માટે ઈસરોને શુભકામનાઓ આપી છે.
SpaDeX Docking Update:
🌟Docking Success
Spacecraft docking successfully completed! A historic moment.
Let’s walk through the SpaDeX docking process:
Manoeuvre from 15m to 3m hold point completed. Docking initiated with precision, leading to successful spacecraft capture.…
— ISRO (@isro) January 16, 2025
નરેન્દ્ર મોદીએ વૈજ્ઞાનિકોને અભિનંદન આપ્યા
પ્રધાનમંત્રી નરેન્દ્ર મોદીએ X પર પોસ્ટ કરી અને આ સફળતા માટે ISROના વૈજ્ઞાનિકોને અભિનંદન આપ્યા. “ઉપગ્રહોના અવકાશ ડોકીંગના સફળ પ્રદર્શન માટે ISROના વૈજ્ઞાનિકો અને સમગ્ર અવકાશ સમુદાયને અભિનંદન. આવનારા વર્ષોમાં ભારતના મહત્વાકાંક્ષી અવકાશ મિશન માટે આ એક મહત્વપૂર્ણ પગલું છે,” તેમણે પોસ્ટ કર્યું.
SpaDeX Docking Update:
🌟Docking Success
Spacecraft docking successfully completed! A historic moment.
Let’s walk through the SpaDeX docking process:
Manoeuvre from 15m to 3m hold point completed. Docking initiated with precision, leading to successful spacecraft capture.…
— ISRO (@isro) January 16, 2025
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
બંને ઉપગ્રહો ૩૦ ડિસેમ્બર ૨૦૨૪ના રોજ લોન્ચ કરવામાં આવ્યા હતા.
૩૦ ડિસેમ્બર ૨૦૨૪ના રોજ શ્રીહરિકોટાના સતીશ ધવન સ્પેસ સેન્ટરથી પીએસએલવી-સી૬૦ લોન્ચ વ્હીકલ દ્વારા બે સ્પેડેક્સ ઉપગ્રહો લોન્ચ કરવામાં આવ્યા હતા. આ ઉપગ્રહોને SDX 01 – ચેઝર અને SDX 02 – ટાર્ગેટ નામ આપવામાં આવ્યા હતા. ઈસરોએ અગાઉ 6 જાન્યુઆરીએ ડોકિંગ ટેસ્ટ કરવાની યોજના બનાવી હતી, પરંતુ ટેકનિકલ કારણોસર તેને 9 જાન્યુઆરી સુધી મુલતવી રાખવામાં આવી હતી. 9 જાન્યુઆરીના રોજ, ચેઝર અને લક્ષ્ય ઉપગ્રહો વચ્ચેનું અંતર 500 મીટરથી ઘટાડીને 225 મીટર કરતી વખતે ટેકનિકલ સમસ્યાઓને કારણે ડોકીંગ પરીક્ષણ બીજી વખત મુલતવી રાખવામાં આવ્યું હતું. આ પછી, ઇસરોએ ખૂબ જ કાળજીપૂર્વક ડોકીંગ માટે ત્રીજો પ્રયાસ શરૂ કર્યો.
ત્રીજા પ્રયાસમાં, ISRO એ ઉપગ્રહોને સફળતાપૂર્વક 500 મીટરથી 230 મીટર, 105 મીટર, 15 મીટર અને પછી 3 મીટરની નજીક લાવ્યા. જોકે, ઇસરોએ સ્પષ્ટતા કરી કે તે માત્ર એક પરીક્ષણ હતું, અને ઉપગ્રહોને ફરીથી સુરક્ષિત અંતરે ખસેડવામાં આવ્યા હતા. માહિતીનું વિશ્લેષણ કર્યા પછી જ આગળનું પગલું લેવામાં આવશે તેવી જાહેરાતથી ઉત્સુકતા વધી ગઈ. આ પછી, ચોથા અને સાવચેતીભર્યા પ્રયાસમાં, ઇસરોએ ઉપગ્રહોને સફળતાપૂર્વક ડોક કર્યા.
આ પણ વાંચો : ઈઝરાયલ-હમાસ વચ્ચે 15 મહિનાથી ચાલી રહેલા યુદ્ધનો અંત, જાણો કઈ ડિલ પર સહમતિ થઈ
