10 વર્ષ નાના અમીર બિઝનેસમેનને ડેટ કરી રહી છે કૃતિ સેનન? શું છે ધોની સાથે સંબંધ?

• કૃતિ સેનન પ્રોફેશનલ લાઈફની સાથે સાથે પર્સનલ લાઈફને લઈને પણ ચર્ચાઓમાં રહે છે. છેલ્લે તેનું નામ બાહુબલી ફેમ પ્રભાસ સાથે ખૂબ ચર્ચાયું હતું. હવે તેનું નામ કોઈ અન્ય વ્યક્તિ સાથે જોડાયું છે. બંનેના અફેરના સમાચાર બોલિવૂડમાં ખૂબ ઉડી રહ્યા છે.

24 માર્ચ, મુંબઈઃ બોલિવૂડની હોટ એન્ડ બ્યુટીફૂલ અભિનેત્રી કૃતિ સેનન છેલ્લે તેરી બાતોમેં એસા ઉલઝા જિયા ફિલ્મમાં જોવા મળી હતી. આ રોબોટિક ડ્રામા ફિલ્મમાં કૃતિ સાથે શાહિદ કપૂર લીડ રોલમાં હતો. ફિલ્મમાં અભિનેત્રીના પર્ફોમન્સે દર્શકોને ખૂબ ઈમ્પ્રેસ કર્યા હતા. કૃતિ સેનન પ્રોફેશનલ લાઈફની સાથે સાથે પર્સનલ લાઈફને લઈને પણ ચર્ચાઓમાં રહે છે. છેલ્લે તેનું નામ બાહુબલી ફેમ પ્રભાસ સાથે ખૂબ ચર્ચાયું હતું. હવે તેનું નામ કોઈ અન્ય વ્યક્તિ સાથે જોડાયું છે. બંનેના અફેરના સમાચાર બોલિવૂડમાં ખૂબ ઉડી રહ્યા છે. લોકો વિચારી રહ્યા છે કે આખરે કોણ છે કૃતિનો આ રુમર્ડ બોયફ્રેન્ડ?

મિસ્ટ્રી મેન સાથે વાયરલ થઈ કૃતિની તસવીર

કૃતિ સેનને એક તસવીર શેર કરી છે. આ તસવીર શેર થવાની સાથે સોશિયલ મીડિયા પર તેના અફેરના સમાચાર આવવા લાગ્યા છે. આ તસવીરમાં કૃતિ એક છોકરાનો હાથ પકડીને લંડનના રસ્તાઓ પર ફરી રહી છે. આ તસવીર જોઈને સોશિયલ મીડિયા પર અફવાઓ ઉડી રહી છે કે આ વ્યક્તિ બીજું કોઈ નહીં, પરંતુ અભિનેત્રીનો રૂમર્ડ બોયફ્રેન્ડ છે. આ છોકરાનું નામ કબીર બહિયા છે. કબીર બ્રિટનનો રહેવાસી છે. કબીર કૃતિથી લગભગ દસ વર્ષ નાનો છે. એટલું જ નહી, કબીરના પિતા ઈંગ્લેન્ડના એક ફેમસ બિઝનેસમેન છે.

ધોની સાથે છે ખાસ સંબંધ

ઉલ્લેખનીય છે કે કૃતિ સેનન સાથે અફેરના સંબંધોને લઈને ચર્ચામાં આવેલા કબીર દહિયાને ભારતીય ક્રિકેટ ટીમના પૂર્વ કેપ્ટન મહેન્દ્રસિંહ ધોની સાથે પણ સંબંધ છે. મહેન્દ્ર સિંહ ધોની અને તેની પત્ની સાક્ષી સાથે કબીર કેટલીક તસવીરોમાં જોવા મળ્યો છે. એવું કહેવાય છે કે કબીર સાક્ષીનો સંબંધી છે. જોકે કૃતિ અને કબીરના સંબંધોને લઈને હજુ કોઈ જાણકારી સામે આવી નથી. ઉલ્લેખનીય છે કે કૃતિનું નામ આ પહેલા સાઉથ સુપરસ્ટાર પ્રભાસ સાથે જોડાઈ ચૂક્યું છે. પ્રભાસ અને કૃતિના અફેરના સમાચાર ‘આદિપુરુષ’ના સેટ પર સામે આવ્યા હતા.

આ પણ વાંચોઃ ઈમરાન હાઝમી ગેંગસ્ટર બનીને મચાવશે ધૂમ, પવન કલ્યાણની OGનું પહેલું પોસ્ટર રિવીલ