ઈઝરાયલનો ગાઝાપટ્ટીમાં હુમલાનો દોર યથાવત, 2200થી વધુના મૃત્યુ
- ઈઝરાયલની કાર્યવાહીથી ગાઝાપટ્ટીમાં 8500થી વધુ ઘાયલ
- હમાસના હુમલાથી ઈઝરાયેલમાં 1300થી વધુના મૃત્યુ તો 3400થી વધુ ઘાયલ
ઈઝરાયેલ-હમાસ યુદ્ધઃ ઈઝરાયેલ અને હમાસ વચ્ચેના યુદ્ધને આઠ દિવસ વીતી ગયા છે. ત્યારે ગાઝામાં ઈઝરાયેલ દ્વારા કરવામાં આવેલા પ્રચંડ આક્રમણને કારણે અત્યાર સુધીમાં 2200થી વધુ પેલેસ્ટાઈન લોકોના મૃત્યુ થયા છે. અહીં 8500થી વધુ લોકો ઘાયલ થયા છે. મૃતકોમાં 700 બાળકો પણ સામેલ છે. આ સાથે ઈઝરાયેલમાં હમાસના હુમલામાં મૃત્યુ પામનારની સંખ્યા 1300થી વધુ છે, જ્યારે 3400થી વધુ ઘાયલ છે.
ઈઝરાયેલની બોમ્બમારોને કારણે ગાઝાપટ્ટીમાં રહેતા પેલેસ્ટાઈનીઓ માટે પોતાનો જીવ બચાવવો મુશ્કેલ બની રહ્યો છે. ઈઝરાયલે આખી રાત ગાઝાના ખાન યુનિસ, ગાઝા સિટી સહિત ગાઝાના ઘણા વિસ્તારોમાં બોમ્બમારો કર્યો હતો.
VIDEO | Visuals of the damage caused in the city of Gaza by Israeli Army attacks and residents of the enclave fleeing the expected ground invasion of the Gaza Strip.
(Source: EFE/PTI)
Full video is available on PTI Videos. #IsraelPalestineWar pic.twitter.com/d5UW2AGTdo
— Press Trust of India (@PTI_News) October 14, 2023
ઈઝરાયેલના પ્રધાનમંત્રીએ સૈનિકોની લીધી મુલાકાત
ઈઝરાયેલના વડાપ્રધાન બેન્જામિન નેતન્યાહુએ ગાઝા સરહદની મુલાકાત લીધી હતી. તેણે ફ્રન્ટલાઈન પરના સૈનિકો સાથે વાત કરી અને તેમને પ્રોત્સાહિત કર્યા હતા. નેતન્યાહુએ કહ્યું કે, અમારા સૈનિકો ગાઝાપટ્ટીમાં છે, તેથી અમે તૈયાર છીએ. તેણે સ્પષ્ટ કર્યું છે કે તે હમાસનો નાશ કરશે.
#WATCH कफ़र अज़ा: इज़राइल के प्रधानमंत्री बेंजामिन नेतन्याहू ने मोर्चे पर इज़राइली सैनिकों के साथ बातचीत की।
(वीडियो सौजन्य: रॉयटर्स) pic.twitter.com/m28VuiIepz
— ANI_HindiNews (@AHindinews) October 14, 2023
ઈઝરાયેલની સેનાએ કહ્યું છે કે, તે હવે હમાસ સાથેના યુદ્ધમાં આગળના તબક્કાની તૈયારી કરી રહી છે. ગાઝામાં ઘૂસીને હમાસના સ્થાનો પર જમીની હુમલો કર્યા બાદ હવે હવા, સમુદ્ર અને જમીન દ્વારા હુમલો કરવાની તૈયારી કરવામાં આવી રહી છે. આ માટે હજારો અનામત સૈનિકોને બોલાવવામાં આવ્યા છે.
આ પણ જુઓ :જમ્મુ-કાશ્મીર, લદ્દાખ અને હિમાચલમાં ઓરેન્જ એલર્ટ, હિમવર્ષાની ચેતવણી
