ISISએ બાળકોના માથા કાપી બંધકોને ખવડાવ્યું માંસ, આ મહિલાની આપવીતી સાંભળી હ્રદય હચમચી જશે

તેલ-અવીવ, 20 ઓકટોબર : ઇઝરાયેલની સેનાએ બે અઠવાડિયા પહેલા યઝીદી મહિલા ફવઝિયા અમીન સિદોને ગાઝામાંથી મુક્ત કરાવી હતી. જ્યારે તે 9 વર્ષની હતી ત્યારે તેને ISISના આતંકવાદીઓએ બંધક બનાવી હતી. બાદમાં તેને ગાઝામાં બંધક રાખવામાં આવી હતી.

અમીન સિદોએ બંધક અવસ્થામાં તેના પર થયેલા અત્યાચારોને યાદ કર્યા. તેણે કહ્યું કે 9 વર્ષની ઉંમરે તેને તેના ભાઈઓ સાથે બંધક બનાવવામાં આવી હતી. તેને સિંજારથી તાલ અફર સુધી પગપાળા લઈ જવામાં આવી હતી. તેને ત્રણ દિવસ સુધી ભૂખી રાખવામાં આવી હતી. ત્યારબાદ તેને ખાવા માટે ચોખા અને માંસ આપવામાં આવ્યું. બાદમાં ખબર પડી કે આ માંસ યઝીદી બાળકોનું છે.

શિરચ્છેદ કરાયેલા બાળકોની તસવીરો બતાવી, કહ્યું- તેમનું માંસ ખાધું

“તેઓએ ભાત બનાવ્યા અને અમને તેની સાથે ખાવા માટે માંસ આપ્યું. માંસનો સ્વાદ વિચિત્ર હતો. અમારામાંથી કેટલાકને પછી પેટમાં દુખાવો થયો. તેઓએ અમને કહ્યું કે તે યઝીદી બાળકોનું માંસ હતું. અમને શિરચ્છેદ કરાયેલા બાળકોના ચિત્રો બતાવ્યા, આ તે બાળકો હતા જે તમે હમણાં જ ખાધા હતા.”

તેણે કહ્યું, “એક મહિલાને એ જાણ્યા પછી હાર્ટ એટેક આવ્યો કે તેણે બાળકનું માંસ ખાધું છે, જેના કારણે તેનું મૃત્યુ થયું. એક માતાએ ફોટોમાં હાથ જોઈને પોતાના બાળકને ઓળખી લીધું.”

યઝીદીઓ ઉત્તર ઇરાકમાં રહેતી ધાર્મિક લઘુમતી છે.

સિદો 2014માં ISIS દ્વારા બંધક બનાવવામાં આવેલી યઝીદી મહિલાઓમાંની એક હતી. યઝીદીઓ ઉત્તર ઇરાકમાં રહેતી ધાર્મિક લઘુમતી છે. ISISના આતંકીઓએ તેમના પર ભયંકર અત્યાચાર કર્યા છે. ISIS તેના કેદીઓને માનવ માંસ ખવડાવે છે તેવો આરોપ નવો નથી. યઝીદી સાંસદ વિયાન દાખિલે 2017માં પહેલીવાર તેની માહિતી આપી હતી.

સીદોનો ત્રાસ માનવ માંસ બળજબરીથી ખાવાથી સમાપ્ત થયો ન હતો. તેણીને 200 અન્ય યઝીદી મહિલાઓ અને બાળકો સાથે 9 મહિના સુધી ભૂગર્ભ જેલમાં રાખવામાં આવી હતી. દૂષિત પાણીના કારણે કેટલાક બાળકોના મોત થયા હતા. સિદોને ઘણા જેહાદી લડવૈયાઓને વેચવામાં આવી હતી. આમાં અબુ અમર અલ-મકદીનો સમાવેશ થાય છે, જેની સાથે તેણીને બે બાળકો હતા.

વર્ષોની કેદ પછી તેને ઇઝરાયલી સૈનિકોએ યુએસ એમ્બેસી સાથે સંયુક્ત ઓપરેશનમાં છોડાવી હતી. તે ઇરાકમાં તેના પરિવાર પાસે પાછી ફરી છે. તેના બાળકો તેના અપહરણકર્તાના પરિવાર સાથે ગાઝામાં છે. તેઓ આરબ મુસ્લિમ તરીકે ઉછરે છે.

આ પણ વાંચો :દિલ્હી બ્લાસ્ટ અંગે ગૃહ મંત્રાલયે માંગ્યો રિપોર્ટ, દિલ્હીમાં હાઈ એલર્ટ! NIA કરશે કેસની તપાસ