આદિત્ય L1ના પ્રક્ષેપણ માટે કાઉન્ટડાઉન શરૂ, ISROના વૈજ્ઞાનિકોની ટીમ મિશન મોડલ સાથે શ્રી વેંકટેશ્વર મંદિરે પહોંચી
HD ન્યૂઝ ડેસ્ક: ISRO વૈજ્ઞાનિકોની એક ટીમ આદિત્ય-L1 મિશનના મિની મોડલ સાથે પ્રાર્થના કરવા તિરુમાલા શ્રી વેંકટેશ્વર મંદિર પહોંચી. ભારતનું પ્રથમ સૌર મિશન ( આદિત્ય-એલ1 મિશન) 2 સપ્ટેમ્બરના રોજ સવારે 11.50 વાગ્યે આંધ્ર પ્રદેશના શ્રીહરિકોટા સ્પેસ સેન્ટરથી લોન્ચ કરવામાં આવશે.
લોન્ચ માટે રિહર્સલ પૂર્ણ: ભારતનું પ્રથમ સૌર મિશન (આદિત્ય-એલ1 મિશન) 2 સપ્ટેમ્બરે સવારે 11.50 વાગ્યે આંધ્ર પ્રદેશના શ્રીહરિકોટા સ્પેસ સેન્ટરથી લોન્ચ કરવામાં આવશે. પ્રક્ષેપણની તૈયારીઓ વિશે માહિતી આપતા, ISRO ચીફ એસ સોમનાથે ગુરુવારે ચેન્નઈમાં કહ્યું હતું કે, “રોકેટ અને સેટેલાઇટ તૈયાર છે. અમે લોન્ચ માટે રિહર્સલ પૂર્ણ કર્યું છે.”
#WATCH | Andhra Pradesh: A team of ISRO scientists arrive at Tirumala Sri Venkateswara Temple, with a miniature model of the Aditya-L1 Mission to offer prayers.
India's first solar mission (Aditya-L1 Mission) is scheduled to be launched on September 2 at 11.50am from the… pic.twitter.com/XPvh5q8M7F
— ANI (@ANI) September 1, 2023
શું છે મિશન આદિત્ય L1: આદિત્ય-L1 અવકાશયાન સૂર્યની ભ્રમણકક્ષાના દૂરસ્થ અવલોકન માટે અને L1 (સૂર્ય-પૃથ્વી લેગ્રેંજિયન બિંદુ) પર સૌર પવનનો અભ્યાસ કરવા માટે રચાયેલ છે. તેને પૃથ્વીથી 1.5 મિલિયન કિલોમીટર દૂર સૂર્ય-પૃથ્વી સિસ્ટમના L1 બિંદુની ભ્રમણકક્ષામાં મૂકવામાં આવશે. આ બિંદુની વિશેષતા એ છે કે અહીં સૂર્ય અને પૃથ્વીનું ગુરુત્વાકર્ષણ તટસ્થ રહે છે, જેના કારણે વસ્તુઓ આ સ્થાન પર રહી શકે છે. તેને સૂર્ય અને પૃથ્વીની અવકાશમાં પાર્કિંગ પોઈન્ટ પણ કહેવામાં આવે છે.
ચંદ્ર પછી હવે સૂર્યની ઉડાન: આ ભારતનું પહેલું મિશન છે, જે સૂર્યના અભ્યાસ માટે અવકાશમાં મોકલવામાં આવી રહ્યું છે. આ એવા સમયે કરવામાં આવી રહ્યું છે જ્યારે ઈસરોએ તાજેતરમાં ચંદ્રયાન-3નું ચંદ્રના દક્ષિણ ધ્રુવ પર સફળતાપૂર્વક સોફ્ટ લેન્ડિંગ કરીને ઈતિહાસ રચ્યો છે. આ સાથે ભારત દક્ષિણ ધ્રુવ પર સફળ લેન્ડિંગ કરનાર વિશ્વનો પ્રથમ અને એકમાત્ર દેશ બની ગયો છે. આ પહેલા અમેરિકા, સોવિયત સંઘ અને ચીન ચંદ્ર પર સફળ ઉતરાણ કરી ચૂક્યા છે. જો કે, આમાંથી કોઈ દક્ષિણ ધ્રુવ પર ઉતર્યું નથી.
ચંદા મામા પછી હવે સૂરજ દાદાનો વારો; 2 સપ્ટેમ્બરે ISROનું આદિત્ય-L1 પ્રોજેક્ટ થશે લોન્ચ
