શું કુશા કપિલા અર્જુન કપૂરને ડેટ કરી રહી છે ? અભિનેત્રીએ કર્યો ખુલાસો
તાજેતરમાં કુશા અર્જુન કપૂરને ડેટ કરી રહી હોવાના સમાચાર સામે આવી રહ્યા હતા.સોશિયલ મીડિયા પ્રભાવક અને અભિનેત્રી કુશા કપિલા દરરોજ કંઈક ને કંઈક શેર કરતી રહે છે. તે સોશિયલ મીડિયા પર ખૂબ જ એક્ટિવ છે અને તેના ફેન્સ માટે ફની પોસ્ટ શેર કરતી રહે છે. કુશા છેલ્લા કેટલાક સમયથી તેના પતિ જોરાવર સિંહ અહલુવાલિયાથી છૂટાછેડાને લઈને ચર્ચામાં છે. કુશાએ થોડા સમય પહેલા સોશિયલ મીડિયા પર પોસ્ટ શેર કરીને બધાને છૂટાછેડા વિશે જણાવ્યું હતું.
પોતાના અંગત જીવન માટે હેડલાઇન્સ બનાવનાર કુશા કપિલાનું નામ હવે બોલિવૂડ એક્ટર અર્જુન કપૂર સાથે જોડવામાં આવી રહ્યું છે. અર્જુન કપૂરને ડેટ કરવાના સમાચાર જાણ્યા બાદ કુશાએ તેના પર પ્રતિક્રિયા આપી છે. મલાઈકા અરોરા અને અર્જુન કપૂરના બ્રેકઅપના સમાચાર આવતા જ રહે છે. જો કે બંને આના પર પ્રતિક્રિયા આપવાનું પસંદ કરતા નથી. પરંતુ અર્જુન કપૂરને ડેટ કરવાના સમાચાર પર કુશા ગુસ્સે થઈ ગઈ છે. તેણે સોશિયલ મીડિયા પર પોસ્ટ શેર કરી છે.
કુશા કપિલાએ લખ્યું – જ્યારે પણ હું મારા વિશે કોઈ બકવાસ વાંચું છું, ત્યારે હું ફક્ત પ્રાર્થના કરું છું કે મારી મમ્મી આ બધું ન વાંચે. તેમનું સામાજિક જીવન પણ ખરાબ થઈ રહ્યું છે. તાજેતરમાં કુશા કપિલા કરણ જોહરના ઘરે પાર્ટીમાં ગઈ હતી. જ્યાં અર્જુન કપૂર પણ હતો. મલાઈકા અરોરા ત્યાં નહોતી. પાર્ટીનો એક ફોટો વાયરલ થયો હતો જેમાં બધા કેમેરા માટે પોઝ આપતા જોવા મળ્યા હતા અને અર્જુન કુશાને જોઈ રહ્યો હતો. આ ફોટો સામે આવ્યા બાદ જ કુશા અને અર્જુનના નામ જોડાવા લાગ્યા હતા.
આ પણ વાંચો : Bigg Boss 16 ફેમ સૌંદર્યા શર્માએ શેર કરી ગ્લેમરસ તસવીરો
