ઇઝરાયેલના વડાપ્રધાન નેતન્યાહૂએ યુદ્ધ વચ્ચે પીએમ મોદીને ફોન કર્યો

• નેતન્યાહૂએ પીએમ મોદીને વર્તમાન સ્થિતિ અંગે જણાવ્યું
• પીએમ મોદીએ કહ્યું, ભારત ઇઝરાયેલની સાથે છે
• ભારતે આતંકવાદની ભારે નિંદા કરી

હમાસ સાથે ચાલી રહેલા યુદ્ધ વચ્ચે ઇઝરાયેલના વડાપ્રધાન બેન્જામિન નેતન્યાહુએ ભારતના વડાપ્રધાન નરેન્દ્ર મોદી સાથે ફોન પર વાત કરી છે. વડાપ્રધાન મોદીએ ટ્વીટ કરીને આ જાણકારી આપી છે અને કહ્યું છે કે નેતન્યાહૂએ વર્તમાન સ્થિતિ વિશે જાણકારી આપી છે. પીએમ મોદીએ કહ્યું કે ભારત દરેક સ્વરૂપે આતંકવાદની નિંદા કરે છે. ભારત આ સમયે ઈઝરાયેલની સાથે મજબૂતીથી ઊભું છે.

 

પીએમ મોદીએ X પર લખ્યું કે, “હું વડા પ્રધાન નેતન્યાહૂનો તેમના ફોન કૉલ અને વર્તમાન પરિસ્થિતિ અંગે અપડેટ્સ આપવા બદલ આભાર માનું છું. ભારતના લોકો આ મુશ્કેલ સમયમાં ઇઝરાયલની સાથે મજબૂત રીતે ઉભા છે. ભારત તેના તમામ સ્વરૂપો અને અભિવ્યક્તિઓમાં આતંકવાદની નિંદા કરે છે.” સ્પષ્ટપણે આવા અભિવ્યક્તિઓની નિંદા કરે છે.” અગાઉ, ઇઝરાયેલના ભૂતપૂર્વ વડાપ્રધાન અને વિપક્ષના વર્તમાન નેતા યાયર લેપિડે સોમવારે તેમના દેશ પ્રત્યે સમર્થન દર્શાવવા બદલ ભારતનો આભાર વ્યક્ત કર્યો હતો. ગાઝા પર શાસન કરતા પેલેસ્ટિનિયન ઉગ્રવાદી જૂથ હમાસે શનિવારે સવારે ઇઝરાયેલના દક્ષિણ ભાગો પર અચાનક અને અભૂતપૂર્વ હુમલો કર્યો. આ પછી ઈઝરાયેલે પણ ગાઝા પટ્ટી પર અનેક હવાઈ હુમલા કરીને જવાબી કાર્યવાહી કરી હતી.

I thank Prime Minister @netanyahu for his phone call and providing an update on the ongoing situation. People of India stand firmly with Israel in this difficult hour. India strongly and unequivocally condemns terrorism in all its forms and manifestations.

— Narendra Modi (@narendramodi) October 10, 2023

નેતન્યાહુએ કહ્યું- હવે આ યુદ્ધને અમે સમાપ્ત કરીશું

બીજી તરફ યુદ્ધની વચ્ચે ઈઝરાયેલના વડાપ્રધાન બેન્જામિન નેતન્યાહુએ કહ્યું કે હમાસે અમારા પર હુમલો કરીને સૌથી મોટી ભૂલ કરી છે. અમે એવી કિંમત નક્કી કરીશું જે હમાસ અને ઇઝરાયેલના અન્ય દુશ્મનોની પેઢીઓ દાયકાઓ સુધી યાદ રાખશે. PM નેતન્યાહુએ કહ્યું- અમે યુદ્ધ ઇચ્છતા ન હતા. આ ખૂબ જ ક્રૂર રીતે અમારા પર લાદવામાં આવ્યું હતું. અમે યુદ્ધ ભલે શરૂ ન કર્યું હોય, પરંતુ અમે તેને સમાપ્ત કરીશું. ઈઝરાયેલ માત્ર પોતાના લોકો માટે જ નહીં પરંતુ બર્બરતા સામે ઉભેલા દરેક દેશ માટે લડી રહ્યું છે.

Israel is at war.

We didn’t want this war.

It was forced upon us in the most brutal and savage way.
But though Israel didn’t start this war, Israel will finish it.

Once, the Jewish people were stateless.
Once, the Jewish people were defenseless.
No longer.

Hamas will… pic.twitter.com/eVECGnzLu3

— Benjamin Netanyahu – בנימין נתניהו (@netanyahu) October 9, 2023

યુદ્ધમાં મૃત્યુઆંકનો આંકડો 1600 નજીક પહોંચ્યો

7 ઓક્ટોબરથી શરૂ થયેલા આ યુદ્ધમાં અત્યાર સુધીમાં કુલ 1,587 લોકોના મોત થયા છે. ઈઝરાયેલમાં 900 લોકો માર્યા ગયા છે, જ્યારે 2300 લોકો ઘાયલ થયા છે. તે જ સમયે, ગાઝા પટ્ટીમાં 140 બાળકો સહિત 700 પેલેસ્ટિનિયન માર્યા ગયા છે. અને 3,726 લોકો ઘાયલ થયા છે. આ સિવાય ઈઝરાયેલની સેનાએ તેના વિસ્તારમાં હમાસના 1500 લડવૈયાઓને પણ માર્યા છે.

 

આ પણ વાંચો: ઈઝરાયેલ અને હમાસ યુદ્ધ વચ્ચે દિલ્હીમાં ઈઝરાયેલ દૂતાવાસની સુરક્ષા વધારાઈ