Mission Gaganyaan: ISRO અવકાશમાં મોટી છલાંગ લગાવવા તૈયાર, મિશન ગગનયાનના SMPSનું સફળ પરીક્ષણ
ચંદ્રયાન-3ના સફળ પ્રક્ષેપણ પછી ISROએ ભારતના પ્રથમ માનવસહિત અવકાશ મિશન ગગનયાન-1 માટેની તૈયારીઓ પણ ઝડપી કરી દીધી છે. ISROએ ગગનયાન સર્વિસ મોડ્યુલ પ્રોપલ્શન સિસ્ટમ (SMPS)નું સફળતાપૂર્વક પરીક્ષણ કર્યું છે. આ પરીક્ષણ મહેન્દ્રગિરિમાં ISRO પ્રોપલ્શન કોમ્પ્લેક્સ (IPRC) ખાતે કરવામાં આવ્યું હતું.
આ પણ વાંચોઃ ચંદ્રયાન-3: પાર કર્યો ચોથો પડાવ, જાણો ક્યારે પુરુ થશે ISROનું મિશન મૂન
ISROએ ટ્વીટ કર્યું કે ગગનયાન સર્વિસ મોડ્યુલ પ્રોપલ્શન સિસ્ટમ (SMPS)નું IPRC, મહેન્દ્રગિરી ખાતે સફળતાપૂર્વક પરીક્ષણ કરવામાં આવ્યું. જે ઓર્બિટલ મોડ્યુલની જરૂરિયાતોને પૂર્ણ કરે છે. અવકાશમાં દેશનું પ્રથમ માનવ મિશન ગગનયાન આ વર્ષે લોન્ચ થઈ શકે છે. જે અંગે દરેક સ્તરે પરીક્ષણો કરવામાં આવી રહ્યા છે.
ISRO successfully tested the Gaganyaan Service Module Propulsion System (SMPS) – which caters to the requirements of the Orbital Module – at IPRC, Mahendragiri.
The hot test was conducted in SMPS’s final configuration. https://t.co/yO0O1I77p2 pic.twitter.com/0Wn4KzGfTU
— ISRO (@isro) July 20, 2023
ઈસરોનું Mission Gaganyaan
ISROએ વધુમાં જણાવ્યું કે SMPSના અંતિમ રૂપરેખામાં હોટ ટેસ્ટ હાથ ધરવામાં આવ્યો હતો. પરીક્ષણ દરમિયાન, એન્જિનિયરોએ 440 N ના થ્રસ્ટ સાથે પાંચ લિક્વિડ એપોજી મોટર (LAM) એન્જિન અને 100 N ના થ્રસ્ટ સાથે સોળ રિએક્શન કંટ્રોલ સિસ્ટમ (RCS) થ્રસ્ટર્સ છોડ્યા.
ત્રણ સભ્યોની ટીમ અવકાશમાં જશે
ISROએ જણાવ્યું હતું કે હોટ ટેસ્ટ 250 સેકન્ડ સુધી ચાલ્યો હતો અને તેમાં પરીક્ષણ રૂપરેખાને અનુસરીને RCS થ્રસ્ટર્સ તેમજ LAM એન્જિનને સતત મોડમાં ફાયરિંગ કરવામાં આવ્યું હતું. ગગનયાન સર્વિસ મોડ્યુલ પ્રોપલ્શન સિસ્ટમ લિક્વિડ પ્રોપલ્શન સિસ્ટમ સેન્ટર (LPSC) દ્વારા ડિઝાઇન અને વિકસિત કરવામાં આવી છે. મિશન ગગનયાનમાં ત્રણ સભ્યોની ટીમ અવકાશમાં મોકલવામાં આવશે.
ચંદ્રયાન-3 14 જુલાઈના રોજ લોન્ચ કરવામાં આવ્યું હતું
ઈસરોએ 14 જુલાઈના રોજ મિશન ચંદ્રયાન-3 લોન્ચ કર્યું હતું. ઈસરોએ કહ્યું કે ચંદ્રયાન-3ને ચંદ્રની ભ્રમણકક્ષામાં લઈ જવાની ચોથી કવાયત સફળતાપૂર્વક પૂર્ણ થઈ ગઈ છે. તેમાં કહેવામાં આવ્યું છે કે આંતરરાષ્ટ્રીય ચંદ્ર દિવસના અવસરે ભારતે ચંદ્રયાન-3ને ચંદ્રની નજીક લાવ્યું છે. ચંદ્રયાન-3નું ચંદ્ર પર સોફ્ટ લેન્ડિંગ ઓગસ્ટના છેલ્લા સપ્તાહમાં થવાનું છે.
